اليوم سويت الكيكه المكسيكيه و هي كيكه انواع الحليب الثلاثه …لان فيها صوص و نستخدم فيه انواع مختلفه من الحليب ما اطول عليكم و هذي المقادير و الطريقه
المقادير
1 كوب سكر
5 بيضات مفصول الصفار عن البياض
1/3 ثلث كوب حليب
1 ملعقه صغيره فانيليا
1 كوب طحين
1 1/2 ملعقه صغيره باكن بودر
مقادير الصوص
1 كوب حليب طازج
علبه حليب مركز محلى بحجم 300ml
علبه حليب مبخر ((ابو قوس يعني )) سعه 370 ml
للتزين كريمه مخفوقه
الطريقه
نخفق الصفار مع السكر و الفانيليا …
بعدين نضيف 13 ثلث كوب حليب و الطحين على البيض و السكر المخفوق
و نخفق البياض لين يصير مثل المرنق
بعدين نضيف بياض البيض بالتدريج على خليط الكيك و نحرك بالملعقه …بحيث ان نقلب الخليط من اسفل لاعلى و بخفه علشان نحافض على الهواء الي دخل مع البياض البيض
بعدين ندخل الخليط الي الفرن بدرجه حراره 180 ما بين 45 الي 50 دقيقه
بعد ما نتطلع الكيكه من الفرن و نخليها تبرد بالكامل نبدا نعمل فيها ثقوب باستخدام عود او شوكه ..
بعدين نخلط انواع الحليب الثلاثه مع بعض
بعدين نصبه على الكيكه بالتدريج
و هذا شكلها بعد ما صبينا عليها صوص الحليب ..و دخليها الثلاجه ساعتين على الاقل حتى تتشرب الحليب
و هذا شكلها بعد ما طلعتها من الثلاجه و تشربت بالحليب
و زينيها بالكريمه المخفوقه و قدميها
و هذا شكلها من داخل و ممكن تلاحطون شويه من صوص الحليب باين في قاع الصحن
و اتمنى انها تعجبكم و هني و عافيه
http://forums.3roos.com/showpost.php?p=14674754&postcount=262
و تكون خفيفه و هشه و تنهضم بسرعه لانها مشربه بالحليب خفيفه جدا جدا بعكس انا تخيلتها بتكون ثقيله من الحليب لكن بالعكس خفيفه جدا
و حلاوتها مضبوطه
شكل الكيكة يشهي، خصوصاً الصور الأخيرة 
تسلم إيدج و ربي يعطيج ألف عافية يالغالية (f)
ماشـــــــــــــاااءالله ..
تسلم ايدينك ياالغالية
الله يسعدك يااااااااااارب دنيا وآخرة ولايحرمنا منك. …..
شكرا حبيباتي على المرور و المداخلات الطيبه
و ربي يسلمكم
الكيكة شكلها روعة
و ان شاء الله تجربونها و تعجبكم
و شكرا على المرور و على الردود الحلوه