اليوم بدي اكتبلكون موضوع عن شغلة صاروا أغلب البنات بيعانوا منها هل يومين.. وهيي التعب الي بيظهر على العيون والمنطقة المحيطة فيا
أول شي اذا بدك تحافظي على رونق ولمعان عيونك لازم تداومي على أكل المأكولات البخرية سواء سمك أو كلاماري او حتى محار كل شي من البحر مفيد للعين وبيخلي البياض أبيـــــــــــــــــض وصـــــــــــــــافي.
تاني شي مننتقل للمنطقة المحيطة بلعين والصراحة انا عندي مشكلة معاها لانو كانت بلماضي دايما سودا بالرغم من اني استخدمت كريمات عناية بمحيط العين بس للاسف ما جابو نتيجة مقنعة….
والمشكلة التانية هيي التجاعيد او الخطوط الدقيقة الي بتطلع تحت العين ولهل تجاعيد اسباب لازم نراقبا ونحاول نتجنبا …
أول شغلة لازم يكون النوم منتظم وبمدة كافية حتى ترتاحي يعني 8 ساعات وتكون ليلا مو بنهار يعني بلوقت الطبيعي للنوم.
تاني شي لازم الاكثار من شرب الماء لانو البشرة دائما بحاجة للماء لنظارتا وحتى ما تصاب بجفاف..
3 شغلة الجلوس امام الكمبيوتر والتلفزيون مدة طويلة..يعني ياحبذا لو تقللوا قعدة قدامون .
4 شي لازم تعتني ببشرة وجهك عامة وبلمنطقة المحيطة للعين خاصة أثناء عمل الرجيم لانو لما يكون الوجه مليان وينزل الوزن طيعا رح يروح من الوجه كمان وبالتالي رح يتضرر وتنشأ التجاعيد فلازم تحاسبي وتستخدمي الكريمات المرطبة واللازمة لهل شغلة.
5 شي لازم تنتبهي على الطريقة الي بتحطي فيها الكريم بهل منطقة ولازم تكون بشكل صحيح يعني مو بتدهني الكريم بايدك بطريقة التلديك لا حاولي انك تحطي كمية قليلة على اطراف اصابعك وتحطيه عن طريق ضربات خفيفة من جوا لبرا العين وسويها حوالي اربع مرات يعني اربع ضربات وشوي شووووي بنعومة.
6 شغلة الابتسامة والضحكة لازم تكون صحيحة يعني مش لفوق بحيث انو تتسكر عيونك لا حاولي تخليا بلعرض ابتسامتك حتى ما تتجعد منطقة حول العين بالانفعاالات.
هلا لازم نوضع حل للمشكلة الحادثة…..
اوكي اذا عندك هالات سوداء تحت عينك أو تجاعيد روحي جيبي بطاطا نية( يعني مش مطبوخة) وحطيا بلخلاط شوي وبعدين طلعي الماي الي بيطلع منها وحطيه تحت عينك أولا بيخلصك من الهالات وتاني شي بيشد المنطقة وبس ينشف اغسلي وجهك بماي بااارد وبعدا حطي شرائح الخيار تحت عينك وعلى عينك ولو بتحطي على كل مناطق وجهك احسن لانو بيصفي البشرة وبيشدا وبيعطيا نضارة ورونق….
طبعا ما تحاولي تقربي الماي السخن على بشرة وجهك لانو بيؤدي لترهدلا وتجعدا مع الوقت وخليكي على الماي البارد احسن.
بتمنى كون افدت اخواتي وانشالله اذا في شي جديد رح خبركون انشالله[/font
الكاسكو
ثانكس خيتو ,,
و الهالات مشكلتها مشكلة >_<
وبس نحطها في مكان الهالات؟؟
ومشكووره يا قلبي واسفه على كثرة الاسئله
مشكوووووره
يعطيك ربي العافيه
نهى الحلوة بصراحة عطيتيني دعم معنوي كبير وثقة بمواضيعي والله يجزيكي خير على كلامك الحلو
اخواتي سحابة عابرة والحبوبة البطاطا قشريها واانا شخصيا بحطا حول منطقة عيني فقط
وانشالله رح يعجبكون المفعول… وعاااد يحبوبة اسألي متل ما بدك