الفطور/خبز طبعاً عجينة وأنتي تسوينها حنا نسميها مصلية تقطعينها وتفردينها مع شاي مطبوخ وتقطعين بصلة صغيرة لأنها تفتح الشهية وتحطين مردود هذا المردود عند العطار تلقينه فيه أخضر وأزرق الأزرق أحلى تفردينهم مع بعض وبالعافية مع كوب حليب حار طبعاً وتحطين فيه شوي فلفل……
وأكيد راح تطفشين كل يوم تبغين تاكلينها لازم تغيرين مثلاً من بكرة كبدة وفول وأهم شيء تاكلين بدري يعني الساعة 7 تكونين مفطرة ،،،
الغداء/على كيفك بس لازم تشبعين……..
العصر/خميعة تراها حلوة مررررررره أو أي شيء من المطعم……
العشاء/مرقوق تسوينه وتحطين معاه الأدوية هذي كلها تلقينها عند العطار حبة سمراء ولوبيا وفلفل أسود شوي وفاصوليا وغيري إذا طفشتي………
لا تنسين الطبيخة أنا ماأعرف مقاديرها بس أسأل أمي وأكتبها لكم هي عبارة عن مشروب قبل لاتنامين تشربينها مره زينة………
بداية العشرين الأخيرات تنقعين النقوعة وهي عبارة عن:محلب،،ومره،،وعلك مر،،وشوي مباركة لانها تنضف البطن المباركة،،،
طبعاً تحطين من كل نوع ملعقة أكل بس المباركة شوي في كوب وتصبين عليهم ماء وتخلينها ومن بكرة الصباح على الريق تشربينها هذي بصراااحة ماراح تندمين إذا سويتيها لمدة 20 يوم مثل ماقلت يومياً طبعاً……
طبعاً الغسول تغسلين بمرة من داخل يوم بعد يوم واللي دايم ملح وماء……….
أول أسبوع من العشرة الأخيرات تحطين لبسة هي عبارة عن مرة وملح زي التحاميل فيه بعض الحريم يسونها بس أنا ماأعرف اسويها سوتلي خالتي تحطينها بالمنطقة إذا بغيتي تنامين وتلبسين فوطة وتنسدحين على طول وحاولي أنك ماتقومين وأنتي إذا دخلتيها حاولي أنك تدخلينها بقوة علشان ماتطيح ولاتقومين لأن هي تنزل الإفرازات اللي معك الوساخة يعني……….
تحياتي لكم وأتمنى لكم الحياة الزوجية السعيدة:wavetowel2: