كيفكم يابنات ويارجال..اعذروني مو متعودة على وجود الرجال بالقسم
لاتواخذوني ماصار لي سنة من تزوجت:o
المهم انا حبيت أسالكم عن رايكم في كيفية معاملة الزوج والزوجة
يعني كيف لازم العلاقة تصير عاطفيا اسريا
يعني لما يجي زوجك من الشغل كيف تستقبلينه
ايش هي الاشياء اللي ممكن تسويها ةتبتكوها بحياتكم الزوجية
أنا وزوجي مثلا عندنا حركة تضحك بحياتنا
عيد زواجنا مثلا هو تاريخ التقائنا لاول مرة وهذا كان بالمستشفى لاني ادرس وهو كان دكتور يشتغل
وعندنا حركة بس خاصة شوي واخاف احطها يوقفوني من المنتدى ويوقولون متجاوزة الادب
2 هي بس فكرة احنا اقتبسناها من قصة كنت اهديتها لزوجي قبل الزواج وقمنا بالاتفاق عليها المهم اان بكتب والله يستر
عندنا صندوق صغير خشبي نحط فيه فلوس كل مرة …………..اكيد فهمتوا متى :o:o:o
ما اعتقد بحاجة لتوضيح
ومتفقين ان المبلغ اللي نحطه وهو 10 ريال كل مرة نسافر فيه في عيد زواجنا بعد عشر سنوات
🙂
ممكن اذكر لكم اكثر من الافكار لو حابين:smile:
شرايكم :cool2:
من الاشياء اللي اتبعها مع زوجي الدلال المنزلي ..يعني طريقتي اني اخليه بس الدوام ينتهي ويرجع البيت لا يروح منا ولا مناك
طبعا مو سجن بس هو يحب كذا
يعني يرجع وحمامه العشبي مع زيوت عطرية جاهز
عشاه رومانسي
من الاشياء اللي زوجي دايم يقولها لي ان المثالية عند الرجل تختلف من واحد لثاني يعني ممكن انت مثالية بنظري بس عند غيري لا
فعلا التوافق العاطفي مهم وانا لمست هالشي يعني احنا الحمد لله متفاهمين
حتى لما مثلا اشتري او اطلب شي تعود مني عدم الاستغلالية مع انه ملزوم فيني بس لاني كنت ما استغله فهو دايم يصر انه يجيب لي الشي حتى لو بأغلى الأسعار حتى اهتماماتنا وحدة الحمد لله
اتذكر قبل الزواج كان يقول مثلا بدق عليك الساعة 12 قبل ما انام
يكون طالع مع الشباب او اخوه فيرجع الساعة 2
يدق وهو مستحي طبعا يقول ادري مواعيدي كذا…ويقعد يبرر تدرون شسوي ما ازعل لان ادري الرجال من يقعدون ينسون عمرهم واان ماكنت ابيه يحس اني ابيه محكور ..بغيته يجي لي مروق ومرتاح..حتى الحين مع انه مايطلع مثل اول 
انا اعتقد ان اهم شي بالحياة الزوجية التركيز على كيف نخليها افضل مو كيف مانخليها تنتهي
غير كذا لازم نحسس الطرف الثاني ان حبه ومعزته اكبر من اي مشكلة او من اثبات صحة وجهة نظر شخصية
🙂
زوجي من النوع اللي يزعل بسرعة ..ويرضى بسرعة
:smile::smile::smile:
عشان كذا ما اكلمه وهو يتكلم اخليه يطلع كل اللي في قلبه وبعد مايخلص ويهدى اراضيه بكلمتين حلوين:shy::shy:
واو كاني تكلمت وايد
ها ياحلوين انتوا شتسوون عشان تعيشون حياة زوجية تجنن
قولوا لنا ترى حلوة هالسوالف ومنكم نستفيد
🙂
ما عندي فكره ولا أقدر أساعدج
بس أقدر أقولج أن موضوعج مفيد
الكاشخة