صباح الخير خواتي ان شاء الله تكونون بخير يااارب
الوالده الله يحفظها من شهر يمكن دايما تقول لي شوفي كل يمعه على قناة الديره الدكتور مبارك الاشقر وخاااطري اشوفه لاني احب الخلطات الطبيعيه والمفده
بس المشكله انها ماطالعه عندي على الدش
المهم
جربت الوالده خلطه التبيض للبشره الشاحبه
والله يابنات من ثالث مره بينت النتيجه وماصدقت انه هاي وجه الوالده الله يحفظها
ماشاء الله بياض والبقع البنيه راااحت
فعلا نتيجه ممتازه
قلت اقول لكم لانه بعض البنات يسالون اذا حد جربها
وان شاء الله خلال هاليومين راح اجربها بالاضافه لخلطه العروس
الخلطه موجوده في كل البيت وهو يقول علاجج من مطبخج
مايحتاي تروحين لدكاتره الجلد وتحطين مواد كيماويه على بشرتج الطبيعه احسن
وقال انه هلخلطه اللي بشرتهم حساسه راح يطلع لهم بقع يقوووووول عااادي لاتخافون كملوا (والله اعلم )
هاي كلام الوالده
والحمدلله الوالده ماطلع لها اي شئ ومن ثالث استخدام بينت النتيجه وااااااضحه ماااشاء الله
الخلطه :
ربع حبه بطاطس
ربع حبه برتقال مع قشورها
نص حبه تفاح
نص حبه جزر
ملعقه كبيره زيت زيتون
ملعقتين كبار سميد
3 ملاعق كبار نشا
3 بياض بيضه
ملعقه ماء ورد للريحه
ينحطون في جدر وفيه ماي وينغللا النار لمده ربع ساعه وبعدها ينحط في الخلاص
ويستخدم لمده 15يوم
يوم وترك
ونضعه على الوجه لمده نص ساعه ونغسل الوجه بالماي البارد قليلا
والوالده سوتها والخلطه ريحتها حلوه وكانها كريميه
واسمحولي على القصور حبيباتي
واي سؤال انا حاضره
بس عندي سؤال هالمكونات كلها نغليها بالماء مدر ربع ساعة ؟؟؟ والسؤال الثاني : هل بعد الغليان يوضع في الخلاط بدون ماااء ؟؟
وجواك الله خيرا وان شاء نستفيد…
صج شي سهل
مشكوووووووره ملاذ وعساك انتي والوالده بالف خير
هلا حبيبتي
جربيها والله وجه الوالده تغير
ايوه تخلينها ربع ساعه على النار
اما سؤال الثاني حلووو تدرين ماسالتها
بس عطيني ساعه ليما اتصل فيها لانها مسااافره وان شاء الله ارد عليج بسرعه
الله يقويج يارب
وكل خلطاتها سهله جربيها
تصدقين توني افكر
اقول دام ملاذ شجعتني على الخلطه ليش انا ماخذتها منها ،، تسلمين فديتج وبنصح الوالده فيها دامها تعلاج النمش مثل ما قلتي
همسه // لين الحين على اتفاقنا ؟؟
تسلمين على الرد … بس ما جاوبتي على السؤال الاول كامل .. يعني كل المقادير نغليها مع بعض ولا بس الفواكه والخضروات ؟؟؟
وبترياج لين ما تتصلين بالوالدة .. والله يرده لج بالسلامة ..
ومشكورة اختي مرة ثانية ..
ولو لا شو في خلطة ممكن تزيل اثار الحبوب خصوصا الداكنة من الجسم؟ خصوصا الظهر قبل 20/7؟
واخر شي لو سمحتيلي: ممكن تدليني عن خلطة العروس الي قلتي عنها فوق؟ شو هي و لشو تستخدم و فوائدها؟ ومكوناتها ……… وهاي الاشياء؟
شكرا عالموضوع و ربي يدلك عالخير يا رب واسفة عالاطالة و عالاسئلة الكثيرة
انا الحين اتصلت في الوالده وقالت لي الطريقه عدل
تحطون البطاطس والجزر والبرتقال والتفاح بسسسس في شويه ماي لمده ربع ساعه
وعقبها
تحطونهم في الخلااااااط من غييررررررر ماااااااااااي
وتحطون باقي الخلطه في المولينكس والماي الورد وخلاااص
وتحطونه في مله لها غطى وتحطونه في الثلاجه لين وقت الاستخدام
وهاي هي الطريقه بالضبط
واسفه انا من خرعتي بالخلطه جيت قلت لكم بسرعه من غير ماتاكد من الطريقه عدل
اسمحولي من حبي لكم
واختي فاي فاي
ان شاء الله اكون رديت على سؤالج
واي سؤال انا حاضره
وباقي الاخوات ان شاء الله استطعت ارد على اسئلتكم