ليش تحجبين القمر يا الحلوه جدول كامل للحلوين 2024.

خلونا ندش في الموضوع أوكيه..
طبعا كل بنت تبغي اتكون كامله وكل بنت تبغي ما يكون فيها أي عيب..
والانسان بنفسه طماع يبغي يمتلك كل شي ويكون هو كامل وما كامل الا الله..

وعشان نخفي العيوب الي في ويها.. أو نخفف من العيوب الجسمانيه..
ليش ما انسوي جدول للعنايه بالجسم والوجه والشعر..
يعني باختصار كل وحده تكتب الطريقه الي استخدمته ونفع معاها.. سواء اكان طبيعيه او صناعيه.. ونحن نفضل الطبيعيه أكثر.. لان ما لها اي تاثير ولا بيكون لها اي تاثير.
——————————————————
مثال:
1- تكتبون الشي الي استخدمتوه للوجه ونفع معاكم..
** يعني (الخلطه) الي استخدمتوها وجابت نتيجه مذهله..
** نوعية البشره (دهنيه, مختلطه, عاديه)..
** كم من مره تستخدمونه (يوميا, اسبوعيا, شهريا)..
** الكريمات الطبيعيه او كيماويه ( من اين نستطيع الحصول عليها)..
** سكراب.. (طريقة عملها بالضبط, مكوناتها)..
** بخار للوجه.. (طريقة عملها بالضبط)..
** طريقه لتخفيف حبوب الشباب..
** طريقه لتخفيف الاثار واختفائها..
** طريقه لضيق المسامات الواسعه في الوجه..

2- تكتبون الشي الي استخدمتوه للشعر ونفع معاكم..
** (الخلطه) الي استخدمتوها وجابت نتيجه مذهله..
** نوعية الشعر ( خشن, ناعم, دهني, عادي)..
** الكريمات (باسمائه الدقيقه) ( من اي نستطيع الحصول عليها)..
** الاستشوار (اسمه وقوته)
** الزيوت..
** كم من مره تستخدمونه (يوميا, اسبوعيا, شهريا)..
** مغذيات للشعر..
** شامبوهات..
** حمامات الزيت.. (طريقة استخدامها)

3- تكتبون الشي الي استخدمتوه للجسم ونفع معاكم..
** (خلطه) الي استخدمتوها وجابت نتيجه مذهله..
** الكريمات (باسمائها الدقيقه) ( من اي نستطيع الحصول عليها)..
** كم من مره تستخدمونه (يوميا, اسبوعيا, شهريا)..
** مواد طبيعيه أعشاب استخدمت للجسم ونتايجها.. ( تبيض, تنعم, تقشر)..
** حمام المغربي وطريقة استخدامها..
** كيفية شل الشعر الزائد.. ( كيفية استخدامها بالتفصيل وكيفية العنايه بعد وقبل شل الشعر)..
** طريقه لتخفيف السواد في الاماكن ( كوع… الخ) في الجسم..

واعتقد كل هالمعلومات مهمه للمراءه.. وكل وحده تكتب الشي الي سوته وعيبها ونفع معاها بالتفصيل الممل عشان الكل يستفيد منه.. واذا عندكم اي شي زياده وحبيتوه تكتبون عنه بتسوون خير.. والحين انا الي ببدء عشان تاخذون فكره بالموضوع..
وبعده بنشوف كل الردود وبنأخذ أحسن الاشياء والاكثر اقبالا عليه وأكثر نتايجه مشت على الكل وبنسوي جدول خاص وبحط موضوع لكم وانشاء الله بتستفيدون منه..

الشعر…………
بعطيكم فكره عن شعري (دهني ومتقصف ومموج غليظ ومتوسط الطول).. استخدمت كذا طريق ونفعت معي هاي الطريق..
1- وضع زيت معين ومداويه عليه (زيت جوز الهند سي بي سي).. على الاقل ساعتين او اكثر يكون على الشعر.. (تحصلين على الزيت من البقاله او الجمعيات)..
2- عمل مساج مرتين يوميا.. مره صباحا ومره مساءا..
3- غسل الشعر بشامبو صانسيلك بالحنى..
4- عمل حمام زيت للشعر (اكتف اكس) بالثوم.. عند وضعه اعمل له مساج وبعده اغطي الشعر بالقباعه البلاستيكيه او قبل لاغطي اضع فوطه دافئه..
5- استخدم كريم مغي للشعر بالمرز.. ( تحصلينه من الجمعيات)..
6- في الاسبوع مره استخدم الاتسشوار (استخدم الاستشوار برو استوديو ستايلر 500 فيليبس)..
————————————-

الجسم………..
1- اشل الشعر الزائد بواسطة الحلاوه.. وقبل لاشله اضع بودره قليلا وثم اشل الشعر.. وبعد الشل اغسل المنطقه بماء بارد فقط.. يخفف ظهور الحبوب واذا ظهرو الحبوب انظف بالاسكنيول يخفف ظهور الحبوب ويخفف من علامات الحبوب..
2- استخدم كريم للجسم (جلسوليد الأحمر) من الجمعيه.. بعد الاستحمام يوميا (يساعد على تفتيح لون الجسم ونعومته)..
3- استخدم كريم دوف (لمحافظه على ترطيب اليدين)..
4- للباط استخدم مزيل العرق من نيفيا والله يقضي على الروائح وينعم ولا يسود..
5- افرك الجسم قبل الاستحمام ب(زيت الزيتون) ينعم ويساعد على تفتيح اللون..

———————————-

ملاحظه:
الشعر….
* عند وضع الزيت ممتاز وايد لو تعجفينه (تعقصينه) وقبل النوم حبذا لو تفتحين الشعر عشان يتنفس ويأخذ هوى..
* أكل الخضروات الخضراء مثل الجرجير والخس والنعناع..
—————————–
الجسم….
* للاظافر: شرب الحليب كثيرا.. وتدليكه بالليمون أيضا ممتاز..
* للأصابع الرجل وتشققاتها: فازلين.. تفركين بالفازلين وتسوين مساج بسيط لمدة 10 دقايق وثم تلبسين الدلاق (الجوارب) وتنامين والصبح لما تصحين اغلسيه بالماء الدافئ..
—————————-
الوجه….
* مهم جدا جدا اذا حطيتي المكياج تنظفيه لانج اذا غسلتيه وما نظفتيه فالمسامات تنسد وبتتكون حبوب.. على الاقل تنظفينه بالحليب.. او اي ماركات التنظيف المناسب لبشرتكم..