حبيت انقل لكم تجربتى مع السواد
برنامجى كان لمده اسبوعين اول اسبوع شيلت الشعر من كامل الجسم و دهنت خلطه زيت الزيتون و السعد علشان الشعر ما يطلع تانى هذه الوصفه جبتها من الموقع و فى نهايه الاسبوع لاحظت ان ربع السواد اختفى و فى الا سبوع الثانى جبت خلتطين من بنت عذارى بصراحه انا باخد الوصفه عميانى بمعنى الثقه الزايده لانى جربت منها وصفات و كل وصفه كانت احلى من اللى قبلها وبعدين جبت المكونات و عملت الخلتطين و بعملهم اسبوعيا لكل خلطه مرتين فى الاسبوع للى عايزه الخلطات دى تدخل على قسم بنت عذارى وتجبهم وهما مقشر شهر العسل و الوصفه تانيه مش موجوده فى القسم انا جبتها من وحده كانت عايزه مساعده من بنت عذارى و والوصفه هى :حمام العروس
(1)صابون الصندل طبعا مش موجود فى بلدى دخلت على google.com طبعا تعرفوه و كتبت صناعه الصابون المغربى و عمات بيه الوصفه
(2)2م ك كركم الاكل
(3)2 م ك زيت لوز واللى معندهاش انا استعملت زيت الزيتون
(4)12 ك دقيق
الطريقه
ذوبى م ك صابون مبشور فى نصف كوب ماء ساخن و اخلطيهم بباقى المكونات
ادهنى بيهم الجسم و اتركيه ينشف ثم قشريه من الجسم ثم اغسلى جسمك بالشاور ثم ادهنيه باللبن والليمون واتركيه ينشف ثم هاتى قطعه قماش قطنيه وضعى عليها الشاور وادعكى جسمك جيدا ثم ادهنى الجسم باى كريم انا استخدم كريم بنت عذارى و احط وصفه زيت الزيتون فى المناطق الغامفه لانها تحتاج ماده دهنيه اكثر
والوصفه الثالثه من بنت عذارى للسواد هى:
ادهنى المناطق الغامقه بالليمون و اتركيه يجف ثم هاتى طحينه و ادهنى على الليمون بحركات دائريه لكى تتشرب البشره المكونات ثم اتركيها 5 دقائق لتجف ثم اغسليها
بصراحه الاسبوع قرب يخلص وشايفه نتائج رائعه راح انذلكم دلوقتى الجدول اللى انا ماشيه عليه يعنى يا بنات الموضوع محتاج شهر فقط لتتخلصى من السواد انا ناويه استمر على هذا الجدول من الان الى العيد و وبعد العيد راح اجرب اشياء ثانيه بس يومها انشاء الله هيكون جسمى رائع للى حابه تعمل معايا هذا الجدول يلا نبتدى:
السبت والثلاثاء : وصفه حمام العروس
الاحد و الاربعاء:وصفه تبيض المناطق الغامقه
الاثنين و الخميس : مقشر شهر العسل
الجمعه : اعملى وصفات للبشره و القدم و الايدى و ايضا رطبى الجسم
انتظر ردودكم ودعوكم
سمر
وانشالله نستفيد
اول سؤال عن زيت الزيتون ونبات السعد : الخلطة بتستعمليها بس بعد شيل الشعر؟ وهل بتصلح للشيل بالحلاوة والحف ولا بس الحلاوة؟ وانت لما استعملتيها لاحظت فرق؟ (ده كله سؤال اول 
الله يعينك )
ثاني سؤال عن المراحل اللي بعد وصفة العروس تستخدمين كريم بنت عذارى ووصفة الزيتون يريت تكتبي مكونات الكريم وايه وصفة الزيتون ؟ وانا استعملت مقشر شهر العسل وكان قمة في الروعة الله يخليلنا بنت عذارى
ثالثا وده مش سؤال ده اقتراح ايه رايك نعمل جدول للعناية بالشعر نمشي عليه اصلي شعري خربان خااالص (اصلي اتحمست وكتبت الجدول في ورقة وان شاء الله ابتدي من بكرى )
وشكرا لسعة صدرك والله ينولك اللي فبالك
(1)بصراحه انا اول شهر استخدمه بس انا لاحظت الفرق فى البياض مش الشعر ولو جابت نتيجه فى السعر راح اقوللك بس عايزه طبعا وقت و البنت كانت كاتبه على الحلاوه او اى شىء يزىل الشعر من الجذور ادينا بنستخدمها للشعر وللتبيض كمان ومش هنخسر حاجه لو معملتش للشعر حاجه اهى برضو بيضت
(2)وصفه الزيتون هيه هيه اللى كاتبها فوق بس بدل ما تغلى الزيت و تحطى علىه السعد اغليه فقط وضعيه فى الثلاجه بالنسبه للوصفه الاساسيه كن المقدار كوب زيت + ملعقتين اكل سعد وبعد غلو الزيت يضاف السعد ثم يوضع فى الثلاجه لمده يومين ثم تصفيه وتستخدمى الزيت فقط
واما عن الكريم فمكوناته:
(1)كرم عادى يفضل بدون رائحه بس انا استخدمت برائحه
(2)م ك جلسرين
(3)2م ك عصير ليمون
(4)م زيت لوز
اخلطيهم وضعيهم فى الثلاجه و دائما فى الثلاجه
(3)بصراحه انا عامله جدول متكامل لكل جزء بس انا كتبت الجزء الخاص بالجسم ولو عايزه نتائج جميله لكل جزء اتفضلى هذا الجدول ومعاكى دلوقتى الجزء الخاص بالجسمبس اوعدينى اننا نشجع بعض لانى ناويه اكمل للعيد علشان القى نتائج افضل
واجدول هو :
*للشعر : الثلاثاء:بلسم وهو من اول استخدام بتلاحظى ان الشعر مبيوقعش
البلسم : بيضه + م جلسرين +م زيت زيتون +م خل ابيض
ادهنى الشعر بيه والبسى بونيه او كيس بلاستيك و اتركيه نصف ساعه ثم اغسليه
*قصى اتراف شعرك فى ال 14 او15 من الشهر العربى انا جربتها لقيت الشعر غزير و صحى وكل مواصفات الشعر الجميل
*للبشره: يوم الاحد : اعملى ماسك غريب وهو متكون من بيضه +م بن واتركيه الى ان يجف تماما واغسليه نتايجه زى الماسك المغربى
يوم الاثنين و الخميس اعملى تقشير للبشره من بنت عذارى وهو م بودره الكريم كراميل + م جلسرين قشرى البشره و الرقبه انا بشرتى دهنيه بس الجلسرين ما اثرش فيها الحمد لله
* للقدمين :هاتى ملعقه من كل من (فازلين+زيت زيتون او ذره+عصير ليمون)اخلطيهم وضعيهم علىالقدم و البسى كيس ثم شراب واجلسى بيهم من 3:4 ساعات و اقل حاجه ساعتين ثم اغسليها وضعى اى مرطب كررى هذه الخلطه 3 ايام وراء بعض وفى اليوم الثالث بعد الخلطه قشرى القدم باى مقشر ثم ادهنيها بمرطب من اول ثلاثه ايام مش هاتسدقى ان دى قدمك
*للايدى :قشرى يدك مرتين فى الاسبوع واليكى هذا المقشرين الرائعين :
( 1) م خميره+م بيكنج بودر + م ماء اخلطيهم وضعيهم على اليد واتركيهم ليجفوا ثم هاتى قماشه بليها بماء ساخن وادعكى اليد كويس و افركى ثم اغسليها ثم رطبيها
(2)ملح+عصير ليمونه افركى اليد ثم اغسليها و رطبيها
* بالنسبه للمناطق الغامقه ادهنىها يوميا
انتظر ردك و رايك و ماذا ستفعلين
اختك الغاليه
سمر
ان شاء الله بعمل خلطة السعد وياربي تنفع انا الحمد لله معنديش مشاكل في الارجل الشعر مش كثير وبشيلو بمكينة النتف بالم بسيط بس المشكلة في المنطقة المعروفة والله حيرة وتعب مقدرش استعمل الحلاوة لانو الالم لايطاق من جهة وكمان عشان السنة والحال كما هو عليه ياريت تنفعني الخلطة وكويس انك قولتيلي الطريقة لاي كنت ححطي السعد المطحون في الزيت عادي واستعملو تسلمي
والله انا تحمست اوي وخلاص حطيت البرنامج في دفتر بمكونات الخلطات وحضرت مكونات مقشر شهرالعسل عشان بكرى فاضل بس زيت لافندر الصبح حطلع اشتريه ان شاء الله
نيجي للخلطات الجديدة المشكلة انو عندي حساسية ضد البيض بس المسو تبتدي الحكة والهرش اما لو اكلتو فبالاسعاف على طول للمستشفى عشان كدة مش حقدر اكون معاك في الخلطات ده بس حعمل خلطات القدمين والايدي وتقشير البشرة من بنت عذارى
الاسبوع اللي فات كنت قبل اانام ادهن وجهي بزيت اللوز ولاحظت نو فتحوا بس وقفتو من الكسل ممكن ارجع اعملو جربيه يمكن تلاقي نتيجة حلوة بسهولة
وعايزة حاجة لشعري تساقط رهيب (بس بدون بيض
) وكمان عندي تقصف شديد الله يعينان شاء الله القالو حل
وسعيدة جدا بالتعاون اللي بينا وياريت ينضمولنا عرايس نفيدهم و يفيدونا
اختك افنان
يعنى هابدأ من 2
لما اشترى الحاجات اللى ناقصانى
وكمان نهاكوا فى الباقى الشعر والقدمين …………..
انا كنت ناويه التزم فى رمضان بالوصفات دى عشان مفيش كلية
ولا خروج برة
ودى انسب الفرص للجدول دا