شلونكم يا عرايسنا
بصراحه حبيت اضيف موضوع بآخر مشترياتي من ماركة ماك،،، رحت البارحه وأخذت لي اشياء ناقصتني من عندهم وعندي لكم بشاره بعد اسبوع بالظبط من الآن بينزلون بضاعه جديده والوان جديده للشتاء،،،
وان شاء الله بسوي لكم تغطيه كامله لآخر المستحضرات الإسبوع القادم
يالله نبدأ بالأغراض اللي إشتريتها
بصراحه رحت ابي اخذ لي قلوسات وإحترت في الألوان من كثرها ،،، لكن اكتشفت شيء خطير خطير خطير،،، طبعاً كلنا عندنا الأرواج كلها بجميع ألوانها ولكن نبيها تكون مثل القلوس لماعه ولها بريق
وطبعاً سفيرتكم فكرت شوي وخذت قلوس شفاف وهذي صورته ،،، وطبقت القلوس على ألوان الروج العاديه اللي عندي في البيت،،، فكره حلوه ان الإنسان ما يخسر اغراضه ويشتري كل ألوان القلوسات ،،، لا انا شريت لون شفاف وادمجه مع اللون اللي أبي ويطلع لي قلوس باللون المرغوب،،
هذي صورته وخطير والله وسعره 70 ريال قطري
وهذي ماسكرا بصراحه اعجبتني واكثر شي عجبني فيها بصراحه ان لونها أسوووود سواد الليل،،، وطبعاً تكثف وتطول الرموش وسعرها فقط 55 ريال قطري
وطبعاً الكحل الأسود -القلم- ،،، اكثر من روعه وانطرح له موضوع خاص في المنتدى
وبعد خذت الكحل السائل ،،، رووووعه انصحكم فيه وهذي صورته
أتمنى اني أفدتكم
سفيرة فوق العاده
بس عن الكحل الصراحه وايد روعه بس مشكلته يسيح يعني بعد ثلاث ساعات من احطه يسيح ينزل لي للخدود
مادري هل من حرارة العين ولا القلم طبيعته جذي
!!!
ننتظر جديدج ياقمر
ومشكووورة على الافادة ..اختيار عملي وذكي..يسلم ذوقح الحلو
وعلى ثقة بحسن اختيارك..
بانتظار الجولة الياية
دعواتك أرجو
مشاعر قلب
انا ادش مواضيعج وانا مغمضه … اعرف بلاقي شي يفيدني
على فكره انا بعد اعاني من سالفه الكحل اللي يسيح بس عاد ما يوصل للخدود ههههههههههههه
الظاهر من حراره العين لانه عيني دومها تدمع..هالشي حلو من ناحيه انه الكل يتحراني لابسه عدسات من اللمعه اللي فيها ماااااشاء الله
بس هب حلوووووو من ناحيه انه يخلي الكحل يسيح بسرعه
انا احب كحلهم وايد وعندي منه كل الالوان تقريبا
البيج ،، الاخضر العشبي،، الزيتي،، البرونزي درجتين ،،، الاسود،، الكحلي،، التركواز،، البنفسجي عندي من النوع العريض اللي ممكن يستخدم كشادو بعد مادري لو ناسيه لون من الالوان اللي عندي وماذكرته
وفكرتج حلوة انج تستخدمين قلوس شفاف لكل الوان الروج.. انا كنت اسوي جذي قبل بس بعدها ماصرت استخدم ارواج بس استخدم قلوس 
رووووعه ,,
الله يهنيــــــج فيهم ,,
تســــــــلم الأيادي ,,
تحيــــــاتي ,,
وبالنسبه لحركة الغلوس الشفاف أنا أسويها من زمان (حركه إقتصاديه مهمه )
يالله تخلصينهم بالعافيه