شخباركم أمهات وشخبار أطفالكم الحلوين؟
بغيت اسألكم من خلال تجاربكم أو الي شفتوه في محيطكم أي أفضل للطفل يكون سنتين أو 3سنوات بالروضة ؟
ولدي الحين سنة ثانية في الروضة وباقي السنة الجاية تمهيدي والسنة الا بعدها يروح صف الأول
أما بنتي محتارة في أمرها هل اوديها سنتنين أو ثلاث سنوات مثل أخوها للعلم انها مولودة بتاريخ 10-1-2009 يعني في حالة ابغي اسجلها في الروضة 3 سنوات متى بيصير تسجيلها بالضبط ؟
ترى متخربطة شوي من السالفة خاصة انها مواليد شهر 1
ردوا عليي ضروري 😮
وقبل جذي ممكن انتي تعلمينها في بيت
تاخذين اليها كتب تعليمية واللوان وتخلينها ويا اخوها لما تعلمينة
وعن سالفة مواليد شهر 1 ماياثر على تسجيل الروضة
بس المدرسة اما الروضة فعادي
في حال بغيتين يكون 3 سنوات في الروضة فتسجلينه الفصل الجاي 2024 حق السنة الدراسية الجديدة اما اذا بغيتين بس يدرس سنتين فتسجلينه 2024 بس بيكون سيده مستوى ثاني مو اول
اما شنو الأفضل سنين او 3 من خلال تجربتي ببنتي عانيت جدا معاها اول سنة وهي 3 سنوات كل ما تبي تروح الروضة وهو في النهاية يعتمد على الطفل نفسه ومدى رغبته وعلى ظروفكم بعد
قبل هالسن يصلح يدخلون الياهل اذا كان انطوائي مثلا او عنده صعوبات في النطق او الكلام فالجمعه مع اليهال تساعده
اما عشان تدريس فسنتين ما بيدرس ولابيستوعب الكتابه و مسك القلم
مهارات بسيطه انتي في البيت تقدرين تعطينها اياه
بس شفت انه بعض الاطفال اللي وياه في الروضة راحوا السنة اللي قبل بعد وما شاء الله اسرع في الكتابة لانه معندهم خلفيه عن السور والاناشيد والارقام والحروف
مع ولدي يعرف ما شاء الله كل شيء من البيت بس بعد تحسين بفرق بينه وبين الاطفال اللي معاه ودارسين سنة قبله
ويمكن اودي بنتي 3 سنوات روضة
عندي بنت و ولد و 2 وديتهم الرووضة 3 سنواات
و بخصووص موااليد شهر 1 يااخذوونهم ألحين موو نفس قبل !!
و بالتووووووفيق
يعتمد على مدى قابلية الطفل يعني أني فيه ناس من أهلي ودوا أطفالهم من ثلاث سنوات لكن ما واصلوا طلعوهم لعدم رغبتهم في الروضة لما كملوا أربع سنين ودوهم مرة ثانية كان الوضع مختلف أو فيه ناس ودوا أطفالهم من ثلاث سنوات لكن واصلو