السلام عليكم كيف حالكم لو سمحتم اريد نصحتكم لي انا احب السويسرول لكن ماتنجح معاي اخذت اكثر من طريقه اسوي الكيكه تطلع تمام لكن لما اجي ألفها تتفتفت يعني ماتلف تتقطع ياترى شو السبب انا الفها وهي ساخنه او لازم اتركها حتى تبرد معليش طولت عليكم بس الله يخليكم الي تعرف تقولي يعطيكم العافيه
أتركيها تبرد أفضل ولاتكون سميكه
عزيزتي، جربي هذي الطريقة و إن شاء الله تضبط معاج…
قبل ما تشيلين الكيك من الصينية، جهزي فوطة مطبخ و رشي عليها سكر بودرة، و أول ما تطلعين الكيكة من الفرن، اقلبيها على الفوطة على طول و لفيهم مع بعض… يعني لفي الكيك و الفوطة مع بعض…
خلي الكيكة على جنب لحد ما تبرد، بعدين رجعي افتحي اللفة اللي سويتها و احشي الكيك بالحشوة اللي تبين…
و عليكم بالعافية 