أخبار عرايسنا الحلوين… عساكم كلكم بصحة و عافية…
جبت لكم طريقتي الخاصة في المكرونة الإيطالية بالدجاج و الكريمة البيضا…
تقدرون فيها تستخدمون مكرونة الفيتوشيني أو اللينغويني… بصراحة أنا أفضل اللينغويني لأنها أخف و أسهل في التعامل :tongue:
نبدأ طريقتنا بسم الله…
المقادير… أنا هنا سويت مقدار كبير ل 10 أشخاص…
أول شي نسلق المكرونة، و مثل ما قلت أنا استخدمت اللينغويني (Linguine)، تقريباً علبة و نص…
و هذي صورتها…
و نخليها تنسلق في نفس الوقت اللي نسوي فيه خلطة الخضار، و بعدين نصفيها و نحتفظ بشوي من ماء السلق…
نجي الحين لخلطة الخضار الرئيسية في الأكلة…
الخطوة الأولى بنحتاج فيها:
زيت زيتون
بصلة كبيرة مقطعة شرايح رقيقة
3 فصوص ثوم مفرومة فرم ناعم "مو مهروسة"
صحن صدور دجاج مقطعة شرايح رفيعة
في قدر أو مقلى عميق، نحمي زيت الزيتون، مقدار الزيت يكفي يغطي قاع المقلى بس ما يكون غزير…
نضيف البصل و الثوم، و نحرك على نار متوسطة لحد ما يذبل عندنا البصل بدون ما يتحمر…
نضيف الحين الدجاج و نقلبه مع البصل بعدين نغطيه لمدة دقيقتين…
بعد ما نرفع الغطا بيكون لون الدجاج صار أبيض، نرفع الحين الحرارة و نقلب لحد ما ينشف الماء اللي طلع منه… بعدين نرفعه في صحن على جنب…
الحين نجي للخطوة الثانية…
بنحتاج فيها:
حبة كبيرة فلفل بارد مقطعة شرايح رفيعة
2 جزر كبير مقطع شرايح رفيعة
علبة فطر طازج مقطع شرايح
كوب كريمة خفق
مكعب ماجي
ملح – فلفل أسود
بهارات إيطالية – أوريغانو
ملعقة كبيرة ريحان طازج مفروم
في نفس القدر، نحمي شوية زيت زيتون مرة ثانية، و نضيف له الجزر و الفلفل البارد…
نخفف الحرارة شوي و نغطي القدر لمدة دقيقتين… بعدين نضيف لهم الفطر، و بدون ما نحركهم نغطيه مرة ثانية لمدة دقيقتين… لأننا لو حركنا الفطر على طول، بيتفتت…
بعد الدقيقتين، نرجع نضيف الدجاج للخضار مع الكريمة و مكعب الماجي و الملح و الفلفل الأسود…
نرجع نغطي القدر، و نخليهم يغلون مع الكريمة لمدة 5 دقايق… بعدين نضيف البهارات و الأعشاب…
الحين في القدر اللي سلقنا فيه المكرونة، نرجع له المكرونة بعد ما صفيناها و نضيف عليها خلطة الخضار و الدجاج، و نقلبهم مع بعض… إذا حسيتوا إن المكرونة صارت ناشفة، زيدوا عليها شوي من ماء السلق اللي احتفظنا فيه…
و قدموها على طول…
و هذا شكلها النهائي…
:15:و بالعافية على قلوبكم :15:
وتسلم الايادي
وتسلم ايديك
/
::
يسلمووووووووووووووووووووووو
حبوبه
/
::
امممممممممم لذيذ شكله يشهي
تسلم ايدينك ياحبيبتي
لذيــــذ .. 
..
الله يعطيــج العافية و ما قصرتي ..
تسلم إيــدج ..
تعبــتج معاااي يا حيااتي .. ..
تحياتي ..