حبيت انقل لكم طريقه عمل كيك مخملي للاخت القلوب اطفال جزاها الله الف خير
هذي الكيكه حلوه حلوه .. بس على قولت رفيجتي ما لها توجه .. ههه …لا هي فانيليا ولا هي تشوكليت .. بس الطعم جووونان
هذي اول مره اصور المقادير واحط موضوع بالخطوات المصورة
وما حبيت احط كل صوره بروحها .. فحطيت كل صورتين مع بعض
فاستحملوني شوي … اول مره لي بالخطوات … ما عرفت وش اصور ووش اخلي .. بس إن شاء الله الطريقه واضحه
المقادير : هذي صورة عامه
٢ ٢/١ كوب طحين كيك منخول ( طحين الكيك : كوبين ونص طحين ونص كوب نشا تخلصينهم مع بعض زين .. بيصير عندج ٣ اكواب من طحين الكيك ) اخذي الكمية اللي تحتاجينها .
١ م . ص بيكنج باودر
١ م . ص ملح
( تنخلين الطحين والبيكنج باودر والملح مع بعض )
٢ م . ك كاكاو بودرة غير محلى تخلطينه مع ربع كوب من اللون الاحمر بيصير عندج صبغة ثقيله من اللون الاحمر ..( انا هالمره حطيت اقل )
اصبع زبدة غير مملحة بحرارة الغرفه
١ ونص كوب سكر
بيضتين
١ م . ص فانيليا
١ كوب لبن على حرارة الغرفه
١ م . ص خل ابيض
١ م . ص بيكنج صودا
الطريقه :
تسخنين الفرن على حرارة ١٨٠ .. وتوزعين اوراق الكب كيك … هالمره قررت اني اسوك الكيكه في القوالب المحفره من فوق
وهذا شكل القوالب .. شريتها من تافولا
اول شي تخلطين الزبدة والسكر لمدة ٣ دقايق وبعدين تضيفين البيض حبه حبه
لا تنسين تنزلين الاطراف عشان تنخلط المقادير مع بعض تضيفين الفانيليا وتخلطين
وبعدين تحطين الصبغة الحمرا … شرايكم في اللون ؟؟ عجيب
تحطين ثلث كمية الطحين وبعدها نص كمية اللبن وبعدين ثلث الطحين وعقبها النص الاخير من اللبن وآخر شي الطحين .
الحين نجي حق الخطوه الاخيره .. شيلي الخليط
في مله صغيره حطي البيكنج صودا وفوقها حطي ملعقة الخل بتلاقينه بدا يفور .. حطيه فوق العجين واخلطي بسرعه بالمبسطه
رشيت القوالب بالزيت الرش اللي يجي مع طحين عشان ما تلزق الكيكات .. توزعين الكيك في القوالب وتخبزينها لمدة ١٥ – ٢٠ دقيقه
بعد ما تطلعينه من الفرن .. تخلينه يبرد .. وتروحين تسوين الكريمه
نجي للتزين وهو كريم تشيز فوستنج
مقاديرها :
علبة جبن فيلادلفيا بحرارة الغرفه
اصبع زبدة غير مملحه بحرارة الغرفه بعد
٣-٤ اكواب سكر مطحون
١ م. ص فانيليا
تخلطين الزبدة والجبنه مع بعض زين
وآخر شي تضيفين السكر وتخلطين شوي شوي … تعبين كيس الكريمه بالفروستنج وهذا شكل القمع اللي اخترته
وهذي النتيجه النهائية
حقوق الترجمة محفوظه للقلوب اطفال
شرايكم؟؟
منقول للفائده
وجزاك الله خيراً
بس مافيش صور ظهرت
ام نجود
وام معاذ
جزاكم الله الف خير على المرور
انشالله الصور واضحه الحين
تحياتي
ويعطيكي العافيه
والصور واضحين الحين
وجزاك الله خيراً
يسلمو الأياااااااااااااادي يارب
و لج أحلى تقييم
يسلمو ياقمر
جزاك الله خير