طبعا بعد ما نجح الجزء الأول من محاربة مشتاقة للكرش
والحمدالله واايد بنات شجعوني وما راح اذكر اسماء لان اخاف انسى احد
وفعلا هالقروب اللي سويته كان شي وايد حلو بحياتي ونقطة تغير
لان عدلت جسمي لكن عيبي اني بعد ما حصلت الجسم المثالي
رجعت حليمة لعادتها القديمة وظليت اقنع روحي بس اليوم باكل جذي بس اليوم بخربط
للين ما رجعت بحاال اسوء من اللذي مضى لاول مرة يطلع لي كرش رسمي كأني حامل
فحبيت اني افتح لقروب مرة ثانية ونشجع بعض ونكتب يومياتنا كل يوم حق اللي تفوت
يوم تتعاقب عقاب عسيير
فخلونا كلنا نكون يد وحده ونشجع بعض على ان نضعف ونتخلص من هالكرش
ما راح اطول عليكم وشوفوا صور التمارين اللي راح نمشي عليها ابتداء من 7112010
تمرين المعدة
تمرين المعدة
هذا التمرين يا بنات مرة يتعب لكنه جدا مفيد لشد البطن
تمرين الأرداف
تمرين الخواصر
تمرين أسفل البطن والأفخاذ
ملاحظة :
إتبعوا هذه الخطوات وإن شاء الله إتخف الكرش:
ا1- لاتشرب الماء قبل الطعام أو بين الأكل أو بعده.. واشرب الماء بعد الطعام بنص ساعه وكلما بَعُدَ الوقت كلما كان أحسن..ا
ا2- الإبتعاد عن المشروبات الغازيه..ا
ا3- الإقلال من أكل الارز والأشياء الي تسبب الغازات..ا
ا4- المشي على الأقل نص ساعه في اليوم.. والاكثار في شرب الماء
يلا يا حلووات راوني تفاعلكم وخلونا نسويها كلنا جميع
بأنتظار يومياتكم..!
مع حبي
مشتاقة ليك
لازم احااارب هالركووووشه واقضي عليهاااااااااااااااااااااااااااااااااااااااااااااا اااااا :-#
اقتباس | المشاركة الأساسية كتبها توأم روح حبيبي |
الله حلووووووووووووووووووو بشترك معكم بلييييييييييييييييييييييييييييييييز
لازم احااارب هالركووووشه واقضي عليهاااااااااااااااااااااااااااااااااااااااااااااا اااااا :-#
|
||
حياج معاي
و بأنتظار يومياتج
أنا التمارين بسويها العصر يعني انتظرووني بيومياتي يا بنات:thumbs_up:
معاكم
بس وش راح يكون النظام بس تمارين ؟؟؟
اقتباس | المشاركة الأساسية كتبها مجنونة حمد |
معاكم
بس وش راح يكون النظام بس تمارين ؟؟؟ |
||
تمارين
وتخفيف من الأكل
وممنوع شرب المشروبات الغازية
وباقي الاشياء اللي نشربها حق تضعف بتختلف اكيد من وحده لوحده
انا عن نفسي بشرب الجاي الاخضر الصيني لان المرة الأولى وااايد فادني
رووعة احس بووناسة وبتعب شوي لان اول يووم لازم
واليوم ع الغدا حاولت اخفف
والبيبسي يا بنات صار لي حوالي شهر كارهته مدري ليش احس طعمه صاير بايخ
ما يستحق اني اخرب جسمي علشانه
ورحت اليوم ادور بالمطبخ شاي اخضر صيني اكتشفت انه خلص فبكره بروح عند الحواج وباخذ لي كمية لان واايد زين بنات يضعف
و أنتظرووني بيومياتي بكـره
شنو سويتي المرة الآولى و رآحت الكرشة ؟؟
اقتباس | المشاركة الأساسية كتبها نسيم المحبة ..~ |
اختي شنو سويتي المرة الآولى و رآحت الكرشة ؟؟ |
||
انتظمت على هالتمارين بس
وظليت كل يوم اشرب شاي اخضر حوالي 2 في اليوم
وقفت البيبسي
وخففت فاست فود
بسسس
يلا وينكم بنات محد يبي يشترك بالقروب؟!
من زمان ادور تمارين لاازالة البطن وان شاء الله بستمر معاك فيها بحول الله هالتمارين
بس تدرين الشاي الاخضر سويته اليوم ياربي ماقدرت اشربه نهائيا ابي اعرف اشلون طريقتك الي تسوينها بالشاي بالتفصيل حبيبتي
وهل فيه سكر ولا ! والحين بقوم اسوي التمارين مره سهله وعجبتني