مساء الخيرات
بليزززز ابي منكم مساعده وبسرعه
ابي اعرف شنو الموضه الحين بالنسبه لفساتين الاعراس من ناحية الموديل والقطعه واللون…
واذا تعرفون محلات تفصل اوكي …
تكفووون ساعدوني متوهقه حدي
اخبارج يا ام الجوري ..
الله يسلمج الموضه الي دارجة هالايام الذهبي ..
و احلى الخيايط الي جربتهم واضبطوالي الفساتين
سوريل في شارع العلي .. تصميمه واايد حلوو
و خياط في السد .. اسمه الفارسه شغله يجنن واايد ..
ولاتروحي لي ايتيله حازم في سوق غرناطه ..
. لاحد يقص عليج .. تراا يخرب الفساتين .. ولا تغرج تصاميمه يعرف يصمم ولكن مايعرف يخيط ..
(( الفارسه و سوريل )) شغلهم واايد مضبوط .. وروحي لهم ..
تحياتي
قطرية عسل
بس ابتعدي عن (النمري) كل البنات لبسووووه .. كل عرس لازم أشوف نمر .. خلاص استهلكووووه كثير ..
خليج على الذهبي و درجاته و ممكن البرتقالي بعد روعه و بعد عندج ملك الألوان و ملفت الأنظــار الأحمرررر (عاد مادري تحبين هاللون أو لا ) ..
ترى مو شرط تمشين على الموضه لأن الموضه كل البنات يمشون عليها حتى لو ماتناسبهم وإذا رحتي العرس كل البنات مثلج باللون و القطعه و الموديل ..
تميزي عن الكــل بشي جديد و موديل مميـــــــــز ..
بالنسبة للمصممين فيه مصممه سوريه شغلها حلوووو في السد (مشغل لاروج)
وعندج في أسواق الغرافة المصمم الفلبيني (سي لافي)
ســـــــــلامـ ..
لابوم رووووووووعه انصحج ماتروحين فلنتينو خايس ماعجبتني خياطته مع اني خيطة فستان هديتي عنده بس مارحت له مره ثانيه
روحي عند زينه هي لبنانيه بس شغلها روووووووووووووعه وصج ساعات يكون ناعم بس عجيب من الموديل والكسسوارات الي تحطها فستان عرسي وعرس اختي وبنت خالي وفستان هديتها كل من تفصيلبها ومرتب وشغل عدل وماتتحسفين انج خيطتي عندها
اسم محلها (سينيه) فالسد شفت المصمم فلنتينو دشي الداعوس الي ورا محله وبيج دري روحي يمين وبتلقين باب خشب هاي محلها ومجابل محلها مصمم جميل ابوها بعد شغله حلو بس احس دفش او على حسب ذوق كل وحده وبابها خشب حلووو