كيف الحال؟
راح اقول لكم عن شي صار لي امس و فرحت كثيييييييييير كثيييير
امس عزمت اهلي كلهم على وجبة غداء في بيتي و هذي اول مره تصير عندي
عزيمه كبيره
و انا ليلة الجمعه عملت الحلويات و الكعكات وجهزت امور الحلى و اغراض القهوه و الشاي
يوم الجمعه هو يوم العزيمه نزلت بيت اهل زوجي وطبعا تعرفون شنو تعب العزايم و الهلاك لكن الحمدلله ام زوجي ماقصرت معي ابدا ابد
طبخت الصالونه و قطعت معي السلطه و ابو زوجي ماقصر هو الثاني راح وذبح الذبيحه و اخذها
للمطبخ ( احد المطاعم) و طلب منهم يطبخونها و اتصل ابو زوجي شنو ناقص و شنو احتاج
رفض ان العزيمه تكون على حساب زوجي (قال اهل زوجتك اول مره يشرفونا با البيت وراح تكون مصاريف العزيمه عليي)
خلصنا الشغل ورحت لشقتي و جلست اطبخ الرز و اللحم حق جداتي الله يحفظهم لأنهم ياكلو اكلهم بدون ملح
خلصت الطبخ و نظفت المطبخ و جهزت نفسي
الساعه2 اهلي و صلو ماتتخيلو يبنات اشلون كانت فرحتي و قت الي دخلت غرفة النساء و شفتها مليانه و كلهم اهلي اهل زوجي مابعد يوصلو اشوي وتنزل دموعي (بس مسكت روحي)
وفرحت اكثر و قت الي رحت المجلس و شفت عمامي و اخواني و ابوي كلهم موجودين
حسيت ان مكانتي علت و ارتفعت و زادت ثقتي في نفسي و قدام اهل زوجي خصوصا ان عمامي
و عماتي نزلو من الدمام يوم العزيمه بس علشاني:21_207:
اشوي ويوصلو جداتي يابنات و الله ماتوقعت ان جداتي ثنتينهم بيجون لأن وحده منهم مريضه و لها سنتين ماطلعت من البيت و علشاني جت امس:21_207:
وخالاتي وصلو ونفس الشي ماتوقعت ان كل خالاتي راح يجون و الحمد الله جو و دخلو الفرحه في قلبي بشوفتهم و يقولون حق اهل زوجي لو ما مكانت فلانه عندنا ماجينا ( في ها اللحظه ودي ضميت خالاتي و صحت)
و و الحمدلله تغدوا و كانت الجلسه من احلى مايكون وطلعو من عندي الساعه اربع و نصف و هم مسرورين و فرحانين ويشكروني و يقبلوني
تدرو يابنات ليش كل اهلي حضرو عزيمتي
مع ان جدتي مريضه و خالاتي تعبانين
اقول
تبغو تعرفو ليش؟
نزلو بعد!!!!!!!!!
لأني يا بنات حنووووووووووووونه عليهم
قبل زواجي كنت بين فتره و فتره ازورهم و اشوفهم و اسلم عليهم و اسولف معهم
وبعد زواجي( مع اني اخذت بس 6 شهور من زواجي)و كل مره اذا نزلت بيت اهلي احااااول امر عليهم و اسلم و اقول لهم اني مشتاقه لهم
و اذا كان عندهم ظرف سعيد او حزين اعاونهم و اساعدهم في كل شي من طبخ الى تنظيف الى الى الى…………..
وها الامر هذا خلاني عزيزه عندهم ومكااااااااانتي عاليه في قلوبهم
و البارح جلست افكر في ها الشي وجلست ابكي كثيييير وحزينه
اقول في نفسي اهلي لأنهم يعزوني جو عزيمتي مع كل ظروفهم
اذا الله بكره اخذ امانته و متت وش راح يكون فيهم؟
بكره كم قلب بيحزن عليي؟ وكم بيستمر ها الحزن عليي؟
راح يفقدوني و يذكروني في كل ظرف يمر عليهم و يمتنون اكون معهم
وبعدها حاسبت نفسي و قلت ليش انا كذا؟
و عذراا للإطاله
بعد قلبي
جعل فرحتك دااايمة .. والله يخليهم لك كلهم بدون إستثنااء والله فرحت لك كأني معاكم
وإن شاء الله يدخلون عليك لأجبتي الولد الصالح
وطيبة القلب نعمة الله يبارك لج
و الله يديم عليج هالساعده يارب
ويديم عليج محبة اهلج و اهل زوجج و محبة زوجج بعد
انتي مثلج نادر هالاليام …
عسى الله يخليج لاهلج ويخليهم لج
وان شاء الله تكون هالفرحه دايمه
يمكن انا طيبه و مثل ماقالت احد الاخوات ان الطيبه نعمه من رب العالمين
لكن الطيبه ها الايام ينلعب عليها بسرعه
و بصرااااحه يبنات انا حاولت بعد زواجي اغير من الطيبه الي فيني خصوصا ان زوجي طيب كثييييير
بس ماقدرت و على قولت المثل من شب على شي شاب عليه
و الي خلاني افكر اني اغير من طبعي اشوي اني اذا انا وزوجي طيبين الناس ماراح ترحمنا خصوصا في ها الزمن
و دائما اقول لزوجي اني راح اغير من تصرفي مع الناس لكن بس كلام لسان بدون فعل
و ام زوجي دائما تقول لي انتبهي من فلانه او تخص الناس جميعا
و انا يا بنتي ما احذرك من الناس الا لأنك طيبه و اخاف عليك منهم
انا يابنات ما ابغى امدح و افتخر يمكم بس الي ابغاه
انكم تدعولي ان الله يكشف و يبعد الناس الي تبغى تاخذني بسياسه في كلامهم
لأني ما اعرف حق ها الناس و اتكلم عادي لأني اعتبرهم مثل اخواتي
عيشى ايامك وتوكلى على الله ..من توكل على الله كفاه
قال تعالى : { الذين قال لهم الناس إنَّ الناس قد جمعوا لكم فاخشوهم . فزادهم إيماناً وقالوا حسبنا الله ونعم الوكيل . فانقلبوا بنعمة من الله وفضل لم يمسسهم سوء واتبعوا رضوان الله }
فأكثرى من قولها يكفيكِ الله شرهم ويكفيكِ ما أهمك وسبب لكِ الهم
رزقكم الله سعادة الدارين
الله لايفرقكم ويتم عليكم الصحة والعافية