شحالكن بنوتات عساكن بخير (y) ؟؟
من شهر تقريبا زوجي مع امه و اخته سافروا 3 أيام للبحرين لانه كانت عندهم مناسبه اهليه ..
وبما انها كانت اول سفره حق زوجي لوحده من عرسنا للحين .. فكان شي صعب بالنسبه لي و له لاني تولهت عليه موووت 😮
ففكرت اني افاجأه بهديه حلوه يوم بيرد لي بالسلامه ..
وهذي كانت طريقتي الحلوه 
فالبدايه سرت السوق مع ماماتي و اشتريت له هديه غاوويه (g)
اشتريت عطر بالمان + بزمة بالمان .. وبعدين غلفتهم بلون الاحمر .. و طلبت من اختي انها تطبعلي رساله كتبت فيها كلام غزل و عبرت له عن اللي بخاطري 
وبعد خليتها تطبعلي عبارات على اوراق مثل :
1/ حبيبي مسويه لك مفاجاه افتح الدولاب ..
2/ آسفه فديتك بس الهديه بتحصلها تحت المخده ..
3/ هههههههه صادووووه .. ادري تعبتك معايه .. حياتي ما تهون عليه .. الهديه بتحصلها خلف الستاره .. بسرعه ..
وبعدين و زعت هالاوراق فالغرفه .. و حطيت فالدولاب علبه و فيها ورود مجففه وفيها الورقه اللي مكتوب فيها (( آسفه فديتك بس الهديه بتحصلها تحت المخده .. ))
وتحت المخده حطيت الرساله ..
و خلف الستاره حطيت الهديه ..
و طبعا ما نسيت اشتريت فراش يديد للغرفه ..
وقبل ما يوصل حبيبي البيت .. بخرت الغرفه و عطرتها .. وحضرت ملابسه و بخرتهم و عطرتهم .. وحطيتها ع السرير بشكل مرتب و عليها ورده حمراء .. وفي جيب الجلابيه حطيت الورقه المكتوب عليها (( حبيبي مسويه لك مفاجاه افتح الدولاب .. ))
وعن نفسي أنا .. طبعا وبلا شك .. اتسبحت و لبست أحلى لبس عندي .. و تمكيجت .. وتعطرت .. و كنت كاشخه 100 % 😉
وقبل كل هذا كنت محضره لزوجي و اهله عشاء خفيف ..
اتمنى انكم استفدتوا من هالفكره .. وانكم تسونها لازواجكم .. لان زوجي عيبته الحركه و الهديه وايد
حلوه افكارج يبالي اسوي حركه البطايق والهديه بس لو انا منج بدوخه هههههههه كل شوي بقوله الهديه مو هنيه هناك هههههههه
الله يوفجكم ويخليكم لبعض ويبعد عنكم الحسد وعيال الحرام ويرزقكم الذريه الصالحه امين يارب
دوختيه مسكين
الفكرة جدا رااااااااااااائع تسلمين يالغلا
الله يوفقكم ويبعد عنج العين والحسد يارب
مشكورات حبيباتي ع المروور ..
الله يوفقكم ويسعدكم ويرزقكم الذريه الصالحه الله يرده بالسلامه ياااارب