ان شاء الله الكل بخير F:
===
مثل ما وعدتكم اني انفذ لكم موضوع وشرح بسيط عن اللوك اللي في توقيعي :adore: << اللوك وايد حلو وصذقوني سهل التنفيذ
===
صورة جماعيه للأدوات اللي بنحتاجها
نحتاج ل شادو ابيض + شادو أسود + كحل أبيض و كحل أسود + ايلاينر أسود + قلم شادو كريمي ابيض + قلتر + لزق شفاف !! + فرشاه للقلتر + فرشاه للشادو + فرشاة آيلاينر
و ما ننسى المسكرا
ملاحظه: ما حطيت خطوات الفاونديشن .. كل وحده لها طريقه :thumbs_up:
اول شي نسويه ناخذ قطعه من اللزق الشفاف ويفضل النوع اللي انا حطيته ( لانه خفيف وما يلزق عالبشره ) .. اول شي قبل ما نلزقه عند الزاويه الخارجيه للعين نلزقه على اليد ونشيله عشان يخفف عليج الالتصاق ( الحركه اختياريه انا شفتها في يوتيوب وفعلا اذا حابين الرسمه الخارجيه وخصوصا من فوق تكون مرتبه و بدون اي شوائب ) تتبعين هالطريقه
الحين كيف نحط اللزق ( عند نهاية زاوية العين الخارجيه على مستوى نهاية الحاجب :thumbs_up: اتمنى فهمتوا عليه
صورة لتوضيح مكان الزقه ( قوقل )
—-
نبدا في الرسم : اسهل طريقه هي ناخذ كحل اسود ونرسم اول شي الجفن من فوق كانا نحط ايلاينر بس اول شي بالقلم الاسود ونمده اللزق بيكون مثل الدليل لج وترسمين خط طويل ( طول الخط يعتمد على ذوقج ) …. الحين من اخر الرسمه لي تقريبا توصل عند مستوي الحاجب نرسم خط فوق ثنية الجفن ونمده لين زاوية العين الداخليه بخفه
اصعب جزء من الرسمة هذا لان يبالج وقت تضبطين الخط لي بترسمينه …
الحين ناخذ القلم اللي اسمه milk from NYX ونلون الجفن وندمج بالاصبع بخفه .. ناخذ الشادو الابيض بفرشاه ونحطه بالطبطبه عليه عشان نبرز اللون الابيض
وممكن توزعينه بالفرشاه هاذي
ناخذ فرشاه مثل اللي فالصوره وناخذ الحين الشادو الاسود ونرسم فوق الخط اللي رسمناه بالكحل الاسود شوي شوي وندمج بخه على فوق عشان نموه الخط المرسوم ويتحول لشادو ناعم مافيه خشونه وبنفس الفرشاه نحط على الزاويه الخارجيه و نكثف شوي .. لا تنسون اللزق بعده موجود ف حتى لو طلعتي عن الرسمه فوقه ما بيبين ابدا :study:
و شوفوا وين انا حاطه سهم !! نسيت اصور شادو اسمه omega من ماك ونستخدم منه شوي على فرشاه رقم ٢١٧ ونمج اللون الاسود من فوق به لاحظوا اللون يادو يبين لكم صح
نرسم الحين الجفن من فوق برسمة ايلاينر قريبه من الرموش ونعرضها شوي
——
الحيييييييييين نشل اللزقه لي حطيناها وشوفي الخط المرتب اللي بيطلع لج بدون اي تعب 😎
جذي نكون خلصنا من الجزء الاولي للعين
نرجع الحين نرسم من تحت طبعا اسهل لج الرسمه
بالكحل الاسود ونمده علي تحت شوي يوم نوصل عند الزاويه الخارجيه التحتيه للعين ونحط فوقه شادو اسود ونموه بخفه مثل ما مبين فالصوره
—-
الحين بالقلم الابيض الرفيع بين الرسمه اللي سويناها وشلنا اللزق نحط خط عريض وندمج بالاصبع الصغير شوي و نوزع الشادو الابيض
===
اللحين ناخذ ماك فكس + ونرشه على فرشاه مسطحه + ناخذ كميه من القلتر ( الخيار لج يا فضي او رينبو وبالطبطبه حطي القلتر فوق الشادو الابيض بس )
[IMG]http://www.3roos.com/files/ups/2011
/69616/11320070866.jpg[/IMG]
كحلي عينج بالكحل الابيض + حطي مسكرا كثيفه
واللوك انتهى :adore: !!
====
شرح مصور
لوك حصري لمنتدى عروس فقط
الله يعطيج العافيه على هل لوك حللو للمناسبات
تم التقيم F:
ماقصرتي شرح كافي
الله يعطيك العافيه
في قمة الروعه
تسلم ايديكي عالشرح الواضح ..,,
وفي انتظار جديدك ان شاء الله ..,,
واللي حلى اللوك القلتر ..
تسلم ايييدج دووم مميزة والله
روعة