هلا اخواتي .. انا اسفه اختفي مره واطلع مرتين بس شوه اسوي تعرفون الانسان المتزوج وراه مسؤليات ..
المهم ما علينا اسمحولي على طول الغياب وعلى فترات متقطعه ..
بكتب لكم هالخلطه وهي ماسك وسكراب للجسم بس مب تحطونه على الويه .. ممنوووووووووووع لانه يسبب تقشره وانتوا وكيفكم ..
المكونات :
ترمس مطحون
نشاء الذرة
زيت اللوز
خميرة
روب
بياض بيض
وحليب طازج مثل المراعي ومرموم
وتقدرون تحطون عسل بس طبيعي مب تقصون على عماركم وتحطون عسل الدكان 
2
المهم تخلطون هالمكونات روب واحد وزيت اللوز يعني قولي فنجان قهوة والخميرة كذلك والترمس حطي فنجانين بياض 3 بيضات ونشاء الذرة بعد فنجان
وحليب طازج تقدرين تحطين نص كاس ..والعسل يعني ملعقة كبيرة واذا حطيتي زيادة ما يهم وان خلطتي وما عرفتي المقادير عدل بعد عادي المهم يطلع خليط ..
بس هاه :pain: ترى فيه ريحه يعني مب حلوه ..
وتحطينه على جسمج وتخلينه لين ينشف وتحسين ببشرة جسمج مشدوده ..
ثم تفركينه على شكل دائري كانه سكراب عادي وشوفوا جسمكم بعد فترة بيطلع روعه ..
وهالخلطه ترى تبيض وتنعم الجسم ..
وسلامتكم ..
واتمنى انكم استفدتم مني 😮
مع اني مقصره فيكم ..
اختكم شاليمار..
حنا عاذرينك ونعر ف مسؤوليات الانسان المتزوج …
والله يكون بعونك ان شاء الله…
بس اهم شي لا تقطعين عنا كثير..
ومشكورةعلى السكراب..
وزيدينا من هالوصفات..
بس عندي سؤال..
زيت اللوز الحلو والا المر
ان من مدة اشتريت زيت لوز من السوبر ما ركت بس مو مكتوب عليه حلو والا مر اللي مكتوب عليه اجود زيت لوز..
بس وعلبته صغيرة وسعرة مرتفع..
والمشكله ابي اعرف هالزيت اللي عندي هو حلو والا مر ..
ابي اي وحده تعلمني شلون افرق بينهم
وشكرا
الله يحفظج
والله يا اختي انا استعمله وبعد ما ادري هل هوه مر والا حلو .. بس انا اللي عندي علبته عاديه ومب مكتوب عليه ..
واتمنى انج اتجربينه وتقولين لي النتيجة ..
اهلين بأختي روح القمر ..
مشكوره على الرد والله يوفق الجميع يا رب..
تمنياتي لكم بقضاء يوم سعيد ( هذا بعد ما تقرون اللي كتبته في مقالتي السابقة )
وحياكم الله ..