من فترة وانا ابي احط لكم لوكي اليديد بس اتعايز
واليوم جاسني الحماس…ابي تصفيق حار الحين ههه 
استخدمت في اللوك باليته الايشادو من كوليكشن الهيذرت واستوحيت عنوان الموضوع منه 😎
يلا نبدا
اول شي غسلت ويهي بغسول زينياك ورطبته بمرطب من شيسيدو
بفرشاة الكونسيلر وزعت الكونسيلر حوالين عيوني والاماكن اللي فيها عيوب في ويهي
وزعت كريم الاساس من ماك بفرشاه الاساس وفوقه حطيت لوز باودر من ميك اب فور ايفر
خذت من اللون التركواز من الباليته وحطيته في زاوية العين الداخلية ومديته لنص العين تقريبا وبعدين خذت اللون الوردي من نفس الباليته ووزعته على باقي العين وتحت الحاجب ( الالوان في هالباليته وايد هادية وخفيفة )
ومن بعدها خذت فرشاة الايلانير ومديت خط خفيف فوق عيوني من الكحل الكريمي من ميك اب فور ايفر
خذت اللون البنفسجي وموهته فوق الكحل الاسود وحطيت منه شوي تحت العين وتقدرون تستخدمون قليتر بنفسجي بدل الشدو
كحلت عيني من داخل بكحل سمايلنغ (نسيت اصوره) وحطيت ماسكرا من كلارينس
خذت بلاشر وردي من ريميل ومديته على عظمة الخد وفوقها حطيت لمعة ذهبية
حددت شفايفي بمحدد وردي من برجوا وحطيت روج لف لورن من ماك
وهذا الشكل النهائي للعين والشفايف
اتمنى يعجبكم لوكي الخفيف 
mashalla 3laaaich sis nice look .. very natural i loved it
teslaaaaaaaaaam el ayaaaadi
لوك نعوووم وحلوووو
يعطيك العافيه
تسلم ايدج
ايه دي النعومة كلها…
مشكورة حبي على اللوك و ان شاء الله اطبقه في المستقبل القريب جدا
مشكوره حبيبتي
مشكووورة
فنانة و ناعمة
تسلم الايادي
ما شاء الله عليج فنانة
امووووووووووووت باللوكات الناعمة لأنها صج تبرز جمال الوحدة
وانتي ما شاء الله عليج جميلة,,,,,,الله يحفظج ويستر عليج