اتمنى تكون كل العرايس بخير وصحة (f)
بعد غياب كام يوم قلت ارجع بديزاين جديد >>> مجنونة الوان ورسم ههههههههه 
وحبيت اغير شوية ونخلي المره دي ديزاين رسمي لعروسة وهو بيعتمد كله عالمانيكيرات الجليتر والحلو فيه انه شيك وكيوت بعيد عن التعقيد
الموضوع جهد شخصيييييي ولا أحلل اي حد يقوم بنقله الا بذكر اسمي واسم الموقع
شكل ديزاين The Princess
طبعا ياعرايس الالوان مش ثابته يعني هي حسب الفستان وستايل الميك اب ( يارب نشوف كل البنات عرايس عن قريب امين امين )
نبدأ بسم الله
الادوات المطلوبة
زي ما قلت يابنات كل المانيكيرات المستخدمة فيها لمعة كريستالي عشان تدي شاين و تألق للايد
1- بيس مانيكير
2- مانيكير ابيض
3- مانيكير وردي او اي لون تاني بلمعه كريستالي ( افضل من الجليتر شيك اكتر و لمعته بتضوي في النور )
4- مانيكير ابيض بلمعة كريستالي
5- فصوص كريستال او جليتر بودر
6- اعواد اسنان
الخطوات
هنحط البيس كوت عالضوافر كلها ونسيبه ينشف
هنستخدم المانيكير الابيض على كامل الضوافر ونعمله طبقتين عشان تكون النتيجة تغطيه قوية مش شفافة
هنحط بعدين الابيض الكريستالي وعايزاكم يابنات تصبرووو عشان كل طبقة تنشف مظبوط وعلى مهملها ( معلش الابيض الكريستالي مش واضح في الصورة )
باللون الوردي هنرسم خط مايل من الاتجاه الخارجي للايد مرورا للداخل بالشكل مايل زي الصورة
الخطوة الجاية ان شاءالله بعد ما بنكون متاكدين تماما ان المانيكير نشف وطبعا معروف المانيكيرات اللي فيها لمعه كريستالي او جليتر بتاخد وقت اطول عشان كده انبه عليكم اصبرو عشان النتيجة تكون مرضية في الاخر
باعواد الاسنان هنقص واحد منهم للمنتصف عشان يكون وصلنا لاكتر سمك ممكن ونبدأ في رسم 5 نقط متقاربين من بعض وممكن عشان مش نتلخبط نرسم الاول نقطه بالوسط ونرسم حواليها 5 نقط عادي كده كده المنتصف مش هنحتاجة
انا لان محتاجة المانيكير ينشف شوية سيبت النقط ال 5 وانتقلت للخطوة الجاية وهي ان عملت نقط بمحازاه الخط المايل بالشكل دا
هنا هنرجع تاني لل 5 نقط هنجيب عود من اعواد الاسنان ونقص جزء صغير منه ونغمسه بالمانيكير الابيض ونعمل نقط تانيه جوا النقط الوردي الكبيرة بس نحاول نخليها صغيره وفي الوسط زي الشكل ولاحظو يابنات انا لما جيت عملت النقط الوردي سيبتها شوية عشان لو حطينا الابيض عليها مباشرة الالوان هتندمج فا نسيبها 5 ثواني تنشف شوية ونبدأ نحط النقط الابيض
بعود الاسنان هنخليه زي ماهو بدون ما نقص منه حاجة هنحطه بالنقطه الابيضه ونسحبه لمنتصف الورده وهكذا مع كل النقط الابيضة نحط العود بشكل عمودي ونسحب للمنتصف هيتكون عندنا شكل ورده بارزة وكاملة والكمال لله وحده
اخر خطوة هنحط فص كريستال بالمنتصف او جليتر فضي ودي بتكون النتيجة وشكل البرنسيس ديزاين
تم بحمد الله
ان شالله يكون الديزاين نال رضاكم وانتظروني في تطبيقات تانية جديدة وعقبال ما نفرح بكل البنات عن قريب امين
وانبه مره تانيه موضوعي مجهووووود شخصييييي لا احلل بنقله لاي موقع او منتدى بدون ذكر اسمي واسم الموقع
لو عجبكم موضوعي المتواضع ادعولي ربنا ييسر حالي ويرزقني بالزوج الصالح عاجل غير اجل
ودمتم بخير :oF
:
جنان
اني مالي بهالسوالف
بس صار خاطري اسوي
ابدعتين
مشكوره ويعطيكى العافيه
روووووووووووووووعه
جننتينا خلاص بالالوان والديزاينز اللي تجنن دي ههههههههههه
تسلم ايدك بجد (f)
ماشاء الله تحفه تحفه بجد الالوان كمان تهبل
/
::
ما شاء الله
حدج مبدعه
الله يوفقج
/
::
ربنا ييسرلك كل أمورك ويرزقك الزوج الصالح عاجلا