بس حيل انشغلت ومامداني اصور
وشفت نفسي فاضيه امس قلت احط لكم لوكي لعرس يوم السبت اللي رحت له
وكان حلو وملفت وعجب خواتي وامس ماشاء الله
طبعاااا عقب التنظيف والفكس والبرايمر وهيك <<< ماصورت هاللقطه لانها صارت معروفه خلاص
نبلش بالاساس
حطيت اساس كانيبو على يدي وخلطته باساس ماكس فاكتور <<<< قلت اجربهم مع بعض
وطلعت الدرجه حلوه والحلو انه ثابت طول العرس
وعقب باسفنجة السمر كيك حطيت البودره المضغوطه عدل مدل على كامل الويه
والاساس والبودره من كانيبو ارقاهم 102
الحين الشدو
عقب ترتيب الحواجب وتحديدهم بالقلم <<<< ماصورته نسيته
باحط لكم اللي مصورته بمشترياتي
حطيت الكحل الكريمي ولونه نفس لون تنورتي
ووزعته عدل على الجفن وشويه طلعته برع الجفن المتحرك شوويه وحطيته بفرشاه الموزه
وعقب بفرشاه 242 حطيت الشدو اللي احذاه وطلع اللون حلو
وعقب
حطيت الشدو البنفسجي الغامج بشكل قووس على ثنية العين من النص وشتت اللون لبرع عدل مـــدل
وشتته من فووق ودمجته مع التركوزاي اللي عند الثنيه
وغمجت اللون عند زاوية العين وانا طالعه لبرع شويه
والشدو البنفسجي الغامج بعدين باقول لكم عن استخدامي له
عقب خذت هالبيجمنت <<< من كوليكشن الدرس ست
وبشكل خفيف حطيته فوق الشدو البنفسجي تغيير اللون شوي
وعقب الشدو البنفسجي الفاتح اللي مساعه قلت لكم بعدين باقول لكم عنه
استخدمته اخر لمسه بشكل الطبطبه لانه في جليتر خفيف
وحابه انه الجليتر يكون واضح ويبان من غير تشتيت
حطيته بس من زاوية العين بشكل الطبطه وشوووووويه دمجته مع الشدو البنفسجي بنهايه العين اللي مموهته لبرع علشان اكسر حده الشدو البنفسجي
عقب حطيت من هالاضاءه الجديده من ماك تحت الحاجب ودمجته مع البنفسجي وطلع الدمج حلو والاضاءه كانت حلوه
عقب حطيت بشكـــــــــــــــــــــــــــــــل خفيف خفيف حده بفرشاه الموزه من هالجل على الشدو التركوازي عقب مارجعت وعدل وضبطته عدل
حطيت من هالجل علشان اثبت هالجليتر
وماكثرت من الجل لانه اكيد بيتكتل وبيخرب علي المكياج
بس طلع حلو الجليتر وغيرلي المكياج وصار احلى وملفت
عقب حطيت لي رموش وكحلت عيوني من فوق وتحت بالكحل الكريمي اللي نهايه العين دمجته شويه مع البنفسجي
وحطيت من الشدو البنفسجي تحت الرموش السفليه ودمجته مع الكحل الاسود
عقب حددت خشمي
بالابيض البيجمنت من ماك وباطراف خشمي حطيت من البني من ديور
ورجعت حطيت البودره مره ثانيه على كامل ويهي وبشكل خفيف حطيته من البودره على خشمي
عقب حطيت من البلشر الوردي الجديد الحلوو
وعقب حطيت من هالاضاءه بس تحت العين شويه بهالفرشاه
عقب حددت شفايفي بمحدد جفنشي العناابي
وحطيت الرووج الوردي على كامل شفايفي وعلى المحدد شويه
وعقب بهالفرشاه الشفافه من ماك حطيت من الغلوس على الروج وكامل شفايفي
وطلع رووجي وايد حلووو
بالاسفنجه حطيت من هاللمعه
وطلع لوكي حلو ماشاء الله ومرتب والتشتيت مرتب وحلو والدمج روعه
وحاولت ادور لكم صوره واعدلها بالفوتو
وهاي اللي طلع معااااي
الشدو البنفسجي من قبل موجود باللوك
والتركوازي والتركوزاي والنحاسي انا ضفتهم مع الجليتر <<<<<<<<< حركات الجلتير انتبهوا له هههههههههه
وان شاء الله يعجبكم لوكي البسيط عند لوكاتكم ماشاء الله
فعلا مبدعه
ودوم تبهرينا بلوكاتج الحلوه
وكل لوك احلى من الثاني
لا اله الا الله عليج
وربي يحفطج انشالله
ويعطيج الف الف عافيه وعقبال ماصير فنانه مثلج 
وانا لاني فنانه ولا شئ
انا بروحي اتمى اكوون فنانه واتمكيج احلى من مكياجي الحالي
يعطيج العافيه على ردج الحلو مثلج
مشكووره اختي على المجهود
والله يعطيج العافيه
لوكاتج حلوة و احسها مرتبه و كاملة مو مثلي اول شي تكون روعه و لازم كل مرة اتفلسف و اغير شوي و يتدمر اللوك كلة
تسلم الأيادي …
مرة شي رائع
،
روعة اللوك ما شاء الله ،
تدرين ملوذه لو ما حطيتي الصورة التوضيحية جان ما فهمته <<< تأثيرات الإنفلونزااا ،
يعطيج العافية وتسلم إيدج يا مبدعة ،
فنـانه إنتي في الماكياج والترتيب والدمج بين الألوان ،،
والأبرز من جيـه إختيارج الموفق للألوان ،،