كيفكم اخواتي ان شاء الله تمام
اخواتي متى العمر المناسب ان الوحده تسافر ويا البيبي
وكم المسافة الي ممكن يتحملها الطفل
بالنسبة للاكل وكل شي بحيث انه ما تتضايق بالسفر
يتحركو او ياخدهم ابوهم
لكن هو يعتمد على الام وتحملها وعلى البيبي اذا كان صيوح او هادي والسفر معاهم بالطائره اريح
علشان التغير والرضاعه اذا كانت طبيعي ويعتمد على البلد الي بتزوريها مثل سوريا قبل لا يكمل
الطفل سته شهور ما تكون منا عته قويه
زوجة اخوي سافرت مع بنتها وكان عمرها اربعين يوم بس وكنا معاهم واحس عادي ما تعبت
امها واجد كله في العربه
انشاء الله الاخوات يفيدوك بتجاربهم
متابعة معاش ، تعرفي هو الأهم أحس إن البيبي ما يكون صياح بكذا ترتاحي في كل شي ، وما أعتقد المسافة لها تأثير في التحمل بس هم يوصوا إن الطفل لما تقلع الطيارة أو تنزل ضروري الطفل جالس يرضع عشان أذونه ما تتأثر والله أعلم ..
نشوف أراء الأخوات .
سافرت اول مرة معاه وهو له ست شهور الأرد، وكان علينا عز البرد ودرجةالحرارة 2 بس الحمدلله لا تعبت معاه ولا شي وبعد اهلي كانوا معاي كانوا مساعديني، نخليه مع امي وابوي ونطلع أنا وزجي بالليل.. لاتعبت بحركة او شي،، بس الشي الوحيد انه ماكان متعود على الخضرة الجاهزة، كان متعود على أكل البيت فماكان يرغب به..
بعمر السنة خذيته الإمارات كان توه يادوب يمشي بهدلني مايبي يقعد بالطيارة.. وكنت قبلها بكم اسبوع رايحة ماليزيا مع زوجي وكان باقي له اسبوعين ويخلص السنة وماخذيه ، حمدت ربي لأن المسافة بعيدة والأكل غير وتنقلات من مكان للثاني يعني مايصلح للطفل…
بعدين خذيته كم سفره ماتعبت معاه وهو بعمر السنتين..
يوم كمل الثلاث سنوات سافرنا الصيف اللي فات تركيا بهدلني من عناده، الا مايبي يلبس ذي، او وقفوا عند محل وآخر مرة خذيته قبل شهرين الإمارات بهدلني من العناد، كل ماندخل محل قال اشتري لي…
فالخلاصة كل ماكان الطفل صغير الواحد يقدر يتحكم فيه.. او ننتظر لين مايدخلون المدرسة يمكن بعدين السفر أسهل معهم..
أهم شي كل أغراضك معاك،، ويكون الطفل متعود على الجلوس بالعربة هذا أهم شي…
بس اختي سافرت مع طفلها لما كان عمره 8 اشهر وقالت هاي انسب فترة بس متعبة شوية لان لازم تراعين اوقات اكله ونوعية الي تقدمين لها يعنى ماكل شي يناسب له وغير هاي انك تاخذين كافة احتياطاتك للبيبي من حليب والبامبرز لانج يمكن ماتحصلين نفسهوتاخذين ملابس دافيه وشتوية او صيفية على حسب البلد
اما المسافة فعادي ماتاثر اهم شي وقت الاقلاع والهبوط تاخلين الطفل يرضع او يمص المصاصة ..واطلبي سرير البيبي اذا كانت مسافة طويلة بتشوفينه راح في سابع نومة
بس اللحين عادي ….
وسافرت مع البنوته بعمر الـ 9 شهور وبالسيارات والحمد لله توفقت معاهااا وماتعبتني
أهم شي تاخذين كل الاحتياطات والافظل يكون حد قريب لج يساعدك عالطفل
وبالتوفيق