متى اشربه الماي؟؟؟؟؟؟ وشو الحليب البديل لنان 1

السلام عليكم ورحمة الله وبركاته

اخواتي متى المفروض اعطي لولدي ماي انا احيانا اسمع مب زين لهم واحيانا اسمع ضروري اعطيه

هو عمره شهرين واسبوع وانا ارضعه طبيعي بس اعطيه غرشة وحده صناعي باليوم عشان يتعود عليها لما اداوم

وثاني سؤال حليب نان صار ما يوصل عندنا بالسوق وهو حليب ناسب معدته بس للاسف الحين غير متوفر عندنا

فشو الحليب الي ممكن استخدمه له غير نان

جربت له سيميلاك بس سبب له امساك فضيع فما حابه ارجع له

وفيه سؤال منحرجة منه

كم العدد الطبيعي لإخراج الفضلات للطفل يعني كم مره باليوم ممكن اعتبرها طبيعي

يعني 4 مرات بالبيت طبيعي؟؟؟؟؟؟؟؟؟

حبيبتي الماي ضروووري وماعليج من الدكاتره بلعكس على الاقل عطيه مره وحده فليوم كا انا عطيت ولدي وماشاءالله ماصاده شي هذا ماي مو سمممم

وشوفي بديل للحليب جربي بيبيلاك بعد خفيف وحلو انا استخدمته لولدي

وعن الخروج عادي حبيبتي 4 مرات بليوم بس شوو لون الخروج؟؟ اذا اصفر عادي بس يقولون اذا مايل على الاخضر والاسود يعني البيبي صايده برد ومتمرض بس ساعات انتي تعطيني البيبي يشرب اشياء ويطلع الخروج بلضبط مثل لون الي تعطينه انا كنت افوح له اعشاب وكان لونها بني غامق وقان يصير خروج ولدي بني لون الاعشاب بلضبط

لازم تشربيه ماء في اليوم لو عندكم الجو حار … وممكن تغيري الحليب جربي S 26 …
اربع مرات في اليوم اخراج فضلات !!!… لا ممكن مرتين او مرة … وزي ما قالت لك ام حمود يعتمد على لون البراز … اذا اصفر او اصفر غامق عادي …

الماي من الولادة ضروري
وانا سمعت اذا الطفل يشرب حليب من صدر الام ماله داعي للماء
بس احنا الجو عندنا حار والجسم يحتاج وعلى كلام الوالده تنشف عروق الياهل فلازم نعطيه ماي
للعلم ان بنتي عمرها الحين 4 شهور مو متقبله الماي نهائيا ولكن احاول اعطيها حتى لو بطرف الملعقه قليلا

دمتم سالمين
اختكم شريفة

عمره شهرين عطيه شويه بالملعقه ماي ملعقه ملعقتين مب مشكله بين كل رضعه انا كنت اعطي ولدي ماي لانه فيه جفاف حتى شفايفه جافه يقولج الحليب الصناعي لا يروي ظمأ الطفل ابدا بس الماي لازم يكون مغلي ومبرد مب ماي عادي وقريت في كتاب انه ممكن من الشهر الرابع اتحطين الماي في مرضعه وتعطينه كل ما احتاجله …

والسموحه

صحيح اختي شنهو الضرر اللي يجيبه الماي

الدكاترة مرات يخرفون واجد يعني تصوري نفسج انتي

تشربين كوب حليب وتظلين فترة شوفي شلون بتعطشين

وحنا عندنا بالخليج كله الجو حااااااار فحرام يظل الياهل هالفترة بدون ماي

وسبحان الله (( وخلقنا من الماء كل شيءٍ حي )) صدق الله العلي العظيم

أما بالنسبة لعدد مرات الخروج فهذي على حسب طبيعة الطفل

مرات أطفال ياحلوهم ما يسوونها مرة وحدة كل شوي نتفه هههههههههههه

وانا سألت مرة الدكتور قال لي دامه مو اسهال الله يعزكم فلحد ست مرات في اليوم عاادي

بالذات بداية عمر الطفل لين يكبر شوي شوي تقل عدد مرات التبرز

تسلمون حبيباتي يعني الكل تقريبا اجمع على شرب الماء

بس ما قلتولي شو انواع الحليب غير سيميلاك ونان وبيبيلك سمعت انه كويس بس بعد ممنوع يدخل اسواقنا ما ادري ليش خخخخخخخخخخخخ شكلهم يبغونا نرضع عيالنا طبيعي انواع الحليب الزينة مو متوفرة

وشكرا ما قصرتو بسرعه رديتو على استفساري

مرحبا اختي……….انا بنتي عطيتها بيبلاك من وهي في الاربعين اللحين ما شاء الله كملت سنه ……..انا سمعت بعد مو متوفر اللحين نان1 وهقوا الناس ….ان شاااء الله تحصلين له حليب يناسبه ومتوفر عندكم بعد وبالنسبه لخروج الاطفال هذى طبيعي

انا استخدم حق بنتي ميلوبا كمفورت بس قبل كنت أستخدم لها نان 1 ولما غيرته ما تغير عليها طعم

على فكرة الدكتور قالي أن نان لوحده إذا ما تعطين رضاعة طبيعية مو كافي عشان جذي غيرلي الحليب

تسلممممممين حبيبتي احنا عندي الي يعطو عيالهم بيبيلك يطرشون من الامارات ما ادري ليش منعوه عندنا

والحين نان سمعت رجع للسوق

يلا ها الشركات خلونا تحت رحمتهم