اتمنى من الله ثم منكم انكم تساعدوني ..
اتمنى اني اشتغل .. لكن زوجي شوي له شروط
اول شي ودي اعرف لو في اماكن توظف النساء بس يعني مش مختلط .. اقل شي انه الحريم يكونون في مكتب خاص وما يكون فيه اختلاط كبير مع الموظفين و المراجعين ..
غير جي ياريت اعرف لو حبيت اقدم في التربية والتعليم على اساس اني ادارية كيف الاجراءات ؟ وياترى وين ااقدم الطلب وكيف يكون .. يعني مابا اكون مدرسه .. لا ابا ادارية ..
شهادتي آي تي .. تخصص مواقع انترنت..
ياريت اتساعدوني
يا هلا بك أختي أم مصبّح…
شهادتك ممكن تمشي بشكل كبير في البنوك…قسم خدمة العملاء للسيدات…
مثلا مصرف أبوظبي الإسلامي فرع الخالديه…لو رحتي بتلاقي بس نساء اللي هناك…ما في رجال…
أعتقد البنوك ( الإسلاميه طبعا ) راح تكون أفضل لك من إداريه في مدرسه…لأنها راح تبعدك عن مجال تخصصك…
ممكن تتصلي في المنطقه أو تروحي لهم ( في الخالديه بجانب عبد الصمد القرشي ) و تسأليهم كيف التقديم…
الله يوفقك أم مصبّح
البنوك صعبه لأن دوامهم طويل واجازاتهم مش مريحة خصوصا السبت
بعدين لا تغترون بدراستي 
للأسف جامعة زايد كلها نظري يعني التطبيقي شي بسيط وتافه الي علمونا عليه
يعني تقدرين تقولين كأني ما درست شي ونسيت كل شي لأن مافيه تركيز على الجانب العملي الله يسامحهم
فما همني وايد اني اشتغل في مجالي او لا .. عشان اشتغل في مجالي لازم ادور على دورات واعيد من اول ويديد