المقادير للكيكه:
2 كوب دقيق
1 كوب سكر
1كوب زبادي
4 ملاعق كبيره كاكاو بودر
2 بيضه كبيره(او 3 بيضات صغار)
1 كوب سمن او زيت او زبده
(اللي تفضلينه بس احلاهم انج تحطين نص كوب زبده مع نص كوب سمن)
3 ملاعق كبيره بيكينج بودر
قليل من الفانيليا
المقادير للحلا اللي ينصب فوق الكيكه:
2 كوب سكر
4 ملاعق كبيره كاكاو
1 كوب ماء
الطريقه:
تخلط المقادير الجافه (الدقيق والسكر و الكاكاو )
وتخلط المقادير السائله معا(الزبد والبيض والفانيليا معاهم والزبادي)
وتحطين المقادير السائله وتضيفينها للجافه وتخلطينهم عدل وجيبين صينيه متوسطه الحجم بس الحواف تكون عاليه شويه وتدهنينها بزيت وبعدها بشويه دقيق وتصبين الكيكه
وتدخلينها الفرن
في هل الاثناء تعالي نسوي الشيره
تجيبين السكرو الماي والكاكاو وتحطينهم على النار وتخلين الخليط يغلي ويغلي على حسب السمك اللي تحبينه يكون عليه
مثلا اذا تحبينه ثقيل وماتتشربه الكيكه خليه يغلي على نار هاديه وضيفيله نقطتين عصير ليمون واذا تحبينه خفيف بعد مايغلي بديقيقتين ارفعيه عن النار
لما تستوي الكيكه تضيفين لها الشيره على طول وترشينها من فوق بجوز الهند المبشور او السمسم على حسب الرغبه ودخليها الثلاجه تبرد
وبالهنا
الله يعطيكى الف عافية يارب
مشكوره حبيبتي ويعطيكي العافيه
بس من حبي لك حبيت اوضح لك انه اللي مكتوب بين الاقواس في العنوان ما يجوز يعتبر شرك اصغر فاتمنى تنتبهي مره ثانيه لالفاظك والله من خوفي عليك وضحت لك وانا آسفه ان كنت ضايقتك
الله يحفظك ويرعاك
 |
اقتباس |  |
 |
المشاركة الأساسية كتبها حرم ابراهيم  |
 |
 |
| اختي الغاليه الله يعطيك العافيه على هالوصفه بس من حبي لك حبيت اوضح لك انه اللي مكتوب بين الاقواس في العنوان ما يجوز يعتبر شرك اصغر فاتمنى تنتبهي مره ثانيه لالفاظك والله من خوفي عليك وضحت لك وانا آسفه ان كنت ضايقتك الله يحفظك ويرعاك |
||
 |
 |
بالعكس حبيبتي مشكوره على التوضيح وجزاكي الله خير
مافيها شي انج تعلميني اذا اخطيت بشي ولج الاجر انشاء الله
احسن جوزى تعب من كتر التجارب
و على العموم تسلم عنيكى و ايديكى يا قمر
تبارك الله عليك