مرحبا خواتي
حبيت تفيدوني من خبرتكم وحياتكم وخاصة للي يشتغلون..
انا دوامي من 7 االى 1 ونص يعني 2 اكون بالبيت..
واحب انام الظهر
اشلون انظم وقتي ؟ابي اعرف جدول امهات شتغلون وعندهم اعيال وبيت ومثلي ..
بليييييييييييز ساعدوني؟؟
وهل تحسون انكم موفيين حق جسمكم؟واعيالكم ؟وشغلكم؟
للعلم زوجي رجع البيت الساعه 3 ….
بليييز ساعدوني؟؟
إن شاء الله الخوات يفيدونج انا ما اشتغل بس أحس أن صعب بالنسبه لي ما بتحمل
إذا أنت مب محتاجه يالغاليه للشغل أريييييييححححلج تيسين في البيت وإن شاء الله اهل الخبره يفيدونج
هنوده
مشكورة ع الرد
بس حاليا انا مااقدر اترك الشغل..
اقل ودوامش تر ى زين اذا تودي الاطفال عند احد حضانة او الوالدة قولي ليهم يقعدوا من
الصباح ويلعبوا ولا يناموا واخذيهم رجعتش من الدوام ونامي وياهم ساعة او ساعتين
واصحي اتركيهم يلعبوا ونظفي البيت وانصحش تطبخي من الليل او على الاقل تجهزي الشي اللي ياخذ وقت وتقدري تسوي الصواني البشاميل والمحاشي بالثلاجة واليوم اللي بعده اطبخيه
بس نصيحة لا تاجلي غسيل الملابس والصحون لانها بتتجمع عليش وبتتعبي اكثر حاولي انش
تعلم الاطفال ان مكان الاكل المطبخ او طاولة الطعام علشان لا يوسخوا البيت كله ومجلس الضيوف
خليه مغلق ماتدخلوه الا وقت يجيكم احد لا تتعبي من كثر التنظيف يعني احصروا روحكم باقل حيز
ههههههه تصدقي عن تجربة اذا نظفتي ومسحتي كل يوم بكون اسهل عليش التنظيف اليومي
وطبعا اعطي وقت لكل طفل اللي يعرف يلعب العبي ويا وارسمي ولونييعني وانت جالسة مكانك
واصغير افرشيله مكان وحطي جنبه العابه والعبي وياه وز وجك لاتنسي اذا جا 3 بيرتاح شوي بعد
واذا زوجش ينام شوي بعد ما يجي من دوامه اجلي نومكم لين يجي تغدوا بالعافية وناوا ساعة
هذا اللي ببالي ان شاء الله اكون افدتش ولا تتاخروا بنوم الليل علشان الصحة
ادعيلي بوظيفة دوامها ينا سبني يارب
هلا فيج اختي ومشكوره ع النصيحه..
انا الغدا يجيني جاهز من بيت اهل رجلي وعندي شغاله تساعدني,,
انشالله اقدر ارتب وضعي..
ثانيا من خلال تجربتي وعندي اطفال الله يحفضهم
انا ارجع من شغل 2ظهر واخلي خدامه تنظف صاله وترتبها واجهز غدا وابدل ثيابي ونتغدا كلنا مع ابو شباب يرجع 3وساعه 4 ننام لين ساعه 6ونص او 7 وطبعا خلاص اعيالي تعودوا على روتين ان ساعه 4 الكل نايم
طبعا بالبدايه صعب كثير وتعبت لين ماتاقلموا انهم ينامون ويقومون حزتنا
واذا اخترب جدولهم يوم واحد اقعد اسبوع اعودهم على نومتنا
لكن هالروتين يتعب بمعني نص يوومج ضاع بنومه
فصارت طلعاتنا فقط بالويكند
والصراحه روتين ممل
اتمني اني افدتج
كلثم
بس ف الليل متى بتنامون؟؟؟؟؟؟؟؟؟؟؟
ياري يرزقني الوظيفة اللي اتمناها بخير
الله يرزقج كل خير