انا مشكلتى انى من مصر ….ومش لاقيه اى زيوت او خلطات….وكنت عايزة زيت او تركيبة او منتج بس يكون مضمون:angry: لانى تعبت من التجربة بلا فائدة…اريد شىء لكثافة شعرى الذى تساقط ومازال يتساقط وخلانى اقسه كتير وصار فوق اكتافى بعد ان كن فى اخر ظهرى:sad:
حد يقولى على اى حاجة لتكثيفه وتطويله بسسسسس تكون موجودة بمصر.
ولى سؤال اخر…..هل يباع السدر المطحون هنا فى مصر؟؟
انا احتاج عطارة كثيره و زيوت مثل الزيوت الهندية……وانا احاول ايجاد احد فى اى دولة عربية سيأتى مصر قريبا لأطلب منه الزيوت التى احتاجها:sad:
ساعدونىىىىىىىىىى ارجوكم
حد يقولى على اى حاجة لتكثيفه وتطويله بسسسسس تكون موجودة بمصر.
ولى سؤال اخر…..هل يباع السدر المطحون هنا فى مصر؟؟
انا احتاج عطارة كثيره و زيوت مثل الزيوت الهندية……وانا احاول ايجاد احد فى اى دولة عربية سيأتى مصر قريبا لأطلب منه الزيوت التى احتاجها:sad:
ساعدونىىىىىىىىىى ارجوكم
بصى انا من مصر كمان واى اعشاب انتى ممكن تتخيليها هتلاقيها عند حراز بجد تحسى انك داخله مغارة مليانه اشكال والوان فيها كل حاجه والسدر انا جبته ب40 الكيلو من عنده وهو ورق وانتى بتتحنيه بالبيت بجد حلو جدا وممكن تعملى مخلوط من اعشاب السدر والكافور والزعتر والروزميرى وتغليهم مع بعض وحطيه ببخاخ وكل يوم بخى على فروة راسك واغسلى شعرك مرتين بس بالسبوع بجد الطريقه دى حلوة جدا انا انهارده استشورت شعرى والله لاقيت شعر جديد مكنتش مصدقه عينى وكمان هتلاقى عند حراز عشبه الكثيرة بس ب400 جنيه الكيلو لو انتى تحبى تستخدميها زى ما موجود وصفات بالمنتدى هناا منها بس للعلم فى بنات بيقولو لو استخدمتيه متوقفيهاش خالص علشان شعرك ميقعش تانى واى سؤال انا موجودة يا قمر ولو حد تعرفيه مسافر برة خليه يجيبلك زيت انوب لان انا لسه واصلى الزيت وهبتدى بيه كورس انشاءالله
شكرا فتفوته بس هو فيين حراز ده؟
بصى هو فى باب الخلق جنب مديرية امن القاهرة يابنتى هو مشهور جدا وقريب من العتبه كده انتى انزلى بس باب الخلق او مديرية امن القاهرة واسالى عليه كل البشر عارفاه هناك انا روحت وحدى وسالت الناس بجد كلهم عارفينه
مش عارفة اشكرك ازاى….انا فعلن نفسى اعمل اى خلطة ولكن مش بلاقى المكونات…قوليلى انتى ايه الوصفات الى جربتيها وفعلن عجبتك؟؟
بصى انا بقالى تقريبا من شهر 5 بعمل خلطه2 صفار البيض وزيت خروع 5 م و عسل ابيض 5 م كمان وبسيبه على شعرى 6 ساعات وتعمليه اى يوم يعنى مثلا من 2 الى3مرات بالسبوع ودايما ببخ من الاعشاب اللى قلتلك عليها دى وبجد بقى الحنه تحفه للشعر بتحسن الشعرايه كتير وتقويها وتضيع التقصيف اللى فيه وممكن كمان تحطى على الماسك ده زلال الصبار كمان هيبقى ماسك حلو جدا جدا انا ونا صغيرة كنت دايما بحط الصبار وكان بيخلى شعرى حلو جدا وبس هى دى اكتر حاجه كنت بعملها لشعرى ونفع معايا وانشاءالله لو زيت انوب جاب معايا نتيجه حلوة هبقى اعمل موضوع علشن تعرفى وتجيبيه وعلى فكرة كمان فى فى الحسين تقريبا قهوة اسمها الشربينى او حاجه كده هى مشهورة جدا فى وراها عطارة هنديه ممكن تلاقى فيها انواع زيوت تتقل الشعر لو تحبى تروحى بس انى روحى حراز كمان عنده قسم للزيوت بس فيه كل حاجه بجد هيعجبك جدا
على فكرة القهوة اللى ادام العطارة الهندية اسمها قهوة الفيشاوى للعلم وكمان بلاش كتر خلطات على الشعر يعنى ركزى على واحده علشان الشعر يستفاد اكتر وابعدى البعد التام عن التوم والله وقعلى شعرى بطريقه غير طبيعية يعنى قبل ما يعالج الشعر هيصفيه وميخليش فيه غير كام شعراية
ربنا يخليكى بجد انا كنت لسة بجهز ماسك الثوم ده:sad: كويس انك قلتيلى….انا عرفت مكان حراز ..وكنت بسأل على عطارة هندية :shy: وانتى بردو لحقتينى…مش عارفة اشكرك ازاى:flower: …ربنا يتملك جوازك على خيير ان شاء الله…اعتقد انى عرفت ان فرحك قريب.
ايوة يا صوغننه انا فرحى انشاءالله على شهر 6 وربنا يرجعلك شعرك احسن من اول انشاءالله
وعقبالك انتى كمان يا قمر وكمان يعنى هو انا اقدر مردش وافيد بنت بلدى لا وكمان صوغننه يعنى اخت صغنتوته
وعقبالك انتى كمان يا قمر وكمان يعنى هو انا اقدر مردش وافيد بنت بلدى لا وكمان صوغننه يعنى اخت صغنتوته
ربنا يخليكى ويباركلك يااا رب ويسعدك فحياتك انشاء الله