حبيت أحطلكم تقريري البسيط عن رحلتي الاولى لماليزيا و ان شاء الله ينال اعجابكم
و اسمحولي على التصوير لانه في بعض الصور مش واضحة و حاولت اني اختصر قد ما اقدر لانه عندي صور واااااايد..
المدة:7 ايام و ان شاء الله بكرة راجعة البلاد فديت بلادي والله
السكن:الماريوت في شارع العرب مجابل مركز البافيليون و موقعه حلو و في مكان حيوي و اهم شي انه كل الاسواق و المطاعم قريبة منه..و الفندق حلو و نظيف و راقي
الاسعار اسمحولي ماعرف عنها شي لانه حاجزين عن طريق مكتب و هو رتب لنا كل شي
لكن بخصوص الاسواق كل المحلات عندها سيل عشان الكريسمس و طبعا الاسعار واااااااااو لانه الخصومات توصل لين 70%..يعني تقدرون تسوون شوبينق على اصول و بأسعار خيالية
هذي الصورة خذتها من الطيارة عيبني شكل الغيوم
و هالصور خذتها في طريقنا من المطار للفندق و تقريبا كانت المدة ساعة او اقل بشوي بس المناظر الحلوة و الخضرة و الغيم تنسيكم الوقت و التعب
قبل ما نوصل الفندق السايق خبرنا عن الجوكلت فاكتري و قال انه على طريقنا اذا حابين نمر و قلناله يمر عشان نشوف شو سالفة هالجوكلت فاكتري و هاي لقطات منه..و المكان حلو و لو انه صغير شوي و يخلونكم تذوقون الجوكلت اذا حابين تشترون منه و عندهم اشيا لذيذة بس نحن ما خذنا شي كنا تعبانين و مالنا بارض بس رحنا نتفرج و نبا نوصل الفندق
بعد ما خلصنا من الجوكلت فاكتري رحنا للفندق و هاي مقتطفات من المدخل استحيت اصور داخل لانه كان زحمة خخخخ
هذا الممر لغرفتنا
و هذا رقم غرفتنا انا و اماية فديتها:cool: ما صورت غرفة اخواني خخخ
مقتطفات من الغرفة
الحمام عزكم الله
إطلالة الغرفة..و تشوفون في يمين الصور مول البافيليون و عاليمين فنادق ثانية
و هذي الصورة اول ما طلعنا من الفندق و تشوفون المول طالع فيها و تقريبا كله ماركات و مول راقي و كبييييييييييييير و حلووو
و هذي صور من المدخل اللي دخلنا منه..النافورة
قاعدين يعزفون
هني فالمول تشوفون كيف مزينين المكان عشان الكريسمس..رووووعة المكان
لقطات من المول
ستاند ماركة Shu uemura خذت من عندهم لمعة تجننننننن فديت لولو بحر مكنون خبرتنا عنها
و هني باسكن روووبنز صدق اللي عندهم دلع مب القحط اللي عندنا وايد عليهم بس يحطولنا اسكريم خخخخخخ و ما قصرت لولو بحر مكنون خبرتني عنه و طبعا أول ما شفته قلت ما بطوفه لازم امر اكل عندهم..لكن للاسف خدمتهم تعيسة :thumbs_down:مول ما حبيتها و شكلهم يداد ما يعرفون شو السالفة
و هذا طلبي..شوفوا التزييين>> امحق تزيين انا اعرف احط الكريمة احسن من جي خخخخخ
و اختيارنا كان هالمطعم و الصراحة أكله لذييييييذ مع اني ماحب الأكل اللبناني وايد بس هذا عجبني
قاعدين نختار من المنيو
لقطة جوية للمقبلات
من اليوع ما خلينا شي خخخخ بالعافية علينا
المين دش
:thumbs_up:بالعافية علينا من حلات الاكل ما خلينا شي خخخخ
هاي صور من ريوقنا >> ريوق الظهر خخخخ
كنا طالعين نتمشى و نسوي شوبينق و مرينا ستار بكس
هذا طلبي كالعادة لازم هوت جوكلت و تيرامسو >> مب حلو مالهم اللي عندنا فالبلاد أحلى
و هذا طلب أخوية
و هاي صور خذتها فالدرب..المناظر روووووعة سبحانك ياربي و الجو يجنن
شوفوا الغيم
مرينا على مزرعة الفراولة او حديقة الفراولة المهم هو مكان يزرعون فيه الفراولة و عندهم محل كل شي فيه على شكل فراولة وايد كيووووت و هاي مقتطفات من المكان بس للاسف ما صورت فالمحل
النافورة اول ما تدخلون
داخل المزرعة
و هني بعد كان مشتل للزهور
وصلنا عند التلفريك
و ركبنا التلفريك و المطر كان صبيييب من الخاطر و الهوا باااارد يعني صدق رووووعة من الخاطر
و هذي مقتطفات صورتها و انا فالتلفريك
شوفوا المطر
و الغيم
و الشلال
و هني قربنا نوصل شوفوا الغيم كيف مغطي الفنادق
اول ما نزلنا من التلفريك و دخلنا شوي داخل حصلت محل الكوكيز الرهييييب الكوكيز عندهم فرش و لذييييذ من الخاطر و شي فرع فدبي فالفستفال
عجييييب
عذبتني هالنافوووورة
هذي صور للملاهي 
للاسف كنا رايحين نبا نلعب بس عشان المطر مسكرين كل الالعاب و رجعنا بخفي حنين ما سوينا شي لكن استمتعنا بالجو البارد و المطرررر..و احس هالمنطقة يكفيها يوم واحد يعني تروحون و ترجعون في نفس اليوم لانه مافيها شي غير الملاهي لكن جوها يخببببل
و لانه ما قدرنا نلعب و مافي شي نسويه هناك قعدنا فالكوفي شوب شوي و عقب رجعنا تحت و هاي صور ثانية من التلفريك فالردة..و كان الجو أبرد و المطر اكثر
و هني وصلنا لمحطة النزول و شوفوا الغيم كيف نازل
و هني المقبلات
هالشي كان لذيذ بس عقب ما طلعنا البصل منه خخخ
اوردر اماية
و البيزا..بالعافية علينا
شوفوا هني صور الغيم الاسود تقريبا هالصورة من يومين و في نفس الليلة نزل مطر بشكل مب طبيعي طول الليل لين الصبح و برق و رعد و هوا لدرجة اني قمت من النوم على صوت المطر ماشاءالله
و في هاليوم رحنا تغدينا في هالمطعم التركي اللي شفته في تقرير لولو بحر مكنون و مدحته و الصراحة أكله لذييييذ
هذي المقبلات..حبيت الخبز
ما حبيت هالشي ابدا على اساس انه سبايسي بس لا طلع سبايسي ولا هم يحزنون كأنه صلصة طماط خخخخخ
السلطة
المين دش
و هذا طلبي كان لذيييييييييذ من الخاطر عبارة عن كباب داخل خبز و معاه صوص
و بالعافية علينا
و هذي مقتطفات من الغابة
شوفوا الشلال شكله يجنن سبحان الله
و هالصور و نحن طالعين من الغابة
خخخخ شوفوا القرووود قاعدين فوق الشيرة يتسلون
و بعد ما خلصنا مرينا على حديقة الفراشات و هاي مقتطفات منها..و هالحديقة فيها حشرات ثانية و سلاحف و سحالي مب بس فراشات
هو شكله حلو لكن الطعم عادي مش وااااو المهم يمشي الحال خخخخ
و ان شاء الله ما اكون طولت عليكم و يكون تقريري شامل و وافي لرحلتي البسيطة و اذا صورت اي شي اليوم او باجر قبل ما أسافر اكيد بنزله لكم
و أرجوا ذكر المصدر عند النقل
و شكرا على متابعتكم 
ماشاء الله ولا قوة الا بالله
تصوير روووعة تسلم يديك
استمتعت كثير بصور وكل الاماكن انا زايرتهم وفعلا رووعة
يالله ذكرتني بمشيتي انا مشيت
قعت هنيك شهر الله الله ماليزيا رووعة
وقلتي حق المعبد هو معبد هندي وهل الثمثال الي في الصورة
كله منن ذهب والمدرج الدرج اعتقد 1000 درجه وفي بداخل كهف
الله يهنيكم بسفرتكم فعلا بلاد روووعة مره
تستاهلين تقييم ,,, بارك الله فيك
في امان الله