انا اول مرة انزل موضوع بس حبيت افيدكم لاني استفدت كثير من مواضيعكم الاكثر من رائعة والله يجزاكم كل خير
كانت يديني جافة كثير وتتقشر مع اني ما اشتغل ومرة وانا قاعده اقرا بمجلة
شفت هالخلطه وعلى طول سويتها
اول شي تجيبين
1-ملعقة صغيره عسل
2- ملعقتين كبيرة زيت زيتون
3- ملعقة كبيرة زيت لوز
4- ملعقة كبيرة زيت سمسم
5- نص ملعقة كبيرة جليسوليد اللي علبتة حمرا
الطريقة:
يسخن العسل لين يسيل على نار هاديه وتضيفين الجليسوليد
لين يسيل ويختفي لونه الابيض وتشيلينة من على النار وتحطين باقي الزيوت
وتنتظرين لين يبرد وتحطينه بعلبه زجاجية نضيفة وتستخدمينه كل لليلة قبل النوم
اوتحطينة لمدة ساعتين بس لازم تلبسين قلفزات نايلون وبس
من اول استخدام حسيت بالفرق صارت يديني مثل القطنه
اتمنى اني قدرت افيدكم وما يكون موضوعي مكرر
ادعولي الله يوفقني بزواجي وخطيبي يرضى علي :confused: لاني مزعلته
الله يوفقك مع خطيبك ويهدي بالكم ويتمم زواجكم على خير
ويعطيك العافيه غاليتي على الطريقه
انا الحين سويتها بس استناها تبرد و احطها على يديني ..
يعطيك العافيه ..
بس سؤال… تأثيرها على مفاصل اليد الغامقة بعد ولا بس تفتح اليد … لأنه ابي ايدي لون واحد….؟؟؟
وشكرا"…