كيف حالكم ياحلوات(f)(f)
بصراحة حبيت أفتح هالموضوع عشان ندردش فيه مع بعض عن كيفية
(*)تنظيم وقتنا ك ربات بيوت(*)
ونتبادل فيه النصائح والخبرات(i)
يعني أنا وقتي صار جدا مكركب (لو صح التعبير(y)) من وقت ولادتي ببنتي الثانية والحين عمرها 3 شهور وبصراحة أحس نفسي ماني مرتبة أبد(n) وكل شي (حوسة)
يعني اهتمامات البيت والزوج والأطفال مع بعض
أحس نفسي مقصرة وللأسف ما ألقى أي وقت حق نفسي أقرأ شي أو أدخل النت إلا نادر جدا
أتمنى إنكم ما تبخلون علي بنصايحكم يالخبيرات:flower:شاكرة لكم مسبقا مرور موضوعي
وأتمنى ألاقي تجاوب منكم حبيباتي :9_28:
وتتفاعلون معاي لأني بجد محتاجة آرائكم وخبراتكم
أبسأل كل وحدة فيكم سؤال خصوصا الأمهات مثلي
يلي عندهم أطفال ما يروحون للمدارس
في الصباح مثلا شلون تبتدي يومك؟؟
مع تغيير الحفاظات وإفطار الأطفال وإفطارك أنت
وأي ساعة تقومين فيها خصوصا لما تكونين ساهرة مع طفلك
لأن ما ينام بالليل لأن يبكي ويرضع ….إلخ
وبعدين بشنو تبتدي من أعمال المنزل وشنو ترتيبك لهالأشياء
يعني بالمختصر إحكي لنا قصة روتينك اليومي خخخخخخخخ
لانه عندي ولد واحد الله يخليه لي .. والصبح يروح الحضانة من الساعه 7 ونص الى الساعه 1 الظهر .. وبما اني هالفترة ما ادوام .. فالحمدلله اقدر اسوي كل شي ..
بس بعد كل شي بالنسبة لي ولاشي .. لوووول .. لغز ..
لانه انا ماعندي غير غرفتين وحمام .. اكرمكم الله .. فالتنظيف بالنسبة لي الحمدلله سهل .. والطبخ عندنا طباخة ..
بس ما يمنع مرات اطبخ الغدا .. وكل يوم لازم انا الي اسوي العشا .. يعني عشان لا يمل ولازم اسوي شي بيدي ..
وبس هذا يومي .. 
.. وبالنسبة لريلي .. الحمدلله انا عودة ولدي ينام مبجر 8 ونص او تسع وهو ناايم .. فعندي وقت اقعد مع ريلي ..
ومرات الصبح لما ما يكون عنده دوام نطلع ولا نقعد مع بعض ..
بالعكس هذه الي يكون وقتها صح للبيت والعيال والزوج
اما احنا الموظفات و نقول انتي جالسة بالبيت وتشتكي
انا موظفة وعندي بنتين والثالث بالطريق
اصلا وقتي للدوام وللعيال
لان زوجي يرجع معي العصر يتغدا ومايرجع الا الساعة 9 بالليل
وقت مايكون موجود اخلي الشغالة تنظف البيت
وانا اهتم ببناتي من ترواش واكل ولعب وووو وماتجي 8 ونص الا وهم على السرير
بعدها لاني موظفه اقوم اطبخ غداي من الليل واجهز عشاء زوجي
بس الي اقدر اقوله الحمدلله
يعني 4 غرف وصالة و3 حمامات ومطبخ وممرات وفسحة كبييييرة الله يعين
الله يعينك بصراحة لو اني أشتغل ما أدري شلون مسوية الحمد لله على كل حال
كيفكم ياصباااااااااااااياااااااااااااااااا
طبعا اختكم محفوظة السلامه ربت بيت <<< امي ربت بيت امي لا انساها :dd:
المووووووووووووهيم
انا ساكنه بشقة لحالي وعندي ولد عمره 6 شهور…
نظامي انا سهل ومرررررررريح <<< مو من كثر التنظيم الا من كثر الفساله:2_106:
انا اول ما ولدت وطلعت من الاربعين انقلب نظامي لان صار عندي نفر جديد 🙂
طبعا كان نظامي طول الاسبوع خفايف ويوم الخميس يكون الشغل الثقيل بحكم
انه زوجي موجود فكان اهو يستلم البيبي وانا استلم الشغل لمدة 3 الى 4 ساعات فقط
والجمعه يكون من نصيب بيت اهل زوجي …
شقتي تتكون من غرفتين وحمامين وصاله ومجلس ومطبخ وسطح صغيرون ..
جدولي اليومي :::
اول ما اصحى اتوضاء وصلي (( اصحى الظهر 12 مستحيل اصحى قبل والفضل يرجع لولدي))بعدها على طول بسرررررررررررررعه ارتب الغرفه والصاله على السريع اكنسهم بعدها اشيل ولدي واروشه والبسه واعطيه وجبته والعب معاه يعني على الساعه 2 اخلص منه احطه بالدروفه عندي بالمطبخ واخليه بعيد عني وابداء اطبخ الغداء وفي اثناء هالوقت اسولف معاه
ونلعب شوي (( اقوي رابطتي فيه )) بعد ما انتهي من الغداء اشغل ولدي بشئ اما الالعاب او التلفزيون او اي شئ وادخل اتروش على ما تروش سريع والبس واتعطر والبس حلق (لازم حلق هههههههه) واحط كحل ومرطب شفايف واتعطر وطيررررررررران احط الغداءبجيت زوجي الساعه4 اتغداء انا وزوجي واغسل الصحون بعدها نجلس سوالف ونشرب الشاي وندردش ونتابع التلفزيون وبعدها ياذن المغرب الساعه 5 ونص نصلي المغرب وانا بعد صلاة المغرب اسوي شئ احبه اما اكلم احد من ربعي او اجلس على النت او اتصفح كتاب واغلب هالوقت يكون ولدي ياخذ غفوه فاخذ راحتي بعدها اما اني اطلع وهذا الاغلب وزوجي بعد يطلع لما نرد نسوي شئ خفيف ناكله ويخلد زوجي لسريره نتبادل الاحضان واتركه ينام على 12 واروح انا اتضارب مع ولدي الى 1 او 1ونص ثم ينام ولدي فا اصفى انا لحالي واروح انام ههههههه ..
بكذا ينتهي يومي عاده……..
طبعا طول الاسبوع يكون تكنيس ترتيب خفيف للغرف والصاله والمطبخ الطبخ وغسيل الاواني وغسيل الحمام الي نستخدمه على السريع ووووووبس…
اما الخميس ( جدولي الاسبوعي ) ::::
ابدا بفتح النوافذ والابواب بعدها افرغ الزبالات (( اكرمكم الله)) ماعدا الكبيرة حقت المطبخ اخذ الزبالات اغسلها واعقمها واحطها بالسطح ..
ارش المرحااض بمنظف هاربك على ما اعتقد اسمه كذا واغسل الارضيه بمنظف 101ثم ارجع للمرحاض بعد ماتركه نص ساعه وافركه كويس ثم اشطفه ثم اتجه الى المغسله وانظفها وامسح المرايه بمنظف الزجاج او الخل الابيض احسن والجريده تصير تلق واذا فيه ارفف بالحمام انصح برش ديتول مخفف بالماء والمسح بالفوطه تنظيف وتعقيم بكذا انتهينا من الحمامات …
الصاله ::
طبعا صالتي بسطه جدا انا حبيت انها تكون بسيطة لانها مكان جلستنا وغير كذا هي صغيره فحاطه فيها كنبه زاويه ومكتبة صغيرة فقط طبعا الكنب لايخلو من الخشب فانظفه بالديتول المخفف وبعدها امسح المكتبه واكنس الارضيه وامسحها بمنظف داك وانا اعشق داك بالزهور بكذا انتهينا من الصاله سهله صح …
غرفة النوم ::
اغير الشراشف لسريرنا وسرير ولدي امسح اخشاب السرير والتسريحة والكمدينوم وادراج ولدي وسريره ومن ثما اكنس الارضيه وامسحها بداك ايضاً …
الغرفه 2 ::
غرفه فاضيه فيها ((عفستنا)) اغراض عبود وهداياه شنط السفر الكوايه والمكنسه فامر عليها بالمكنسه وامسح ارضيتها…
المجلس::
امسح اثاثه كامل واكنسه وكذالك امسح الارضيه بكذا اكون خلصت من المجلس وحمامه واقفلهم وطبعا اذا زارنا احد انظف وراه على طول وارجع اسكر المجلس وبكذا ارتاح منه طول الاسبوع …
السطح::
غسيل مره بالاسبوع لاني ما استخدمه اساساً …
المطبخ (( يذبح )) ::
طبعا لازم انظف الثلاجه من والى كذالك بالديتول المخفف وامسح الفرن بجف الابيض وانظف الميكرويف اغسل الصحن الي فيه عادي ثم اشغله الين يسخن شوي ثم استخدم مناديل الميكرويف وينظف على طول والنمليه امسحه من بره وامسح الادراج وبعدها اغسل المجلى بغسيل الصحون لانها ماشاءالله بسرعه تنظف واخيرا اكنس الارضيه وامسحها اول بالديتول ثم بداك …
وطبعا بعدها ارد الزبالات واحط فيها اكياس واشب بخور بالشقه واتصير خوش مكان وطبعا في هذه الاثناء وقبل ما ابداء شغل ارمي اول غسله بالغساله والحمدلله غسالتي مريحه تغسل وتعصر وتجفف مره وحده يعني اشيلهم اصفطهم وعلى الدواليب على طووووووول …
والكوي عاده يكون ليلة السبت بعد ما ارجع من عند اهل زوجي …
بكذا اكون ارتحت من دوخت الاسبوع تكون الشقه نظيفه وملابس الاسبوع بعد نظيفه ماتبقى الا الاشياء الطارئه او البسيطة …
واما جدولي الشهري ::
اسوي الاشياء من فترة لفتره اعيد ترتيب الارفف لدواليب وبعد التسريحه ممكن امسح فوق الدواليب ونملية المطبخ وانظف المكنسه وكمان انظف الفلاتر للمكيفات ومقابض الابواب …
طبعا انا حابه نظامي ان وقتي مو كله لشقه والتنظيف انا عندي اهتم بولدي وزوجي نمبر ون ومن ثم الشقه وطبعا ما انسى نفسي …
اتمنى ما اكون ثقلت عليكم <<< قووووووووية ههههههههه
ولكم احلى تحيه من احلى *خوله*
ااااااااااااااااااااااااااه يارب تعينني انا شايله هم تنظيف البيت والبيبي الجديد والزوج اللي بس يعزم خلق الله
وفوق هذا كله دراستي ,…….الله يعنني يااااااااااارب
عطووووني خبراتكم عرايس , كيف اقدر انظم وقتي ؟؟؟؟؟؟؟؟؟؟؟؟؟
رب لا تكلني الى احد ولا تحوجني الى احد واغنني عن كل احد يامن اليه المستند وعليه المعتمد وهو الواحد الفرد الصمد لا شريك له ولا ولد خذ بيدي من الضلال الى الرشد ونجني من كل ضيق ونكد
اللهم امين
موضوعك فعلآ احس انة حمااااس لاني انا نفس حاالتك
احس مقصرة في تربية بناتي ومقصرة برضو مع زوجي وبيتي بعد
احس الدنيآآآآآحووووسة واحس اني انااام كثيرر كثير يعني يرووح كل اليوم نووووم ..
واقوم يا الله اتفرغ لنفسي وما ادري كيف الدنيا عندي حوووسة…
الله يعين بس ..
انا ابغى شي يقلل نومي ….
تقبلي مروري..