مجد . فديتك ابيك تفيديني بكريمات العناية للبشرة واتمني الكل يدخل تفضلي حياكم 2024.

اختكم
لهفة الخاطر

وعليكم السلام ورحمة الله وبركاته ,,

اقتباس

	الله يسعد ايامك ويحقق كل اللي تتمنينة يارب

آمين آمين آمين يا رب العالمين ,

جزاج الله خير على هالدعوة الطيبة والله يجزاج مثلها يا رب ,

بالنسبة لأسئلتج ,, أقول

إن فيه كثير ماركات حلوة للبشرة الحساسة ,

ولما نقول للبشرة الحساسة معناته إن لازم تكون الماركة أو المنتجات على الأقل اللي نستخدنها

خالية من العطور أو المواد الكحولية وخصوصاً في التونيك والمواد الكيماوية القوية ,

لذلك أنصحج بخمس أو خلينا نقول ست ماركات , هذيلا اللي جربت بعض منتجاتهم ومرتاحة

عليهم ولله الحمد ,,

عندج أول ماركة , سيسلي , صحيح غالية بس تستاهل والله , خصوصاً وإن معظم

مكوناتها بالأعضاب الطبية وخالية من العطور والمواد الكيماوية القوية ,

عندج بعد كانيبو , حيل حلوة وارتحت عليها الحمد لله ,

كلارنس حيل حلوة والحلووو فيها المنظفات والغسول بالأعشاب , وكريماتهم حلوة بعد ,,

كلينك , طبية وخالية من العطور والحلو فيها إن أسعارها حلوة وتناسب جميع الميزانيات ,

لويس ودمر هذه ماركة سويسرية , تلاقينها في الصيدليات , بس ما أدري إذا موجود لاين

البشرة كامل وإلا لا , وأنا أقصد بلاين البشرة من غسول وتونيك ومرطب للبشرة ومقشر

في هالماركة تلاقين المرطبات والديودرنت للعرق وكريم العين بس ما أدري عن التونيك

والمقشر والقناع ,

وعندج بعد سيبا ميد هذه حيل حلوة والأحلى فيها إن أسعارها حيل رخيصة وطبية

ومتوفرة بكل مكان , لكن للأسف ما تلاقين فيها المقشر والماسك , ممكن تلاقين الغسول

والمرطب لكن ما تلاقين كل المنتجات اللي تحتاجينها للبشرة ,

باختصار , أنصحج

بـ كلينك , وأنصحج يكون عندج :

غسول يومي للبشرة الحساسة ,

تونيك ,,

مرطب ,, طبعاً هالمرطب فيه منه نوعين كريمي للبشرة الجافة ,, وخفيف للبشرة المختلطة

والدهنية ,, اختاري اللي يناسب بشرتج ,

مقشر ,, وعند كلينك مقشر حيل حلو ,, اسمه :

7 Day Scrub Cream
Rinse-Off Formula

بالنسبة للماسكات , أنصحج تستخدمين ماسكات طبيعية أفضل لبشرتج دام إنها حساسة

مثل ماسك الخيار حيل حلو ومهدئ للبشرة الحساسة ,

عندج ماسك العسل روعة , ويعتبر مرمم للبشرة وخصوصاً البشرة اللي تتعرض للشمس ,

عندج ماسك الزبادي , منظف وملطف للبشرة ,

عندج ماسك الموز + الحليب الطبيعي مو البودرة , فائدته يقاوم التجاعيد ويشد البشرة ,

وغيره وغيره من الماسكات الطبيعية اللي أنصحج فيها وأنصحج كل أخت تحب تحافظ

على بشرتها ,,

توني أنتبه لتاريخ الموضوع ,

فاعذريني أختي ,, ترى لو لا رسالتج جان ما انتبهت ,

فالعذر والسموحة ,,

وأي سؤال عندج لا تترددين أبد ,,