موضوع مهم و هو مرحلة مهمة في حياة الطفل و أمه…لازم نستفيد من خبرات بعض فيه لأنه الصراحة خبرات الأمهات قديمة شوية و بعض الأحيان مبالغ فيها!! يعني تسألي كل الأمهات و الجدات يقولو كل أولادي علمتهم الحمام قبل ما يخلصو سنة معقوووووووووول الكل :qaq:
أخواتي شاركو في الموضوع بالإجابة على هذه الأسئلة
1-متى بدأت تعلمي طفلك على استعمال الحمام
2- ماذا استعملت :النونية والا الحمام الذي يركب على الحمام العادي ؟
3- ماهي المدة التي استغرقتها عملية التعلييم ؟
4- موقف طرييف أو يعصب:angry: وياا كثرتها؟
ارجو من جمييع الأمهات المشاركة وكل عام و أنتم بخير:shy:
من صار عمره 9 شهور وآنه أقعده على القيصرية بعد الفطور كان يقعد شوي وبعدين يقوم بدون مايسوي شي،، وبعدها بقى يرفض بالمرة الجلوس عليها… وبعدها دخل علينا الشتاء وأمي قالت ماينفع التدريب الحين،، يوم صار عمره سنة و8 شهور بدأت أخليه طول اليوم بدون حفاظة وكان أحيانا يعملها في ثيابه.وفي هذا الوقت مازال رافض الجلوس على الحمام الا ماندر …
الحين يبقى طول النهار بدون حفاظة ولكن لما يبي يعملها يروح يحضر الحفاظة يكون نلبسه او يصرخ علينا بسرعة حفاظة…
ياربي تعبت معاه،،، عنده مفهوم قضاء الحاجة وعنده إدراك بس رافض فكرة الجلوس على الحمام.. مع أني وايد سويت له مكافآت بس مافادت معاه…
لو حد عنده حل يلحقني به…
انا علمتهم على كرسي الحمام الكبير الله يعزكم بعدين حطيت لهم مصغر الكرسي عيه
في البداية بيكون في تعب وصدعة وااااايد وتبديل ثياب على طول
بس احسن شي تعلمينه شوي شيوي يعني اذا سوى شي في الحفاظة تنظفينه وتخلينه يلعب في الحوش بدون حفاظة وشوي شوي بيتعلم والليل يلبس حفاظة لين ما صار يتحكم بعمره
وبس
والله معاناة ويا كثرها المواقف اللي ما تنقال بس عليكم بالصبر ثم الصبر. :clap:
انا بديت ادربها على النونية من عمر سنة ونصف بس ما كنت اضغط عليها ابد وشوي شوي بالصبر وطول البال تعلمت وكانت مثل عبود عندها ادراك للموضوع بس ما ترضى تدخل الحمام كانت مخصصة لها ركن بالبيت تقضي حاجتها فيه يوم خليت النونية في نفس الركن غيرت المكان. بس بعدين شريت لها المرحاض الصغير اللي ينحط على الكبير وبشوي تشجيع وهدايا الحمد لله تعلمت الحين عمرها سنتين وثلاث شهور بس بصراحة ما اجازف اطلع فيها طلعات كبيرة او انومها بدون حفاظ محتاجة تشجيعكم وخبراتكم.
:shy:
طولت عليكم :gum: بس اعذروني
ولدي وبنتي الاثنان علمتهم بسن سنه و10 شهور
يعني سنتين تمام يعرفون يقولون نونيه هذا ولدي
اما البنت حمام
2- ماذا استعملت :النونية والا الحمام الذي يركب على الحمام العادي ؟
انا أستخدمت الافرنجي ((الحمام الي تكوت قاعدته مرتفعه طبعا راح يكون واسع عالطفل اكرمتوا
بس فيه شغله خاصه تشترينها وتضعينها عليه))
– ماهي المدة التي استغرقتها عملية التعلييم ؟
المده طولت شووي أخذت يمكن شهرين ويادوب بدوا يستوعبون بس بصراحه الشغله متعبه من البدايه ولا تطلعين كثير برا وإذا رحتي مكان لازم تضعين حفاظه لهم منعا للآحراج
4- موقف طرييف أو يعصب وياا كثرتها؟
بصراحه حصل موقف مع ولدي الكبير
كنت مستعجله هذاك اليوم وبطلع ونسيت أني أخذ حفاظه لولدي
هو بدا يقول حمام شوي شوي بس لازم اذا طلعت اخذ وياي ولما وصلت قلت يؤؤؤؤؤؤؤؤؤؤؤ نسيت الحفاظه
وتشوفيني بين نصف ساعه لنصف ساعه ثانيه اخليه يروح للحمام وكنت خايفه يسويها بالارض ومن خوفي
سواها بالارض يؤؤؤؤؤؤؤؤؤؤؤؤؤؤؤؤ
وربي احراج
بس الحمد لله هذا اول واخر موقف
بس الحمد لله على كل حال على الاقل
فيه ناس يتركون أطفالهم ب 3 سنوات و4 سنوات
أكره اشوف طفل بهالعمر وعليه حفاظه
بس نصيحه ياامهات لاتستعجلون على الاطفل من عمر سنه او 6 شهور
وربي صغار مايفهمون
بس اذا انتم قادرين على هالشي
الله يوفقكم
تحياتي لكم جميعا
سامحوني على التأخير في الرد
كنت قريت من فترة في كتيب خاص بالاطفال اسئلة موجهة لاطباء ومختصين حول مواضيع متنوعة.. ومن بينها هذا الموضوع .. راح اكتب لكم رد الطبيب وخلينا نناقشة مع بعض 
سؤال: ماهو العمر الأمثل الذي يفترض فيه ان أبدأ تدريب طفلي على ارتياد الحمام؟ وماهي المرحلة التي يكون التدريب فيها سابقاً لأوانه؟ وفي اي مرحلة استطيع لاحقاُ ان اتوقع منه التخلي تماماً عن الحفاض؟
الجواب : لا انصح بمباشرة التعليم على ارتياد الحمام قبل سن الثانية فإن معظم الاطفال قبل ذلك الوقت تفرغ المثانة باستمرار بحيث يتعذر عليهم السيطرة عليها. فلا جدوى من مباشرة تعليمهم.
انتظري حتى يبدأ ابنك بهذه العلامات قبل البدء بالتدريب على الحمام :
– القيام بعملية البراز في وقت منتظم ومتوقع والقدرة على رفع سرواله أو انزاله.
-الاهتمام بعادات الآخرين في الحمام وبارتداء الملابس الداخلية .
– كذلك قدرته على اداء الحركات والاشارات التالية مثل ان يجلس القرفصاء او يتذمر او حتى ان يخبرك انه يشعر بالحاجة الى التبرز.
انما عليك ان تريه لا ان تدربيه. أما التوقيت الذي يختاره للتنفيذ متوقف عليه. فلكل طفل توقيته ويفترض بولي الامر العاقلان يحترم ذلك.
اما بالنسبة للصبيان فالوقوف للتبول يأتي نتيجة تقليد رجال او صبية آخرين.
أما مسألة التدريب الخاص بالقيلولة وسبات الليل فتترك له. انها مرحلة تأتي دائماً بعد حصول الجفاف في النهار ولا استطيع ان احدد لك الوقت المحدد الذي يتخلى فيه طفلك عن الحفاض تماماً..
ها بنات شرايكم في الحجي الي فوق؟
المرحاض رافض يجلس عليه او حتى القيصرية، بس هو عارف متى يبي يقضي حاجته ويخبرني بس على شرط اني أحضر حفاظة والبسه…