ليله البس لك الابيض **تجربه عروس يوم الفرح 2024.

كيفكن بنااات ؟

مدونة عروووس ساعدني كثير في تجهيزاتي
فالشكر والعرفان واجب

زواجي كان قبل شهر بالتمام والحمدلله عددددى ع خييير
ونصيييييحه للعراااايس الجدد
استمتعي بكل لحظه .. حتى يوم فرحك خلييييك اخر روقاااان ومبسووووطه والله ايام ما تتعوض wYfv::r67Iw:

الحمدلله يوم الفرح كان كل شي من احلى ما يمكن

مكياجي عملته في جده … واول ما طلعت من غرفه المكياج الدموووووع في عيني .. انا من النوع ما احب اعدل واقلها عدلي فكنت كدا :teary: ما ابغي ابكي واخرب الشي زياده .. البلاشر شايفته اوفر والكحل والشادووو وكللللله :h9enJ: كان نفسي اسوي كدا بس ع وجهي

المهم كل اللي شافني يقولولي والله حلووو وجنان بس انا خلاص ركبت في راسي .. المهم استنيت ساعه بعدين سويت الشعر وحطيت الطرحه .. برضه حسيت التسريحه مره عاليه وماعجبتي .. بس خلاص هي جبست لي شعري ما اقدر اغير .. بس توكلت ع ربي وقلت نمشيها عشان تعدي الليله ع خير ** من هنا نستفيد أخواتي العرايس لا تنكدي ع نفسسسسك ابدا حتى لو حاجه مشيت عكس اللي تبيه .. وكليها ع الله وان شاء ما يخيبك

خلصنا مكياج وشعر وجلست استنى السياره عشان نعمل رتوش المكياج والانتظااااار ممل السياره من مكه وهي خلصتني قبل الوقت

وانا انتظر جالسه المكياج خف .. زي ما قالت لي الماكييره وانا جالسه انتظر وانتظر وانتظر واشوف كل اللي يجي ينظر لي ويبتسم ويقول شي في نفسه .. فاشتغلت الحاله عندي اكيد ما عجب احد شكلي ورجع التوتر .. بس شوي تقربيا الكل يجي يسأل من عملك مكياجك ؟؟ شعرك؟؟ ما شاء الله طالعه قمر .. انا كدا صرت :cryi::cryi::cryi: وحده جاتني ما تسأل ولا شي بس قالت لي كلمه فرحتني من قلب .. اول ما طلعت من الدرج انا في الوجه ابتسمت وقالت ما شاء الله تبارك الله وجات ناحيتي وقالت لي حصنتي نفسك ؟؟ بصراحه انا نسيت ودكرتني جزاها الله كل خير*** ماتنسووووا تحصنووووا نفسكم

المهم انا كنت رافضه اشوف المرايه بس بعد دا كله رحت .. بصراحه تفاجات غيييير *** عشان كدا لا تتوتروا وتزعلوا وتتضايقوا … انا شفت وحده قامت تبكي وانا شايفه مكياجها احلى مني .. بس التوتر والتخيل اللي انتي راسمته احيانا يطلع غير .. فخليكي هادئه .. :Keep Calm and enjoy :flower:
طلتي طلعت الحمدلله جننناااان خاصه انه انا صرت نصي wYfv: كنت في اخر السبعينات ونزلت الى اقل من 45 ان شاء الله ما ارجع اللي نزل

اوووف كلام كثير الله يعينكم ع القراءه انا كنت مقرره كلمتتين بسسس الكلام اخدني