سلام امهات .. شلونكم ؟ و عيالكم ؟
اليوم جا على بالي موضوع الملل عند الاطفال ! ، ولدي مسكين يمر تقريبا نص اليوم و هو في ملل ، يلعب شوي ، يشوف التلفزيون ، نلعب معاه انا و ابوه ، اقرأ له قصة .. ! لكن في النهاية اتعب او انشغل بقراءة كتاب او استخدم الكمبيوتر و هو يظل يدور بروحه ! و اشوف علامات الملل عليه ، احيانا اطلع معاه بالسيارة للسوبر ماركت و احيانا مالي مزاج اطلع بروحنا انا معاه !
المشكلة ان حتى اشغله وقت تعبي بالتلفزيون ، مسكين يظل يشوف الاناشيد و انا اتضايق من هالشي ، صار متعلق بالتلفزيون واجد ! ..
في الليل لازم نعوضه بطلعة لبيت ابوي مثلا او بيت عمي ( ابو زوجي ) او مجمع او مطعم على الظروف ..
لكن المشكلة !!!
الحين اذا هاجمنا البرد القارس ما بقدر اطلع معاه كل ليلة ، و ادري ان بيمر علينا روتين ممل و هذا شي يأثر على نفسية الطفل و الوالدين بعد !
الحين عرفتو المشكلة ، و المطلوب : الامهات يجون يقدمون اقتراحاتهم ؟
اذا ماقدرت اطلع معاه شلون اشغل وقتي معاه ؟ او هل يمكن انه نتعود عالبرد و نطلع عادي كل ليلة ؟
اتمنى التفاعل قبل سفري .. يوم الاربعاء .. بكرة !
أنثى !
صحيح بس يجي البرد يجي معه الملل و ما بنقدر نطلع مع أطفالنا كل يوم منخاف عليهم يمرضون من البرد و حتى لو طلعنا كل يوم راح يكون لازم مكان مغلق و أكثر شيء راح نروح بيت أهالينا أو بيت أهالي أزواجنا
أنا عن نفسي كل يوم طاقتنها بيت أهلي بنتي تلعب و تستانس مع خواتي أو نروح مجمع أو مطعم تعودنا على هذا الروتين … جربت مرررره قعدنا أنا وياها بالشقة ما رحنا محل خلاص تضايقت و صارت تبكي و تضرب نفسها من القهر و لما رجع أبوها ودينها الكورنيش و لعبناها بالألعاب ستانست … بس ما أعيدها و نقعد بالشقة لازم تغير جو كتكوتتي
فيا أمهات عروس أتمنى نلقى طرق نقضي بها على الملل أيام الشتاء و نستمتع نحن مع أطفالنا … أنا راح أتابع الموضوع معاكم و إذا خطر في بالي شيء لي رجعه
اشكرك عروسنا عالمرور الحلو !
فعلا الاطفال يكسرون الخاطر ، احنا الكبار على الاقل ينشغل وقتنا بأكثر من شي ..
بإنتظار الردود !
للرفــــع !
انا بالنسبة لي كنت اعااااني من هالموضوع وكل من سألت حد قالوا لي خاويها
وكنت اقول لالالا
وبعدين قاموا الحريم الكبار في عايلتنا يقولون لي ان اول طفلين حلاتهم ورى بعض يونسون بعض
والحين الحمدلله جبت الثاني
صج انه صغيرون بس بنتي طول الوقت معاااه وتطالعه وتلعبه
ارتحت وايد\
أحلى أم .. الله يبارك بعيالك ، و فعلا الاطفال يتونسون مع بعض ! .. حتى ولدي مسكين يحب يسمع اصوات اطفال ..
اذا اوقف معاه بالدريشة و يشوف اطفال يلعبون يحب يطالعهم و يضحك عليهم ! ..
الله يعطينا ان شاء الله !