لقمة القاضي بالصور 2024.

اشلونكم يا بنات يا حلوات يا طباخات يا شاطرات يا رقيقات ..

المهم ..

اليوم بحط لكم طريقة اللقيماااات ,,, الصراحه احنى نسويها تجنن ولينه ما تحسونها

مثل الحصى .. لان في بعض اللقيمات احسها حصى .. لكن اللقيمات الي احنى نسوووووويها

غير غير غير .. واذا ما تصدقوني جربوها وقول لي

يالله كل وحده تشمر يدها وتسجل وتبقق عيونها عدل ..

المقادير :

2 كوب طحين

1 بطلاطا مسلوقه مهروسه

1ونص كوب ماي

1 ملعقة طعام سكر

1 ملعقة صغيره ملح

قليل من الزعفران

1 ملعقة طعام خميرة

2 بيض

الطريقه :

البطاطا مع الماي و الخميره نخلطها بالخلاط ..

ونصبه على الطحين ونعجنها ..

ونخليها تقريبا ساعه ..

لين تنتفخ .. وناخذ بيضتين ..ونعجنه مره ثانيه ..

ونبدا بالقلي ..على طول يعني قبل ما نقلي بدقيقه نكسر البيض

ونخلط ..

الحين نكون مجهزين الطبق الي بنقلي فيه

ويكون الزيت غزير

ونغسل يدنا .. وناخذ بيدنا اليسار العجينه وهي بتكون رخوه

ونعصرها والي بيطلع من فوق ناخذه بالملقعه بسرعه مثل البرق

ونحطه بالزيت وهو حار بس لا تعفسون الدنيا .. طبعا امي سوتها لاني

ما عمري سويتها بس تلقفت وصورتها

وهذي صورت القيمات وهي في الزيت

ونقلب فيها لين تبدأ تحمر

وطبعا نكون مجهزين الشيره الي نحطها على القيمات اكيد كلكم تعرفون تسونها

والي ما يعرف الطريقه سهله :

كوب ماي

كوبين سكر

هيل مطحون شوي نص ملعقه

وزعفران وشريحة ليمون

ويطبخ لين يصير ثقيل شوي

ولين تستوي نشيلها ونحطها بطبق التقديم ونصب عليها الشيره ونقلبها

وصحتين على البكوووووووووووووووم

شكلها جنااان و لذيذ ه ورووووعه

مشكورة حبيبتي على المرور

وان شاء الله تعجبكم يا رب

سفيرة

على المرور

انا اموت في اللقيمات وعلى طول تذكرني برمضان الله يعوده علينا وعليكم بالخير والعافية ان شاء الله

بس ما جربت اسويه اصلا اخاف منه وهو ينقلى

امي تسويه لذيذ وانتي باين على طريقتك حلوة من الصورة

بس انا ما احب الشيرة افضل الدبس

يا سلااااااااااااااام

مشكورة حبيبتي على المرور

وانتي دخلوك على موضوعي يكفي يالغاليه