ابي اخذ رايكم
طبعا معروف عني فيني هوووس للعطور العربيه والدخون والمخلطات والدهن العود
يعني كل ماهو جديد بعالم المخلطات يكون عندي فيني هوووس موطبيعي
المهم
اقترح علي شخص بما انه كل جم شهر ينزل الهند وعرف اني اروح الهند على فترات ان نفتح محل اهوو يورد لي المخلطات والعطور والدخون
عجبتني الفكره للامانه
علما اني اخر مره رحت فيها الهند شفت اشيه من المخلطات اللي تحد اليوف انه ياخذ واهو ساكت هههههه اتكلم عني لان صج مخلطاتهم رهيبه بمعنى الكلمه
فقالي بما ان عندج خبره بسوق الهند في هالاشيه ابيج شريكه وياي تخبريني وين القى ولارحتي اكون وياج هناك وناخذ الكميات اللي نبيها
غير هاي رفيجتي الغاليه العضوه رجاوي البحرين حبت تدش ويانه بس شلون على اساس ان اهي اتييي كل مخلطات يديده وغريبه من كووويت
وطبعا المحل غير المخلطات وهالسوالف
راح يكون فيه توازيع من هناك
وحنا هنديه
الخ
فشوووروا علي اجدم او لا
وشكثر اطلب نسبه لي
ماعرف حق هالاشيه فيدوني
طبعا ابوي مومساله ثقه
لان كلشي راح يكون رسمي وموثق بكافه حقوقي وحقوقه
واي حق راح ينذكر لي مابتنازل عنه
وهو كونه تاجر عووود هنني يعني عارفه شابي وشنوو يبي
بس موعارفه شلون اطلب النسبه
وغير هاي انه الحين ببدي بجزء بسيط بيموله لي وباشوف شلون الاقبال واذا رحت بالصيف باذن الله باشوف اللي مشى عندي هني وباطلب منه
بس ابي الفايده منكم
للي عندها خبره بمووضوع التجاره
يعني عباره انتي بس مروجه
اهو بيزودج بالبضاعه صح؟؟
معلي غربلتج بس فهميني اهو شنو شغله وانتي شنوو؟
علشان اعرف
شفايده الحقوق اللي درستها ههه بطبقها عليه
طبعا انه بيكون دوري مروجه وبنفس الوقت اوفر بضاعه
واحتمال امسك المحل
يعني حتى الراتب ابي اعرف جم اطلب فيه
وعن البضاعه اي حبيبتي لان حاليا المحل اللي ابيه في الهند مايرسل الا حق الامارات للحين ماسووه للبحرين فاهوو على روحاته كل جم شهر راح اييب من اللي نحتاجهم من عود ومخلطات
انه مع ان نصيبه اكثر لان اهوو اللي بيروح كل فتره
بس في حال مافتحنه المحل معنه اهو كل يوم يحن علي شوفي موقع استراتيجي وشوفي وشوفي ولاتأخرين المووضوع!!
انزين في حال مانفتح المحل
هل اكتفي بنسبه الفايده منه او اطلب منه مبلغ الترويج وشكثر اطلب منه
حدي محتاره
رجوي تقولي لاتكتفين بالفايده طلبي حق المبيع كانج شريكه وياه
الحين دام انتي بتدخلين معاه في البزنز فانتوا تتفقون في البدايه هل انتي بتكونين شريك معاه ولا بس "تشتغلين عنده"
في البزنز في أنواع للشراكات
مثلا شريك يوفر راس المال فقط وشريك عليه الاداره
وطبعا انتي خريجو حقوق وتعرفين السوالف العقود والشراكات أتوقع
جوفي اذا هو صج مشتط للموضوع وتحسين انه محتاجج من حقج انج تطلبين تكونين له شريكه
وهو اذا ريال حقاني مابيرضى يعطيج نسبه قليله
انزين بالنسبه شلون تحددين عمولتج وراتبج مثلا
أول شي انتي جوفي هو شكثر بيقدم للمشروع، يعني مثلا راس المال عليه واللي هو سعر البضاعه + التذاكر + السكن وغيره
ثاني شي انه بيروح السوق وبيضيع وقته،، وهني تاخذين بالاعتبار ان انتي "مدليته الأماكن"
اذا فتحتوا محل،، من بيدفع الايجار؟؟؟
واذا اشتغلتي انتي،، جم دوام بيكون؟؟ أكيد دوامين،، بعدين عاد بتينين طول اليوم قاعده وسط العطور ههههههههههههههههه
وعلى هالاساس تحددين، مثلا هو 60 وانتي 40%
مادري اذا افدتج يعني
بس لو كنت مكانج باروح اسأل ناس عندهم خبره عمليه وهم مشاركين في بزنزات جذي
أو حتى مكاتب توثيق العقود يمكن يعطونج فكره عن هالشي
وقود لك
فرج الله عليج
احس ريحتيني شوي بردج
اي بالضبط يعني انه وايد احاسب لسفراته بس بنفس الوقت انه بييب زباين وببيعهم وبحط بقيمه البضاعه والخ
نفس ماقلتي انه لاقررت باذن الله باخذه وبنروح حق استشاري قانون
ياختي العرج دساس ماشاءلله اشوف بنات العايله شغالات بزنس نت ههههه باشوف رايهم بعد
تسلمين حبيبتي ماقصرتي غلاتي
وبالتوفيق ترجية ان شاء الله
المحل خليه في السوق أفضل عشان اللي رايح يدخل عليكم مره وحده لأن في محلات صوب البيوت بصراحة عندهم بضايع حلوه لكن الواحد ما يتذكرهم لأنهم مو صوب سوق، لكن لو في السوق ومريت أبغي حاجه ثانية بشوف المحل وبدخل.
المناطق: المحرق، الرفاع، المدينة
وبصراحة لين الناس تسمع محل عطور في المحرق تركض عيل شلون إحنا هل الطيب والعود هههههههه
وهالله هالله بالديكور المودرن ترى الراحة النفسية للزبون وايد مهمة