السلام عليكم
اليوم بحط لكم وصفة غريبة شوي بس كتير مميزة وطعمها روعة ما بتتخيلوه
الوصفة هي لوبيا بيضا بلحم لسان البقر وبعمل معها رز بشعرية
بما اني ما صورت الوصفة لاني مالحقتها
:celebrate: راح استعين بالصور من النت
المطلوب
نص كيلو لوبيا بيضا
كيلو لسان بقري تقريبا بيطلع فيه اربع لسانات
2 بصلة كبيرة , خمس حبات توم , حزمة بقدونس وحزمة كرفس ,3 معالق كبار مليانين صلصة طماطم و 2 ليمونات كبار
التوابل : معلقة صغيرة ممسوحة فلفل اسود , معلقة كبيرة بابريكا , معلقة كبيرة ونص كركم , معلقة صغيرة زعفران (ملون غذائي), 3 ورق لورا , ملح , عودين قرفة ولو مو موجودة ناخد براس معلقة صغيرة قرفة مطحونة
الرز : كيلو الا ربع رز + ربع شعرية
طريقة اللوبيا :اللسانات اول ما تشتريها لا تخلي صاحب المحل يقشرهالك اشتريها متل ما هي
اول شي بنجيب طنجرة متوسطة بنحط فيها ماي وملح وبنقطع واحدة من الليمون على اربع ونحطها في الماي , بنغسل اللسانات منيح بالماي ونحطها في الطنجرة ونخليها تتسلق مع ازالة الزفرة كل ما احتاج , تقريبا بيخادو مابين نص ساعة الى ساعة الا ربع
بعد ما بيتسلقو بنصفيهم من الماي ونحطهم في صحن واسع و بسكين او بادينا لو امكن بنشيل القشرة الي بتكون فوق اللسانات عبارة عن قشرة بيضا وبتنشال بسهولة جدا مجرد تفركيها شوي بتطلع بسهولةبعد ما بنضف اللسانات بنقطعهم قطع متل ما تحبو قطع كبيرة او متوسطة ونخليهم على جنب
في نفس وقت سلق اللسانات بنكون غسلنا اللوبيا و بنحطها في طنجرة مع ماي مشان تنسلق شوي تقريبا 15 دقيقة , بعد ما تنسلق بنصفيها ونغسلها بالماي منيح راح تشوفو ماي السلق بيطلع فيها سواد لازم نغسلها منيح
الان كل شي جاهز بنجيب طنجرة الطبخ , بنفرم البصل و نقليها في الطنجرة مع الزيت او سمنة متل ما تحبو
بعد ما البصل يذبل نبحط التوم المفروم ونقلبه شوي لما يسمر , بنحط صلصة الطماطم وماي ونخليه يغلي دقيقة وبنضيف التوابل كلها و الليمونة الباقية بنقطعها على اربع ونحطها ونترك الصلصة تغلي دقيقتين وبعدين بنضيف اللسان واللوبيا وانتبهو ان اللوبيا ما بتكون مستوية يعني محتاجة كمان مابين ربع ساعة الى عشرين دقيقة بعد ما بنضيف اللوبيا واللسانات لو الماي ناقصة بنزودها شوية ونترك الطبخة تكمل نضجفي هالوقت بنجيب طنجرة تانية ونحط زيت او سمنة ونحط الشعرية وملح ونقلبها لما تسمر
بنكون غسلنا الرز وصفيناه ونضيفو على الشعرية ونقلبهم كم دقيقة وبعدين بنضيف ماي ونترك الرز ينضج
بعد ما اللوبيا تستوي بنفرم الكزبرة والكرفس منيح ونضيفهم عليها ونقلبها منيح
وهيك طبختنا صارت جاهزة
اللوبيا شكلها هيك تقريبا
وهادا الرز تبعنا كمان صار جاهز
اتمنى الطبخة تعجبكم و الي ما جربو اللسانات قبل هيك ما يقلقو لان طعمهم كتير حلو وهو لحمة عادية بس طعمها كتير احلى
اتمنى تجربو الطبخة وتعطوني رائيكم
و لا تنسوني من ردودكم الحلوة
ودمتم بالف خير F:
وفعلا اللسان طعمه لذيذ جداً زي اللحمة وأطرى منها
عجبتني الوصفة وتم التقييم
يسلمو والله يعطيكِ العافية
تسلمي على الوصفه اللذيذه ياقمر
((اسيره الغربه )) سابقا
يسلمووو ايديك
تسلمو حبيبات على الردود الطيبة
مروركم اسعدني
لكم ودي