كيف حالكم 😉
المهم بدخل في الموضوع على طول ..
عندك واحد من قرايبك .. تعرّف على بنت من كم سنة وعشقها ، بعدين اتضح ان هالبنت مشيتها ومشية اهلها مو لهناك لدرجة ان الابو من فترة قبض عليه في قضية مخدرات ومحكوم عليه مؤبد ، والبنت لها علاقات سابقة وفي شهود يؤكدون انها ما زالت على علاقة ببعض الشباب غير قريبك اللي تماشيه ..
الحين العايلة اغلبها تدري وخصوصا الحريم .. كلمتوا الولد لكنه مو راضي ومتمسك فيها وما يصدق عليها اي شي وعنده هالبنت اشرف من الشرف واي تقوله له يصدقه ويمشى وراها مثل الاعمى .. وفوق هذا مهدد امه انه اذا ما وافقوا يتزوجها راح يسوي اي شي حتى لو اضطر انه يتزوجها غصبا عنهم ويهرب معاها .. واذا تعقدت السالفة كلش مهدد بالانتحار :ss:
الولد اهله خلاص رضخوا للامر الواقع وموافقين ( اقصد الحريم بس الرجال للحين ما عندهم علم بالموضوع ) ،، وهو ناوي يخطبها الشهر الجاي .. هل تروحين العرس عااااااادي لانه قريبك تروحين علشان اهله ولا تقاطعين وما تروحين اعتراضا منك على هالزواج ؟؟!!!!!!!!!
للعلم اهل البنت كلهم مو شي وسمعتهم طاااااااااااايحه وحتى اهلها يدرون انها على علاقات ويعرفون هالولد عدل وهو يدخل عليهم وعلاقته معاهم كأنه زوج بنتهم فعلا ويستقبلونه ويرحبون فيه ومن انسجن ابوها قام يصرف على اهلها من معاشه (n)
مو بيدي اصلاح الكون
ومهما حاولوا اهله يصدونه ومكتوب له نصيب في هالبنت اكيد بياخذها لكن الله يهديها ويهدي اهلها
دمتي بود
والله يغفر كل شي الا الاشراك به
يمكن بعد زواجها تهتدي وتتوب وتصير احسن ام وزوجه
ليه هالعقول المتحجره؟؟
ترى في مثلها كثير بس من تحت لتحت تكون لعبت لعب ومحدن حس فيها وبعد الزواج صارت احسن بنت واشرف بنت بهالكوووون
وبالنسبه لاهلها لا يؤخذ المرء بجريرة ابيه وهذا شي واقعي ياما الله خلق وفرق تلقين الاب مطوع والولد فاسد
او العكس مو شرط ان شخص فاسد يخرب على الجميع ويقاطعونهم الناس ترى الله غفور رحيم
اذا الله بجلالته وعظمته يغفر نحن لا نغفر ((سبحان الله))
ما تدرين يمكن الله سخر قلب هالانسان لهذه البنت علشان تهتدي ..
انا اروح واحضر العرس وابارك هذا الحب القوي الجميل بكل جوارحي
مافي احلى من الزواج عن حب…
تحياتي
لان اهم شي اختيار الزوجة لازم يختار انسانة محترمة لانها راح تكون ام لاولاده وتربيهم
طبعاً ما اروح لانه هذا الوزاج غلط وبيي يوم وبيندم فيه ع هالزواج
لانه مبني ع اساس غلط
اللي صار صار واهله وافقو حتى لو بالغصب وهو خلاص راح يتزوجو فاكيد اروح عشان مااطلع انا الغلطانة اروح وادعي انه الله يصلح امورهم وعلى الله ربنا يهديها
ما في شي راح يتغير
ومثل ما قالوا البنات , في بنات لما يتزوجون يتركون الخرابيط واللعب
ويكون الزوج هو صلاح
الله يصلحنا ويصلح حال الجميع
والله يسوي الي فيه الصلاح ومثل ما قالت وحدة من البنات يمكن بعد الزواج تصير زينة والله يستر عليهم دنيا واخرررة