السلام عليكم
شخباركم يا بنات
ابغي منكم تساعدوني
راح اسافر شهر العسل في شهر 5 لمدة اسبوعين
كنت ناوية نروح اوروبا او كروز في البحر الابيض المتوسط
بس طلعت الاسعار غالية وميزانيتنا ما تسمح هالفترة
فقررنا نغير المكان
بس محتارين وين نروح….ابغي مكان يصلح للعرايس وبنفس الوقت مو غالي واجد
خطيبي سافر تايلند وماليزيا وما يبغي يرد يروحهم لشهر العسل بس انه ما رحتهم من قبل
ويت تنصحوني اروح؟؟
وهل تنصحوني اني احاول اقنعه نروح تايلند وماليزيا لان اسعارها انسب؟؟
ومن تعرف عن جزر موريشيوس وجزر المالديف؟؟ شلون هالاماكن وشلون اسعارهم؟؟
روحو ماليزيا ( كوالالمبور ,,لنكاوي..جتينق)
المالديف حلوة بعد بس ماتنفع اسبوعين,,, حدها بالكثير 4 إلى 5 ايام
هالمكانين اسعارهم عادية مش غالية,,أنا رحتلهم
مشكورة اختي ماقصرتي
ويا ليت تخبريني عن جوهم في شهر 5؟؟ يعني هل يناسب نروحهم في هالشهر؟؟
وبانتظار ردود البنات
.اهلين فيك اختي مونيكا انا ما انصحك تروحين لماليزيا وتايلند مع انها حلوه عشان زوجك سبق وشافهم فما راح يستمتع مثلك لان مافيه شي جديد عليه فتصير الروحه كانها لك انتي بس ……….فعشان كذا احسن تروحين دوله كلكم ما شفتوها عشان تنبسطون اكثر وكل واحد يعلق على الشي الجديد اللي شافه وبكذا حتى السوالف تطلع اكثر………………..وبالنسبه لسؤالك تبغين دوله تصلح لشهر العسل +اسعار مناسب +مناسبة الجو لشهر 5 لكن ما وضحتي وش ميولكم اكثر شي في السفر عشان ودي افيدك اكثر يعني الطبيعه والهدوء ولا الشواطئ ولاكثرة الاماكن السياحيه ونشاط الحياه……….على العموم انا من وجهة نظري ان مقومات المكان المثالي للرومانسيه وقضاء شهر العسل ليس بكثرة الاماكن السياحيه وانما بهدوء المنطقه وتوافر المنتجعات الفخمه وحسن تعامل الشعب وكذلك توفر المطاعم الفخمه اللي تكون على البحر او في منطقه جبليه هادئه ساحره بطبيعتها وكل تلك المقومات متوفره
في افضل دول الاسترخاء والهدوء في العالم مثل جزر بالي الاندونيسيه حيث السكن يكون في ارقى الفلل على البحر المجهزه خصيصا للهوني مون من الشموع والورود المنسقه على مسبح الفيلا وغرفة النوم بالاضافه الى خادمه تاتي متى ماطلبيتها لعمل الفطور او المساج بالاضافه الى كثرة وجدود المطاعم الراقيه والمتنوعه حيث ان هذه الجزيره اقتصادها يقوم على السياحه بنسبة تقريبا 90% للذلك هي مهتمه في الجانب كثيرا (يعني ان شاء الله راح تبسطون وما تملون فيها ) وكذلك منطقة كيرلا في الهند نفس الشئ تقريبا وجنوب افريقيا (هذولا تقريبا افضل شي )وبعدين عندك سيشل وكذلك المالديف ومورشيوس لكن الاخيرتين ما انصحك فيهم صحيح فيها استرخاء وهدوء لكن ملل مافيه شي ثاني الا المنتجع والبحر وبس واسعارهم غاليه مو مثل الباقي ……………اتمنى لك شهر عسل حلو والله يوفقك ………وان شاء الله اكون افدتك ………واي سؤال انا حاضره حبيبتي ………ولا تنسين البحث في قوقل عن المناطق اللي ذكرتها عشان تكون لك الصوره اوضح ……………………………
مشكورة اختي على الرد والافادة
انا بصراحة ابغي تكون بداية السفر للراحة والاستجمام وممكن نهاية السفر نقضيها في النشاطات المتنوعة
قاعدة احاول اسوي بحث عن بالي وشوي اتحمست لها لان سمعت انها مب غالية
فياليت تفيديني اكثر عن هالموضوع اذا عندج خبرة يا اختي
وبانتظار باقي البنات
انا اعرف المالديف غاليه…في جزيرة اسمها بورا بورا قريبه من المكسيك بس رحلتها طوييييييييييييييييييييييله ومتعبه بس تستحق….ليش ماتجربو روسيا ترا مره حلوه واليونان حلوه كمان وسعرها متوسط الله يهنيكم
خيوو روحي جزر المالديف
للشهر عسل تصلح روووووووووعه من جدد
راحه وهدوء ورومانسيه واسترخاء تام
ادا بتحجزون كوخ قولوا اليهم الى شهر عسل شوفوا شنو بسوون لش في السرير حركات روعه
اندنيسيا يقلون حلوة
سريلانكا بعد يمدحونها
خل زوجج يرد لتايلند حلووه الجزر لشهر العسل
شهر العسل انصح ترحون اروبا وبس بعيد عن الحر ترى الحر يجيب الملل