مرحبا
الكل يحط عطوره قلت خلني احط عطوري خخخ خاصة ان هالفترة كل طلعاتي لمحلات عطور و ابو الشباب تملل لان كل مرة اشتري مجموعة لازم اتذمر
المهم .. اللي اكتشفته ان معظم الماركات العالمية و اللي يتكلمون عنها البنات ريحة العطور مالها ما تظل و مو ثابتة و في بعضها ما تكون ريحتها مميزة .. يعني في ناس كانت تمدح كوكو شانيل بس لما رحت جيكته ما شفته يستاهل كل هالضجة و مثل الشي مس ديور ! يعني هو صج ثابت بس مو مميزة ريحته
عموما يعني العطر المميز مو محتاج حق ماركة و لا حق سعر غالي , و معظم العطور اللي شريتها و كان سعرها ثلاثين و اربعين دينار ما كانت تسوى حتى ثلاثة دينار !
راح اعرض بعض من عطوري اللي استخدمها حق الجامعة و الا حق البيت
.
.
و اعتذر لان حجم الصور كبييييييير و ما اعرف شلون اصغرهم فاذا حطيت الصور راح تخترب الصفحة ! فاتمنى من المشرفات العزيزات تعديل الحجم 😮
اول عطر من جنيد و هذاا استخدمه حق جسمي لان احس ريحته قريبة من الصابون يعني اللي يحبون ريحة النظافة ينفع لهم هذا العطر .. و عن تركيزه مدري لاني ما جربت مرة احطه على ثيابي !!
.
.
العطر الثاني اسمه النورس و هو من الرحاب و ما احب استخدمه وايد لان ريحته على فواكه و ما احب ريحة الفواكه بس ريحته مركزة و تثبت لمدة مو طويلة و مو قصيرة ..
.
.
العطر الثالث نينا و ما استخدمه على طول اكثر شي حق البيت رغم ان ريحته تبقى لفترة .
العطر الرابع اسمه لف و ريحته روووعة و سبق و حطيت عنه موضوع بصراحة هذا من العطور الحلوة اللي جربتها بس مع الاسف مدري من وين اقدر اخذه لان اللي اهدتني وياه مو راضية تعلمني ! 
.
.
العطر الخامس اسمه لف ستوري و هو عطر شبيه بديور اديكت طبعا اني ما شميت ريحة عطر ديور اديكت بس اللي تبيع العطور هي اللي قالت لي هالكلام و لما شميته عجبتني ريحته هادئة بس ما تظل لفترة طوويلة يعني ساعتين و الا ثلاث .. ينفع حق المشاوير القصيرة .
.
.
العطر السادس اسمه اول حب صاير وسط بين العربي و الفرنسي و اللي يعجبني فيه ريحته ثابتة و تظل لوقت طويل .. ينفع حق الدوام ..
العطر السابع اسمه رغبة و كنت احب استخدمه بس الحين مدري كرهته شوي .. لان ذوقي تغير و صار يميل للعطور الفرنسية اكثر .. هو عطر قوي و ثابت ..
العطر الثامن مو مذكرة اسمه بالضبط بس ريحته حلوة و هادئة و رومانسية , هو عطر شرقي و يبين من الغرشة بس ريحته صايرة حلوة .. بس ما تثبت .. يعني حلو تتعطرين فيه لما يزورج احد ..
.
العطر التاسع و الاخير عطر برايت كريستال و هو عطر خفيف و حلو ..
طبعا في عطر خذيته من المحرق وو كان جدا ً قوي اسمه فديتك , بس ما صورته لانه يجي في غرشة عادية كان من اقوى العطور العربية اللي جيكتها و ريحته مو امية بالمية عربي ..
و سعره رخيص بخمسة دينار بس ..
وتتهنين بالعطور ان شاء الله
وأنا معك في عطر هيا خياااااال نظافة صح
بغيت أسألك من وين عطر رغبه؟؟
يعطيك العافيه
مجموعه حلوة تتهنين فيها ان شاء الله !
أنا جربت عطر هياء من جنيد من فترة ريحتها نظافة وايد ناعمة ريحتها
يعطيج العافية على المشاركة الرائـــعة