هلا اخواتي بغيت مساعدتكم
والسالفه ان بيتي جديد وفاضي ماسوينا فيه شي الا الارضيات والاضاءه
والحين لازم نصبغ البيت بس ماعرفت الالوان المناسبه لكل غرفه
ياليت القى عندكم المساعده
وهذي الوان الارضيات الي عندي
هذي لون الارضيه تبع مجلس الحريم والصاله (جرانيت فيه لمعه ) وحجمه كبير شوي
وهذا لون المدخل والممرو بس الممر واسع وفيه على اليمين
مثل صاله صغيره من نفس لون الارضيه (ونوع الارضيه سيراميك حجمه 40 في 40 سم)
وهذا البلاط الي شكله مثل الخشب حطيته بغرف اليهال والممر الي فوق
وحطيت غرفه للولد (5) سنوات
وغرفه للبنتين (8 و9 ) سنوات
وهذا شكله
ياليت القى المساعده منكم باسرع وقت
وبغيت الالوان الفاتحه والغامقه مثلا اذا بصبغ جهه من الجدار بلون
غامق لكسر الالوان وخصوصا الي عند المدخل
وانا للحين مافرشت البيت ابدا يعني البيت فااااضي
وياليت فهمتوا علي لان البيت فيه صالتين صاله على يمين المدخل والممر وصاله داخليه
مقابله للمدخل
وجزاكم الله خير
تحيتي
نور
صالات الاستقبال اذا بغيتها تكون فخمة خلي الصبغ غامق
واذا كانت صغيرة خلي ركن منها بس غامق لأن الألوان الغامفة تصغر المساحة
ارضية المدخل اللي انت حاطتها غامقه خلى الطوفه ورق جدران أوف وايت أو بيج وفيه زخرفة ذهبية أو تكون نفس لون الأرضية
غرف الجهال تقدرين تحطين كل طوفة لون و الطوفة الرابعة اللي عند الدريشة تكون مقسمة و تجمع ما بين الألوان
و انشاللة تكون عجبتج
.:*:.BaRbiE.:*:.
مشكوره اختي على المساعده الطيبه
اختي صالات الاستقبال واسعات بس للحين ماقررت
الالوان الي بحطها وهل التعتيق والترخيم مناسب او صار قديم ؟؟؟
لاني ابي شي يقعد معاي كثير وماتروح موضته بسرعه
وبالنسبه للمدخل اقتراحك ووايد حلو بس انا اخاف من ورق الجدران
ممكن استعين عنه بلون غامق ورسم بالمعجون واللون المقرح اهو الزيتي
والذهبي مادري اذا بيصلح او لا ؟؟؟؟
اما غرفة البنات ان شاءالله بقسم الجدار اثنين واحد لونه وردي فاااتح
والثاني ازرق توتي فاااااتح وهذا لان البنات مختلفين بالراي وقلت
احط لكل وحده لونها الي تبيه … يعني مقارب للاقتراح الي وضعتيه
وتسلمين عيوني ومشكووره على ردك وذوقك
تحيتي
نور
يابنات ياليت القى رد على الاسئله الي محيرتني
مثل ماذكرت قبل بغيت اعرف التعتيق والترخيم للحين ماشيين
والا صار قديم ؟؟؟؟
وبالنسبه لمدخلي على يسار الباب في شباك فكرت احط ستاره
بسيطه على شكل سيدار خشب واحط طاوله الي يحطونها بالمدخل وعليها
اكسسوارات واعتق الجدار بلون غامق
وارسم عليه بالمعجون مثل هالطريقه
مع العلم ان البلاطه لونها غامق وهذي اهي
بس باقي الجدار اكيد بخليها فاتحه
ولاحظوا الطريقتين الي فوق وعلموني اي لون مناسب للسيراميك الي عندي
او اذا تقترحون علي لون غيرهم
ويابنات لاتبخلون علي بالرد وانا في انتظاركم
تحيتي
نور