لتنظيف الفرش brush cleaner jar 2024.

مسااء الخير للجميع

طبعا الكل يستخدم طرق مختلفه في تنضيف فرش المكياج ..
انا عني اتبعت طرق مختلفه مثل مسح الفرشه بالكلينكس المضاف إليه محلول خاص بتنظيف الفرش
و بعدها بديت استخدم قلاص فيه ماي و شوية شامبو اطفال و احرك الفرش داخله و بعدها
بديت استخدم ايدي و هذي افضل طريقه حسيتها تنظف الفرش زين ..

و من كم يوم شفت على موقع جره ((مثل ما هم مسمينها)) خاصه بتنظيف الفرش عباره عن
قلاص في قاعدته اسفنجه على احد جوانبها قماشه ناعمه تستخدم للتنظيف الفرش ..
عيبتني فكرتها واااااااااااايد .. و بدل ما انشف ايدي بالشانبو!!

على طووول خطرت في بالي فكره ..اني اصنع جره خاصه فيني
و الحمد لله نجحة الخطه و صورتها لكم ..
اتمنى الطريقه تعجبكم و اطبقونها بنفسكم ..واايد سهله و ما يبالها مجهود

نبدأ مع الأدوات المطلوبه :

1-منشفه نااعمة الشعر 2- كووب بلاستيك ((أأمن من الزجاج))
3-اسفنجه غسل الصحون 4-إبره و خيط
5-مقص 6- قلم

نستخدم الكوب و نحدد على الاسفجه و المنشفه
و بعدها نقص فوق الشكل المحدد ..

نشيل الطرف الناشف من الاسفجه..

الحين نبدأ نخيط المنشفه مع الاسفنجه .. و ممكن الشكل بعد الخياطه ما يكون مرتب
استخدمت المقص و قصيد الاطراف الزياده من الاسفجه ..بس انتبهوا لا تقصون الخيوط !!

هذا شكله بعد التشذيب ..

حطي الاسفنجه داخل الكوب و بس ..خلصنا و غسيل الفرش صاار اسهل من اول ..

—-

كان ودي اراويكم طريقه استخدامها
بس انا مسافره اليوم و ما اريد ابلل الاسفنجه خليها ناشفه احسن ..
بس على السريع اقولها لكم سهله ما يحتاج :
1-تحطين شوي من محلول تنظيف الفرش او الشامبو اللي تستخدمينه.
2-تحركين الفرشه و بتشوفين المكياج يطلع على المنشفه .
3-بالماي غسلي الفرشه من باقي الشامبو و خليها تنشف.
4-بعد ما تخلصين من كل الفرش غسلي الاسفنجه و خليها تنشف .

و بس