المنيو النهارده
ملوخيه
ورز ابيض
وشوربة لسان عصفور
وفراخ محمره
وبتنجان مقلى وفلفل مقلى
الترتيب فى السوا هايبقى الشوربه الاول وفى نفس الوقت البتنجان وبعدين الرز واول ماتهدى عليه تعملى لسان العصفور واخر حاجه الملوخيه لما تطفى عالرز
اولا الشوربه اللى هانعمل بيها الملوخيه ولسان العصفور
هانجيب الفرخه ونغسلها كويس اوى
ونحضر بصلتين وطماطمايه وملح وفلفل وبهارات وبلاااااااش كمون نقطع البصله شرايح تخينه شويه وبرده الطماطمايه ونحط عليهم الملح والفلفل والبهارات ورشه صغيره سكر
وندعكهم بايدينا كله مع بعضه
ونقلبه عالفراخ ونحط ميه عالفراخ ونحطها عالنار واول ماتغلى نهدى النار شويه ولما تستوى نطلع الفراخ فى مصفى عشان ماتتهريش
وكده خلصت الشوربه اساس الاكل
الملوخيه بقى وركزو اوى
هانجيب الملوخيه ونقطفها ونغسلها ونلفها فى كيس مخده عشان مش عايزينها تدبل فى الهوا ونسيبها شوبه مش عايزينا ناشفه اوى ولا مبلوله اوى عايزينها منديه
نجى بقى نخرطها بالمخرطه ونحط معاها قرنين فلفل اخضر مقطعين كويس ونخرطهم مع الملوخيه
ونكون مقشرين توم على اد الملوخيه
هانجيب حله ونحط فيها شوربه للملوخيه طبعا مش شوربه كتير عشان ماتبقاش صايصه يعنى مثلا عملتى كيلو ملوخيه حطى 3 مغارف شوربه ولما تغلى كويس حطى الملوخيه وقلبى كويس ولما تيجى تغلى يعنى هاتبدا تغلى اطفى النار على طول واعملى الطشه والطشه بتكون بمعلقة سمنه تحمري فيها التوم وبعدين تحطيه فوق الملوخيه طشيتى التوم خلاص شغلى النار تانى عالملوخيه وقلبيها كويس ولو لاقيتيها تقيله اوى زودى حبة شوربه لغاية ماتوصلى للي انت عاوزاه واول ماتبدا تغلى اطفى النار وكده تبقى جاهزه ودوقيها لو محتاجه ملح حطى نص مكعب مرقة دجاج وانا دايما بعمل الشوربه دلعه شويه عشان بحب ازود مرقه
ملحوظه اوعى تغطى الملوخيه وهى سخنه عشان ماتسقطش او تسود
اوعى تغلى الملوخيه اوى عشان نفس السبب
تابعو
المقادير معلقة سمنه ومعلقة زيت وتكونى غاسل الرز كويس بس مش قبل الطبخ بكتير يعنى يادوب تغسليه وتصفيه وعلى طول تشوحيه فى السمنه بالزيت وتحطى الملح وتشوحى شويه وبعدين الميه خدى بالك منالميه وقلبى تقليبه واحه وغطى عليه واول مايغلى الرز من كل الجوانب وتحسى ان ميته نقصت شويه هدى النار عليه وسيبيه مع نفصه لغاية مايستوى
ملحوظه ماتقلبيش الرز وهو بيستوى عشان يفضل مفلفل والحبه بحبتها
لو هاتعملى 2كوب رز يبقى 2 ونص كوب ميه هايبقى مظبوط معاكى اوى
لسان العصفور
هاتى لسان العصفور انا بحب الملكه
وحمريه فى سمنه ولما يتحمر زودى الشوربه واول مايغلى هدى النار شويه وزودى نص مكعب المرقه انا بحب فاين فودز بس لغاية مايستوى
البتنجان المقلى هاتى بتنجان عروس وحطى فى طاسه نقطه زيت وهدى النار اوىىىىى
وحطى التنجان وغطى عليه بغطا وقلبيه من الحين للاخر لغاية ماتلاقيه استوى وطرى واقلى الفلفل وتكونى عامله دقه عباره عن توم مش كتير وملح وكمون واحشى البتنجان وبعد الحشو اعرى لمون كتيييييير يعنى كل بتنجانتين لمونه وبرده عافلفل
وحمرى الفراخ اخر حاجه انا بدخلها تحت الشوايه تحمر لكن ممكن تحمريها فى سمنه عالنار
والحلو بقى انا نسيت الحلو بس الاحلى هو وجودك معانا ياقمر
ياترى جاهزينن ننزل المنيو التانى
ميرسي
مكرونه بالصلصه
بانيه
بطاطس محمره
سلطه خضرا
اولا البانيه تجيبى البانيه وتتبيله كالاتى
عصير بصلتين ومعلقة خل ملح وفلفل وبهارات وتسيبيه فى التتبيله ولما يتبل تحطيه فى بيض وتخرجيه من البيض تحطيه فى بقسماط مطحون وتكونى متبله البقسماط ببهارات وفلفل وشعرة ملح وكمان انا بحط على البقسماط معلقتين سمسم ابيض من عند العطار واقلبه وبعد كده اتبل بيه
المكرونه الصلصه
لو هاتعملى كيس مكرونه ويفضل ريجينا
هاتجيبى نص كيلو طماطم
نشوح بصله وقرن فلفل اخضر وجزره مبشوره فى معلقتين زيت
البصله اولا لغاية ماتدبل وبعدين الفلفل والجزر وبعدين تحطى عصير الطماطم وتحى ملح وفلفل وكمون ونص معلقه صغيره سكر وتسيبيها تتسبك
والمكرونه تتسلق قبل التقديم مباشرة
يعنى تسلقيها وبعدين تديها تقليبتين مع الصلصه عالنار وتقدميها على طول
البطاطس المحمره انا بقشر البطاطس عادى واعملها صوابع
واكون حاطه عالنار ميه فى حله وفيها ملح ولماتغلى انزل فيها البطاطس واعد لغاية 10 وبعدين اطلعها على طول فى مصفى ولما تتصفى احمرها فى زيت غزير وبس
السلطه الخضر هاتعملى سلطك عادى خالص وتحطى كل المكونات اللى بتحبيها وتكونى عامله دقه عباره عن فص توم مع قرن فلفل وملح وكمون وادقهم كويس واحط عليهم عصير لمونه ونقطه خل ونقطه زيتواضربهم بالشوكه واحطهم عالسلطه والف هنا اكلة النهارده