مأساتي مع النادي الرياضي 2024.

بسم الله الرحمن الرحيم ,, السلام عليكم ورحمة الله وبركاته ,,ما ادري شنو اقول لكم ادري راح تستغربون بس ماني عارفة شنو السبب, دخلت نادي رياضي من شهر وكنت اروح له كل يوم وملتزمة وخاصة فترة الليل احاول ما اتعشه بس الريوق كنت اكله زين وخففت خلال اليوم نص اكلي تقريبا ,, اول اسبوع وزني ما تغير كلش قلت يمكن الأسبوع الثاني ينزل الصدمة انه زاد كيييييلويييييييييييييين,, اهني ياني احباط كل هل التعب ولا شئ,, الحين خلصت الشهر تدرون جم نزلت : كيلو
لو سمحتوا عطوني تفسير

اختي جربي تقسين ملابس قديمه يمكن تكون وسعت عليج

احيانا نزول الوزن يكون بالمقاسات مب شرط في الميزان

ويمكن لانج تمارسين رياضه فالكيلو يمكن يكون وزن عضلات

بس انتي استمري ان اشاء الله الشهر الجاي راح يكون النزول حلو

بس الحين غيري النظام او اكلي اكلج العادي يومين

وبعدين ابدي بالريجيم

الصبر يا أختي مافيه شيء بين يوم وليلة !

معليش تحملي وحاولي تستمرين أكثر وأكثر

وتذكري الوزن ما زاد في شهر أكيد في أكثر

من شهر يمكن سنه ؟ حاولي تستمرين ولا تتحطمين بالمررررره

كلنا نعمل دايت لكن الصبر زين حبيبتي

حبيبتي gogo لاااااااااااااااااااااااا تتضايقين ولا تزعلين هذا الوزن هو عضلات بس لان العضلات عندك انشدت وزاد وزنها بس جسمك لو تلحظينه يمكن يكون مقسم ومتناسق علشان كذا لاااااااااااااااا تحزنين او شيء استمري وراح تلاحظين كيف جسمك راح يكون ممشووووق انشاء الله وتحياتي لك ولكل الاخوات

اممممممممم انا مع بنوووووته بعد

واكيد جسمك انشد حتى لو مانحفتيىىى كثير طبيعي بيكون شكله احسن من اووول

مشكورين,, اي والله احس انه البنطلونات خقوا شوي ,,وان شالله اكمل لأني اخاف اني ما اكمل وامل ,, وصج انه الي اخلي النادي ازيد وزنه؟؟؟ وشكرا

حتى لو نزلتي كيلو في الشهر
هذا برووحه انجااز
لانج خلال سنه بتنزلين 12 كييييييييلو
مب شويه ^___^
ولا تحاتين الوزن اللي تلاحظينه هذا وزن العضلات
عسى الله يعطيج الف عافيه

مرحبا جيجو لا تيأسين انشاء الله بتخفين بس اصبري ومن الحين قيسي خصرج وفخوذج صدقيني بيكون متغير وبعدين الجسم المشدود احلى ..
شوفي انا الحين مثلج اروح النادي واخر شي افكر فيه الوزن لانه انا سايره اشد جسمي واخليه حلو بس ها انا افكر حتى اني اكمل سنه انشاء الله … وتعرفين بعد شو اسوي اسوي ايروبيك ساعه مع مشي نص ساعه مع نط الحبل …..وانشاء الله استمر بس انتي شدي الهمه ..

حبيبتي … استمري على الرياضه

ترا هذا شي طبيعي انج اتزيدين في البدايه لان وزن العضلات يزيد

مرحبا الغاالية..

لا تزعلين و لا اييج احباط.. انا تراني بعد نفس الشي.. اسوي رياضة بس وزني مثل ما هو.. عندي شويه عضلات.. بس ملابسي استوت واسعه علي شوي مثل ما قالت الاخت..

وزنج مثل ما هو بس قياس ثيابج يتغير..

تعرفين شو تسوين من تجربتي.. خذي قياس مال الثياب الي بالانش و قايسي محيط خاصرتج و محيط الردف انا جه اسوي يوم ما اقتنع بالميزان.. اقول كل هالتعب على الفاضي..

اشوف محيط الردف ينزل و الخصر بعد.. مثل ما تاخذين قياسات الثياب.. انا اشوفها احسن طريقه بدال الميزان