مجلس عرايس البحرين الجمالي ^_^ الجزء نمبر 3 2024.

اقتباس

المشاركة الأساسية كتبها Ms.Harrods

	ثنكيوو انا الشوق على افتتاح الجزء الثالث كأني قريت في الجزء القبلي انج رايحه حق دكتوره جيهان بشاره ؟ انه استخدمت acne derm وااايد حلو ومايجفف الويه كتبته لي دكتوره نضال مع مضاد حيوي والي ياب النتيجه اكثر هو المضاد الحيوي والحين افكر ارجع استخدمه اذا رحتي لها هالمره ماعليج امر جيكي لي اذا عندها تقشير حق البشره او اي نوع من انواع التريتمنت حق الويه بنااااات الي مجربه تسوي تقشير عند اي دكتور تقول لنا تجربتها حتى لو تقشير بالكريستال او اي شي يديد ضروري بنات الله يعافيكم

ايه أنا وايد عاجبني الغسول لأنه مايجفف الويه كلش، لطيف على البشره
ورحت لها ذاك الاسبوع أظن ماتذكر خخخخخ وكنت مجهزة لها لسته شطولها أبي اسألها عن أحسن أنواع سكراب وماسك وواقي شمس ومادري شنو وايد أشيا
أول ماسألتها عن السكراب قالت لي لا لا لا لا تسوين أي شي ولا تروحين لأي صالون،، اذا تبين احنا هني نسوي لج تقشير ويصفي البشره ويسكر المسامات
قلت لها انزين مثلا ابي كريم مرطب او واقي شمس فقالت لي حاليا وقت العلاج لا تستخدمين شي عشان مايأثر على العلاج ويطلع حبوب وجذي
وووو المضاد الحيوي كتبت لي واحد اسمه فيبراميسين واستخدمته لمدة اسبوعين فقط

في زيارتي الاخيره وصفت لي رتن اي استخدمه في الليل وأواصل على كريم سكينورين مره وحده في اليوم والغسول سألتني اذا مرتاحه له قلت لها ايه فماغيرته والدالاسين تي قالت لي وقت الحاجه فقلت بستخدمه على المزاج
والحين ويهي صاير صج مبقع بس احس الحبوب خفوا وانا عندي بقع ولا حبوب تعور

اقتباس

المشاركة الأساسية كتبها العيون النواعس

	مبرووووووووووووووووووووووكن بنات ديرتي اكككككككككككككشخ يالجزء الثالث مممممممممممممممممم انا اخر جزء نزلت سؤال بس مايندرى جنه محد جاوب المهم فديتكم ابي اعرف نوع تشقير للحواجب زين وشنو اسمه رجاءا وماتقصرون

امممممم أنا جربت جولين وماعجبني
وجربت مره واحد اسمه FEM وحسيته حلو وهو صناعه هنديه وتلاقينه في السوبرماركت بخمس ربيات أظن خخخخخ
وفي صيدلية بوتس في الستي بعد عندهم تشقير سمعت بنات يمدحونه بس انا مادري به
وووآخر مره خذت تشقير نسيت شسمه وللحين ماستعملته
وانا اذا ابي اشقر اروح الصالون بس أخلي لي واحد في البيت حق الاحتياط ولين اتكيسل

اقتباس

المشاركة الأساسية كتبها بنت دلوعه شويه

	هلا بنات اني حبيت استشيركم في بعض الامورة لاني حابه اسوي هجوم على نفسي وأتخلص من كل مشكلة فيني وحابه تساعدوني لاني معتبرتنكم خواتي يعني تنصحوني بكريم او خلطة او حتى نصيحه او دعوة من قلبكم : الوجه :اني الحمدالله وجهي ما في حبوب وبشرتي حنطاويه ومختلطة بس عندي مشكلة كل منطقة لون اخدودي لون و جبهتي لون جدي وعندي هالات تحت عيني استخدم كريم نيفيا لترطيب الجسم : جسمي بعد مو موحد وعندي مشكلتين 1. ظهري في حبوب 2. وعندي سولوليت في الارداف وابي نوع مقشر وكريم مرطب ممتاز عندي المنطقة الحساسة دمار شامل الشعر : شعري جاف ومتقصف ومدرج ودائما متجه الى الاعلى ضد الجاذبية احس شعري دمار ابكم تنصحوني بكريم وشامبو وزيت بنات اتمنى تساعدوني

حق ويهج وتوحيد لون الجسم والحبوب تروحين حق دكتور جلديه أفضل
لأن هاذي مب مشاكل عوده فبيعطونج لوشن للجسم حق توحيد اللون، وشي حق الويه وشي حق الحبوب
اممم اذا تبين انتي بروحج تجربين،، عندج للجسم لوشن ألفا بلس يمدحونه للتفتيح والدكاتره نفسهم يوصفونه وتلاقينه في الصيدليات وسعره 14 دينار أعتقد او أكثر يمكن
وفي بعد منه كريم للويه بس ماعرف أحد جربه
عندج أفالون كريم حق تبييض الويه والمنطقه الحساسه بعد، وتلاقينه في الصيدليه بدينارين كأن
حبوب الظهر دالاسين تي وهو صاير محلول يجفف الحبوب ويبيعونه بدينار ونص أعتقد
او في محلول بعد ينباع في الصيدليات والسوبرماركتات وهو صناعة فلبينيه أعتقد اسمه ديرمابلس لو شي جذي وتلاقينه بأقل من دينار،، تحطين منه شوي في قطنه وتمسحين على المنطقه
وهو ايي درجات 1 و 2و 3و 4 على حسب القوه
السيلولايت ماله علاج كلش والكريمات كلها كلام فاضي بس ممكن تحسن شي قلييييييل، اذا تبين تتخلصين منه يبي لج جلسات ميزوثيرابي اللي هي ابر او LPG يعني لازم تدخل طبي وأجهزه وهالسوالف

اقتباس

المشاركة الأساسية كتبها بحرينيه كيوته3

	مبروك عليكم افتتاح هالجزء + عندي مجموعة اسئلة : 1- شنو طريقة استخدام حمام الزيت للشعر +شنو افضل حمامات زيت (يعني كلشي عن حمامات الزيت) ؟ 2-شنو اهي افضل مجموعات للعناية بالشعر (شامبو,بلسم,كريم,سيروم,الخ)؟ 3-كم عدد المرات اللي يفضل انج تغسلين شعرج فيها في الاسبوع؟؟! مع العلم ان شعري عادي مموج وطوله متوسط . هاي الاسئلة اللي في بالي احين :$ سلااااام….

صار خاطري أنزل موضوع عن الشعر

اقتباس

المشاركة الأساسية كتبها هذيان

	عندي اثار حب من حفاف الوجه خفيفه كلش بس مو عاجبني شكلها شنو استخدم حق تختفي؟