بسم الله الرحمن الرحيم
اليوم جايبتلكم طبق حلو من تطبيقي وهو كيكة الرهش وان شاء الله يعجبكم،،، انتو اذا جربتوه بتشوفون شلون النتايج المذهلة.
الخطوة الأولى (( الكيك))
أولاً: المقادير
كوب رهش النخله (يكون على شكل عجينه مو مشكل)
4 بيضات
ملعقة صغيرة فانيليا
1 حليب رينمبو سائل
1 قشطة قيمر حجم كبير
1 كيك بيتي كويكر أبيض
شرائح أو مكعبات من الرهش نقطعها أو نشتريها جاهزه بحيث مايتعدى طول القطعه 2سم وماتكون سميكه وايد.ثانياً: الطريقة
في الخلاط نخلط البيض مع الفانيليا ونتركه شوي،،، نضيف له الحليب والقشطة،،، وبعدين نضيف كوب الرهش ونخلية يخفق في الخلاط لحد مايذوب الرهش. وعقب نضيف الطحين ونخليه يخلط لدقائق ونسكر الخلاط.
ناخذ شرايح الرهش اللي قطعناها ونضيفها للخليط ونخلطه بالملعقه بحذر بحيث ماتتفتفت قطع الرهش. وبعدين نصب الخليط في صينية الكيك وطبعا لازم تكون مدهونه بشوية زيت ونرذ عليها شوي طحين لمنع الالتصاق وندخلها الفرن (أنا أخلي الحرارة 150 عشان تستوي على راحتها ويكون لونها ذهبي حلو مش محروق).
بعد ماتستوي نلفها بقصدير وندخلها الفريزر ربع ساعه.الخطوة الثانية ((السوس))
نحتاج الى:
1 حليب مركز نستله كبير
1 قشطة قيمر كبير
شيرة البان كيك العلالي
لوز للتزييننخلط في سلطانية القشطه مع الحليب المركز لين مايتجانس الخليط وبعدين نحطها على النار عشر دقايق مع التحريك
بعد مانطلع الكيك من الثلاجه نصب عليه الخلطه بحيث تغطي الكيك من جميع الجهات ونزينه بشرايح اللوز.
فيه العافيه ولاتنسون تقولون لي شصار معاكم اذا بتجربون تسوون الكيكه
الله يعطيج الف الف عافيه واكيد بجربهاااا ^_________^
معقولة ل اللي شاهدو الموضوع ماعجبتهم ولا يردون؟؟؟
سلمت يدااااااااااااااك اختي
وعلى العموم أنا ماشفت موضوعك الا هذا اليوم
بارك الله فيك
شكلهااااااااااا تجنننننننن
الله يعطيييييييك العاااااااافية وتسلميييييييييين :shy:
تسلم ايدك يارب
 |
اقتباس |  |
 |
| شرائح أو مكعبات من الرهش | ||
 |
 |
ياريت توضحي شو يعني مكعبات الرهش
مع تحيلتي
تصدقين من زمان عندي .. بس مافكرت اسويها ولا مرة
مو متحمسة اخاف تخرب
ان شاء الله اجربها قريب