1 كوب حليب نيدو بودرة
1 كوب سكر
1 كوب ناريل
قوطي روب المراعي ولا العين
3 م/ك طحين
فنيال زيت أو زبده
2 بيض
1 م/ك بيكنج بودر
1كوب ماء + 3 م/ك حليب نيدو بودره ( نخلطهم مع بعض )
طبقة الكراميل :-
1 قشطة نستله او اي نوع تحبونه
2 م/ك سكر
مكسرات حسب الرغبه
الطريقة :-
1- نحمر حليب النيدو البودره على النار لين يصير لونه بني غامج 
2- في الخلاط .. نخلط ( السكر + البيض + البيكنج باودر + الزيت ) لمدة 5 دقايق
تقريبا .. يعني لين ما يتضاعف حجم الخليط شوي
3- اضافة قوطي الروب على الخليط ونخلطه لمدة دقيقتين
4- نخلط ( الناريل + حليب النيدو البودره الي حمرناه ع النار + الطحين )
5- اضافة خليط الناريل والحليب و الطحين في الخلاط
6- اضافة كوب الماء مع الحليب على الخليط
7- ندهن صينية بايركس بالزيت ونصب الخليط فيها
8- ندخله الفرن من تحت لمدة نص ساعه
9- نخلط السكر مع القشطه ونضعة على الكيك من فوق
10- ندخل البايركس مره ثانيه الفرن من فوق لمدة 10 دقائق تقريبا
11- نزينة بالمكسرات
وهذا تطبيقي للكيك
وبالعافيه عليكم
تسلملي هالايد
و ان شاء الله بنيربها و بنراويج النتيجه ^.*
تسلم يدج
تسلمين ملوووكه
صحه وهنا يا قلبي .. ان شاااء الله بجربها احسبها لذييذه من الخاطر ..
تسلم ايدج الغاليه ..
شكله السويت لذيذ ^^
بسووويها اليوم تسلمين