لزيادة الوزن للضعيفات أمثالي :) حياكم الله 2024.

هلا بكل من دخل ساعي وراء الجسم الإنوثي (f)

هذا جدولي إللي راح أرجع أسويه بالشهر الجاي .. بعد العيد ورمضان إن شاء الله
وكنت أسويه قبل الإجازة الصيفية .. وكان وزني أرتفع ثلاث كيلو لما إستمريت عليها شهر بس

إن شاء الله تستفيدون منها مثل ما أنا أستفدت منها
لأنها وصفات لذيذة وتفتح النفس ماتسده زيادة :tongue:
ولايطلع حبوب حتى للي مايقدرون يأكلون المكسرات مثلي

بسم الله نبدأ ..

_____________________________________

الوصفة الأولى .. دسمة مرة .. وهي :

1 بطاطة وحدة مهروسة
2 ملعقة صغيرة زبدة سائلة

تأكلونها يومياً .. وبشكل مستمر لازم .. حتى تظهر النتائج حلوة وسريعة (y)

_________________________

الوصفة الثانية .. عصير1 .. وهي :

1 ست ملاعق كبيرة آيس كريم فانيلا

2 كوب حليب مضاعف الدسم

3 كوب عصير مانجو أو موز (طبيعي)

4 ملعقة صغيرة أبوقوس

5 القليل من رغوة كريمية

تخلطون كل المكونات مع بعض .. وتشربونها يومياً مرتين أو ثلاث بعد كل وجبة

____________________________

نصيحة : أنا مرة دكتور تغذية نصحني قالي لازم بعد كل ساعة ع الأقل تاكلون أو تشربون شي لازم لازم لازم .. لين ماصدعني وهو يقولي لازم .. بغيت أكفخه
____________________________

الوصفة الرابعة .. ل قبل النوم .. وهي :

1 ملعقة عسل أسود

2 خبز توست محمص بالزبدة

تأكلون قد ماتقدرون من عدد الخبزات .. يومياً وبشكل مستمر نفس الشي

______________________________

ل فتح الشهية :..

1 عشبة البردقوش

هذي العشبة لها فوائد كثيرة منها فتح الشهية وتنظيم الهرمونات …وألخ

تاخذون منها للكوب الواحد ملعقة كبيرة من الأعشاب الجافة .. حق البردقوش
وتسخنونها لمدة ربع ساعة بمقدار كوب الماء اللي راح تشربونه

وتشربونه ع الريق لازم .. وقبل كل وجبه بوقت .. حتى يعطي مفعولة
😉

____________________

تم بحمد الله
(*)

إذا عندكم سؤال أو شي أنا حاضرة لعيونكم

وإن عجبكم الموضوع قيموني
وإن ماقيمتوني بمسح الموضوع :tongue:

<<<< تهديد خخخخخ

وأدعوا لي طلبتكم بهذي الأيام الأخيرة من الشهر الفضيل
أن الله يشرح صدري ويخلي أختي تحمل عاجلاً غير أجلاً يارب العالمين
ويرزقني وأياكم بالزوج الصالح والتقي اللي يخاف ربه

أختكم

نور العرب
(f)