عندي موضوع اليوم للنقاش 
الى اي عمر نظل ندلع الولد باسمه ؟؟؟؟
يعني بالنسبة لي انا ما زلت اسمي ولدي الكبير اللي عمره 4 سنوات وشهرين بأسم ( حسون ) بدل من ( حسين ) .. لكني هالفترة قمت احس انه كبر وخصوصا انه بعد ما راح الروضة قام يقول انا اسمي حسين مو حسون 😎
اما ابوه فصار له فترة يمكن اكثر من سنة و هو خلاص يناديه حسين وناااااااااااادرا اذا يسميه حسون 
لكن تخيلوا عندي خالة الله رزقها بس بعيال اثنين ولد وبنت والحين كبروا وما زالت تدلعهم باسمائهم ،، خل البنت على جنب لانها بنت وعادي تتدلع .. بس الولد عمره الحين 19 سنة وما زالت تدلع اسمه :ss:
خلونا نتناقش في هالموضوع .. وخبرونا حسب وجهة نظركم الى عمر نظل ندلع الولد باسمه ؟؟
ماما حسون موضوعك حلوو .. !
انا عندي اولاد اختي كنا دايما نناديهم باسماء دلعهم !
الحين لما كمل ولد اختي 9 سنوات خلاص شفناه ماشاء الله كبر و كأنه رجال تركنا .. بس الثاني الصغير اسمه عبد الله ، عمره 6 سنوات .. للحين الكل يناديه عبود ، لانه مميز هالطفل و بعد صايرة عبود احلى .. ! و ما اعتقد بتتغير لانه اخوي الكبير للحيم امي و خالاتي يسمونه عبود و هو صار ابو خخخخ !
بالنهاية .. مافي عمر محدد يلزم الوالدين في التخلي عن دلع الاسماء !
موضوع حلووو ماما حسوون
بس بالنسبه اليي ماادري الى اي عمر بظل اسمي اولادي باسماء الدلع لان امي وابويي لحين ينادوني بأسم الدلع وخواني التوم بعد كان ابويي مايسميهم الا كتاكيت والحين هم بصف اول اعدادي واسمهم لحين مو جود كتاكييت وعمتى((ام زوجي)) بعد لحين تدلع اولادهاا ولو انهم بعد متزوجين وعندهم اولاد وزوجي من ضمنهم وعن نفسي ماادري لمتى بظل اسمي قسووم((عسوول)) وامووور((سكر))
وسموحه على الاطاله
حلو الموضوع اني عندي بنت بس مو دائما اناديها باسماء الدلع يعني اناديها نور عادي غالبا وحتى ابوها لان احنا نادرا ما نناديها باسمها اني اناديها كل ماما وابوها اذا يكلمها يقول لها بابا. بس احس ما بتغير بظل على طول جذيه
اما اذا ولد احس انه من يدخل المدرسة لازم نعود لساننا على نطق اسمه الصحيح رغم ان احنا ولد اخويي اول حفيد في البيت الحين هو في صف ثاني اعدادي وللحين نناديه حمود اصلا ما نعرفه الا حمود.
احنا عندنا في عائلتنا جدي
مو قصدنا ان ندلع الاسم بس من الصغر نتعود
عندي ولد خاله الحين في توجيهي واحنا للحين نسميه عبود مو عبدالله
لان تعودنا اناديه جدي
مو قصدنا انه ندلعه ولاشي
عادي شفيه اسم الدلع
انا عادي عبادي اسميه عبود عبادي عبدالله
واعتقد لين يكبر جذي.. يعتمد على الوضع
وحتى لو دلعناهم للكبر شفيهااا مويقولون الاولاد يظلون صغار في عيون اهاليهم حتى لو كبروا هههه
يعني ما اشوف فيه مشكلة ليش ما ندلعهم
يعني انا لحد الحين امي تدلعني و تدلع اخوي اللي اكبر مني و عنده بنية
انا ما اتوقع بيوم راح انادي ولدي باسمه الا اذا كنت معصبة
و ما اشوف انه اسم الدلع يزيد من دلع الولد لا عادي
شكرا لك ام حسون على الموضوع الحلو هههه
احس ان الواحد على التعود
اني عن نفسي من حالي صرت اعدل اسم ولدي حسن احسه كبر خلاص
ومؤمل اصلا انطق اسمه مثل ماهو بدون تدليع
راح أوقف تدليع أسماء عيالي لحد مايوقفوا أهلي تدليع أسمي بالأول
لحد يومكم هذا يدلوعوني بأسم مختلف تماما عن أسمي الحقيقي !!!
وما أعتقد راح يوقفوا هالأسم هذا علي حتى لو عجزت وأستويت عجووووزه !!!!
غيري اسمج بالمرة بعد سويه ماما حسين هههههههههه
عن نفسي متعودة ادلع اخواني الصغار واولاد اخواني الصغار وبالتاكيد اولادي.. ( بس حزة الغضب يطلع الاسم صحيح هههههه غصباً )
اتذكر كذا مرة بيت عمي يلفتون نظري انهم ما يحبون عيال ولدهم يكبرون وهم يتدلعون.. فحقرتهم ورديت عليهم بكل نزارة ولادي وكيفي.. عيل اذا ما دلعناهم بهالعمرمتى ندلعهم؟
خل يون بيت اهلي يشوفون اخوي الصغير الحين عمره 19 سنة وللحين ندلعه ونعطيه القاب ههههه