قلت انزلهالكم…يلا نبتدي
المقادير السائلة في الخلاط لمدة ربع ساعة:
4 بيضات – 1/2 كوب حليب – 3 معالق طعام قشطة – 1 كوب سكر – عصير نصف ليمونة (بدل الفانيليا بتدي طعم اطيب)
المقادير الناشفة: 3 كوب دقيق – باكيت بيكنج بودر _ 3 معالق طعام كاكاو
طريقة الاعداد:
–نحط الدقيق و البيكنج بودر في وعاء العجن و نصب فوقهم الخليط السائل و تعجن.
-نقسم الخليط علي وعائين(حوالي 1/3 الخليط في وعاء منفصل و الباقي في نفس الوعاء)
-نضيف الكاكاو لتلت الخليط و يعجن مع شوية لبن زيادة علشان الكاكاو بيتئل الخليط شوية
-في صينية تيفال يتم وضع الخليطين سويااااااااا يعني امسك الوعائين و اصبهم في نفس الوقت مع بعض كل وعاء في ايد او احضار شخص لصب وعاء منهم و انتي امسكي الوعاء التاني
و صبوا مع بعض في نفس الوقت بطريقة دائرية كدة علشان الكيك يطلع مبئع باشكال منتظمة و جميلة
و دي خدعة اتعلمتها من ماما لو الفرن حامي او انتي عايزة يطلع وش الكيكة مميز اوي ادهني بايدك شوية لبن علي الوش بس بدون ضغط بس كانك بتلمس وش الكيكة بايدك عشان اللبن ميندمجش مع العجين و يدخل جواها انا عايزة اللبن علي الوش
-توضع في الفرن لمدة ساعة الا ربع تقريبا و بالهنا و الشفا و ادعووووووووووووووولي مستنية تعليقتكم و تجاربكم مع كيكتي
طبعا كالعادة مش عارفة في ايه الموقع دايما كاسفني مع اني بحمل صور كتيير قبل كدة بس معرفش كل ما افتح موضوع ميرضاش يحمل صور:ss: عموما انا هحاول انزلكم الصور كلها في مشاركة تانية بئة
عشان اعرف اعملها…
وتسلم ايديك يا قمر..
شكلها جميل ما شاء الله
شكلها حلو
ويعطيكي العافيه
يعطيك الف عافيه يالغلا سلمت يداك ..